نا حاسس انى بعانى من اكتئاب حاد من فترة ودائما نفسيتى مش كويسة و دائما متضايق و محبط بسبب حاجات و مشاكل كتير حصلت معايا قبل كدا و بسبب الحالة اللى أنا فيها دائما بتخطر فى بالى افكار سيئة أغلبها افكار انتحارية و بحاول امنع نفسى قدر الإمكان من انى افكر فى الأفكار دى بس المشكلة انى كمان بقيت بحلم يوميا بالافكار دى ف مبقيتش عارف ابطل تفكير فيها فوق دا كله مش بعرف انام خالص و بفضل افكر كتير اوى قبل ما انام ولما بنام بنام لعدد ساعات كتير اوى ف كنت عاوز حل للمشكلة دى لانى بجد مبقيتش قادر اتحمل كل الأفكار السلبية دى مع العلم انى بصلى و مواظب على الصلاة بس غصب عنى والله ومفيش حاجة بتمنعنى انى ابطل تفكير فى الانتحار وكمان مبقيتش عارف اركز خالص سواء فى المزاكرة أو الأمور الحياتية ممكن مثلا اكون رايح اعمل اى حاجة و بعدها انسى أنا كنت رايح اعمل ايه وفى المزاكرة مش بعرف اركز خالص بسرح كتير اوى
طيب إنت عارف إيه سبب إنك عاوز نتحر؟؟ عارف المشكلة فين يعني؟؟
تم النشر الأربعاء، ١٠ أبريل ٢٠٢٤
افضل شيء انك تلجأ لمتخصص!حتي تجده حاول اولا تجد شخص تثق فيه ويكون حكيم وعاقل تحكي له ما بداخلك ، مجرد الفضفضه بدون مساعده حقيقيه هتخفف عنك ، ثانيا جرب كل يوم تكتب كل الأفكار والمشاعر للمواقف التي مريت بيها، اكتب كل مايدور في بالك هتفرق مع الوقت ، ثالثا غير روتين يوميك او اعمل روتين جديد ليومك ، رابعا اهتمّ بنفسك ومظهرك اكثر بيحسن كثيرا من نفسيتك ، خامسا مع الصلاه كلم ربنا في كل اللي مضايقك وادعي كثيرا يخفف عنك ، سادسا الرياضه بتخلصنا كثيرا من المشاعر السلبيه . وافتكر ان اي مشكله في الدنيا لها بدايه و نهايه مهما بلغت قوتها .
تم النشر الخميس، ١١ أبريل ٢٠٢٤
ايه هي المشاكل اللي حصلت معاك قبل كده؟ لان هي تكاد تكون سبب في اللي بيحصلك دلوقت؟ وهل حاولت تستعين بمعالج نفسي؟.
تم النشر الأربعاء، ١٠ أبريل ٢٠٢٤
تعرف كل ده بسبب إيه؟
تم النشر الخميس، ١١ أبريل ٢٠٢٤
جربت مرة مع دكتور اون لاين بس معرفش يفيدنى فى اى حاجة و بصراحة الحوار دا مكانش حلو خالص و إدانى كام دواء مضاد للاكتئاب عاديين جدا أنا لو رحت لاى صيدلى كان هيوصف لى نفس الأدوية و حرفيا الأدوية مكنتش بتعمل حاجة الا انها بتخلينى أنام طول اليوم مش اكتر غير كدا المفروض أنه لما دكتور يكشف عليك تكون قدامه علشان يشوفك و يشوف ردود فعلك و حالتك قدامه علشان يعرف يقيمها و يدينى العلاج المناسب
تم النشر الخميس، ١١ أبريل ٢٠٢٤
ممكن تتواصل مع دكاتره اون لاين دور انت في جروبات بتاعتهم
تم النشر الخميس، ١١ أبريل ٢٠٢٤
المشكلة أنه مفيش دكتور نفسى متاح فى محافظتنا وعلشان كدا لجأت الابلكيشن دا قولت يمكن يساعدنى
تم النشر الخميس، ١١ أبريل ٢٠٢٤
ده بالعكس هيكون افضل و حاول تشغل نفسك ب اي حاجه بعيدا عن الفكره دي
تم النشر الأربعاء، ١٠ أبريل ٢٠٢٤
روح لدكتور ده مش عيب و مش غلط
تم النشر الأربعاء، ١٠ أبريل ٢٠٢٤
لعرض السؤال في فدني اضغط هنا