بجد شكرا خالص ليكى
تم النشر الخميس، ١١ أبريل ٢٠٢٤
لو في حاجة تانية محتاج تقولها أنا سمعاك..
تم النشر الخميس، ١١ أبريل ٢٠٢٤
أيوة فاهمه قصدك ،بس حقيقي وإصبر وربنا هيعوضك عن كل التعب دا والله، إشغل نفسك في أي جاجة بحيث تقلل من مقابلتك ليهم مثلا، شوف شغل حتى لو أونلاين جمب الدراسة ياخد وقتك "حسب الكلية بردو" ،وطول ما إنت هتكون مشغول ومضغوط مش هيكون عندك وقت تفكر في الإنتحار ولا هتتقابل معاهم كتير وإبدأ إشتغل ع نفسك وحط لنفسك هدف لما يطون في هدف هيساعدك تعيش إنك عاوز توصل له
تم النشر الخميس، ١١ أبريل ٢٠٢٤
هو الفكرة أنه الواحد تعب من الحال اللى هو فيه دا بقاله ٧ سنين ف مبقيش عنده طاقة أنه يكمل و يتحمل اكتر من كدا تانى ف بيشوف أنه الانتحار هو خلاصه من الالم و العذاب اللى هو بيعيشه دا و بالنسبة له أنه لما ينتحر هيخلص من عذاب الدنيا ومش بيفكر حتى بخصوص عذاب الآخرة لانه بيبقى كل تفكيره عن أنه تعب و جاب آخره من كل اللى بيحصل له فاهمة قصدى
تم النشر الخميس، ١١ أبريل ٢٠٢٤
العفو على إيه بس، ربنا يصبرك ويريحك، وأهم حاجة إنك تشغل نفسك علشان تنسى فكرة الإنتحار بجد مش حل والله كمل في حياتك لحد ما يجي وقت إنها تخلص وإستمتع بكل لحظة في حياتك إنت عايش مرة واحدة متعيشهاش تعيس وكئيب، محدش ولا حاجة في الدنيا يستاهل إن الواحد يأذي نفسه علشانها والله....
تم النشر الخميس، ١١ أبريل ٢٠٢٤
أن شاء الله خير و شكرا خالص على النصيحة و كل الكلام دا
تم النشر الخميس، ١١ أبريل ٢٠٢٤
أخر حاجة الدعاء بيغير القدر أفضل إدعي كتييير وإنت واثق ومتأكد إن ربنا هيستجيب ليك ويحنن قلب أهلك عليك وييسرك أمورك. وثق في ربنا وإنه قادر يشقلب حالك في دقيقة بس وإصبر هو إختبار هتاخد عليه أجر كبييير وربنا هيعوضك إن شاء الله
تم النشر الخميس، ١١ أبريل ٢٠٢٤
بالنسبة للدكتور النفسي ف في هنا كذا دكتور بس مش عارفة ممكن تتواصل معاهم أزاي. بس في أبلكيشنز بتبقى مخصوصة لدكاترة وإستشارات "مجربتهاش بصراحة" بس شايفة إن هيكون أحسن العلاج النفسي والدكتور موجود، بس لو محتاج الدكتور علشان بس إنك تفصفض ف ممكن تشوف حد تفضفض له عادي
تم النشر الخميس، ١١ أبريل ٢٠٢٤
بص هو الواحد يزعل لو الحاجات دي من إختياره أو في إيده يغيرها.. إنت مختارتش أهلك ولا كان من إختيارك الطريقة إللي عاملوك بيها ولا إللي هيعاملوك بيها، العلاقات بالأهل أغلب الوقت مع الكل بتكون على درجة من التعقيد لأسباب كتير ''منها إختلاف الفترة الزمنية إللي عاشوا فيها عن الفترة إللي إحنا عايشين فيها'' إختلاف طريقة الحياة بيخلي في فجوة وإن هو بيربيك بالطريقة اللي هو إتربى عليها "واللي هي مش غلط ولكنها بس مش مواكبة للزمن إللي إحنا فيه" تاني سبب '' إن بسبب الفارق العمري والفرق في الجيل بينا وبينهم بيكون كتير من الوقت في صعوبة في التفاهم وصعوبة في التعبير عن الحب في أهل شايفين إنه أنا بحبه وعاوزه يكون أحسن ف هشد عليه أوي وأحسسه بالتقصير علشان ألاقي منه نتيجة" دا غلط طبعا" وفي حد يقول أنا هعبر عن حبي ليه بإني أقدم ليه فلوس بس مش عارف أقدم حنان "ودا بردو غلط" وحاجات كتييير ولكن سببها للأساسي فرق السن والطريقة إللي إتربى بيها الأهل''. بالنسبة للدراسة ف إحنا في مصر 😅 أغلب حوارات الدرجات والكلام يا إما إهمال يا إما سبوبة علشان ياخدوا فلوس أزيد "والله أعلم" ف بردو ملكش ذنب فيه لإنك ذاكرت وتعبت وعملت إللي عليك، لو متاح تكلم حد في الكلية في حوار الدرجات دا هيبقى كويس جدا، أو حاول إظهر للدكاترة شوية مش عارفة المشكلة دي ممكن تتحل إزاي لإن بردو مش عارفة سببها بالظبط. أما مشاكلك مع أهلك ف تجاهل إللي إنت مغلطتش فيه وطول ما ربنا شاهد إنك مظلوم وعارف الحق ف ربنا هيرجعلك حقك في الدنيا والأخرة بس الموضوع عاوز خمسة صبر، خليك بار بيهم لإن دا فرض عليك، وكملي في حياتك بالطريقة إللي مناسبه ليك طول ما هي مش حرام ومش عيب وترضي ربنا وإللي يظلم يظلم بقى الحمد لله إني مظلوم مش ظالم وربنل هيجيب حقي، وأصلها كلها كام سنة وحياتك تنفصل عنهم بمجرد ما تتخرج وتبدأ تدور على شغل وتبدأ تشوف حياتك "بس مينفعش تقطع علاقتك بيهم لإنهم أهلك وحراام". عارفة إن مشاكل الأهل مؤذية جداا، ولكن مش إنت إللي إخترتهم ولا إنت إللي اخترت إزاي هما يتعاملوا معاك ولا إزاي يشوفوك يبقى إنت ملكش ذنب ومتهتمش لكلامهم ولا لإنك تعمل حاجة علشان تثبتلهم إن كلامهم غلط كمل في حياتك وطريقك بالطريقة إللي تخليك حد ناجح في عينك وتكون مرتاح فيها بنصيبك وإللي ربنا كتبه ليك.
تم النشر الخميس، ١١ أبريل ٢٠٢٤
مشاكل كتير مع أهلى و بتعرض لظلم كتير اوى منهم و دائما باخد الذنب على اى حاجة وحشة بتحصل لهم حتى لو مفيش اى علاقة بينى و بين المشكلة دى بس مع ذلك بيبقى الذنب عليا أنا فوق دا كله مشاكل فى الدراسة و الجامعة ابسطها كل شوية اتظلم فى الدرجات و اعمل تظلم واخدها بس بعد ايه بعد ما اتضايق و ازعل بسببها و افضل اتهزق من اهلى بالرغم من انى عارف انى مظلوم و بحاول اقولهم كدا بس بدون أدنى فائدة + مفيش اى دكتور نفسى متاح فى محافظتنا و علشان كدا لجأت الابلكيشن دا
تم النشر الخميس، ١١ أبريل ٢٠٢٤
طيب عادي أسأل إيه نوع المشكلة؟ وزي ما قولت لو مش عارف تتعامل روح ل دكتور يساعدك ودا أحسن حل
تم النشر الأربعاء، ١٠ أبريل ٢٠٢٤
عارف كل كل الكلام دا بس الفكرة أنه المشكلة اصلا مش عارف لها حل يعنى المشاكل دى كلها بدأت من وانا عندى حوالى ١٢ سنة و اهو عدت ٧ سنين و مازلت المشكلة مستمرة ولسا متحلتش وكل فترة تظهر مشكلة أسوأ من اللى قبلها و تتعبنى اكتر و اكتر و اهو أنا فى الحالة النفسية دى بقالى ٧ سنين ف تراكم المشاكل و الحزن دا اثر جدا عليا خصوصا انى بكتم زعلى جوايا لانه مش متاح ليا إمكانية انى احكى مع شخص معين و افضفض له كمحاولة انى اخفف عن نفسى
تم النشر الأربعاء، ١٠ أبريل ٢٠٢٤
كونك عارف سبب المشكلة ف انت معاك حلها وهي مسألة وقت بس، المشكلة انت مش بإيدك ترجع بالزمن تغيرها وتمنع انها تحصل، لكن بإيدك الحاضر والمستقبل انك تعدل في الحاضر بتاعك علشان تحسن مستقبلك. الانتحار لو كان حل كان الرسل انتحروا بعد الأذى إللي بيإذيه ليهم قومهم، كانت السيدة مريم إنتحرت. الموت كده كده قدر وهيجي وقتك بإذن ربنا، لكن كونك عايش وفيك نفس لحد دلوقتي معنى كده إن لسه حكايتك مخلصتش، أذى النفس والأفكار الإنتحارية مش حلول لأي مشكلة، دي هروب وضعف، أنا بكلمك من واقع تجربة عشتها كنت بأذي نفسي ك عقاب ومرتين كنت هنتحر ولولا ربنا سترها ومعرفش كانت بتخلص وأنا كويسة إزاي لكن دلوقتي بعد ما المشاكل خلصت وفوقت لنفسي وشوفت الحياة أكتر أدركت إن اللي كنت فيه ولا حاجة وقاعدة بندم على الأذى إللي كنت بأذيه لنفسي لإن في مشكلة بعاني منها دلوقتي لكنها بسيطة الحمد لله. شوفت حياة الناس حواليا بالذات أحداث فلسطين شوفت النعم إللي عايشة فيها وغير لاء، ادركت إن ربنا بيدي شخص نعمة بس بياخد منه حاجة تانيه. الدنيا دار إبتلاء ودي قاعدة مفيهاش نقاش ربنا كتبها علينا بلاء علشان هي مش بيتنا ولا مكانا إحنا هنا علشان ناخد الجنة بالصبر والعبادة. إسمع سيرة الرسول ل أحمد عامر، إشغل وقتك قد ما تقدر حتى لما تقعد فاضي اقعد اقرأ في المصحف، إذكر ربنا، إصبر، كل حاجة هتعدي والله وأي مشكلة ليها حل، دور ع حل للمشكلة بدل ما تدور ع وسيلة تأذي نفسك بيها، هتعدي وإنت بس اللي هتعيش ندمان والله. لو حسيت الدنيا معصلجة أويي ومش قادر توصل مع دماغك لحل روح لدكتور يساعدك ويسهل لك الطريق..
تم النشر الأربعاء، ١٠ أبريل ٢٠٢٤
اه عارف السبب و المشكلة إللى سببت لى كل دا بس مفيش فى ايدى حاجة علشان اقدر اتخلص من المشاكل دى علشان كدا كنت محتاج حل او علاج ضرورى اقدر أمشى عليه و يساعدنى اتخلص من الحالة النفسية اللى وصلت لها
تم النشر الأربعاء، ١٠ أبريل ٢٠٢٤
لعرض الإجابة في فدني اضغط هنا