انا مامتي متوفيه الله يرحمها من ٥ سنين وانا شايله مسئولية البيت ابويا واخواتي الولاد بس بحس بالوحده دايما امي كانت ماليا عليا حياتي اتخطبت ٣ مرات وبتتفشكل وزهقت ياترى المشكله فيا ولا فيهم
عزيزتي سارة، أولا، أودُّ أن أعبر لك عن خالص التعازي في وفاة والدتك، وأسأل الله أن يرحمها ويجعل مثواها الجنة. إن الشعور بالوحدة والفقد بعد خسارة شخص عزيز هو شعور طبيعي وصعب للغاية. أما بالنسبة للمسؤوليات التي تتحملينها في البيت، فمن الطبيعي أن تشعري بالتعب والضغط بسبب هذه الأعباء. فقدان الدعم الذي كانت توفره والدتك يمكن أن يجعلك تشعرين بأعباء أكبر. فيما يتعلق بعلاقاتك السابقة، فليس من الحكمة فرض اللوم على نفسك أو على الآخرين. قد تكون الأسباب متنوعة وقد تتعلق بالتوافق الشخصي أو الظروف المحيطة. من المهم أن تأخذي وقتًا للتفكير في ما ترغبين به في المستقبل، وما هي الصفات التي تبحثين عنها في شريك الحياة، وأيضًا كيف يمكنك التعامل مع مشاعر الوحدة التي تشعرين بها. أنصحك بالتعبير عن مشاعرك والحديث مع شخص تثقين به، سواء كان صديقاً أو مستشار نفسي، فهذا قد يساعدك على فهم نفسك بشكل أفضل. تذكري، تحتاجين إلى العناية بنفسك أولاً قبل تلبية احتياجات الآخرين. ابحثي عن الأنشطة التي تجلب لك السعادة وتقدمي على تحقيق أهدافك الشخصية. كل التوفيق لكِ في المراحل القادمة، وكوني واثقة أن الله يكتب لك الخير في كل خطوة تأخذينها.
تم النشر الثلاثاء، ١٤ يناير ٢٠٢٥
قال تعالى ..وعسى أن تكرهوا شيئا وهو خير لكم مش كل حاجة وحشه بتحصل معناها ان فى مشكلة وضرورى ندور عليها ونحلها انتى بس احساسك بانك عاوزه تستقلى بحياتك هو اللى مخليكى متضايقه من الموضوع بالشكل ده
تم النشر الخميس، ١٦ يناير ٢٠٢٥
دا اختبار من ربنا و افتكري اعظم اجر هو اجر الصبر أنما يوفي الصابرون اجرهم بغير حساب الوحيدين اللي مش هيتحاسبوا نهائي الصابرين فربنا يجعلنا منهم و يرحمنا من عذاب الاخرة قربي اكتر من ربنا و احمدي ربنا برضا و يقين برحمته و اشغلي وقتك بشئ مفيد انتي شايفه انتي محتاجه تتعلمي اي و ابدأي فيه و ربنا يكرمك و يرزقك باللي نفسك فيه 🌷🤍
تم النشر الثلاثاء، ١٤ يناير ٢٠٢٥
خليكي بعد ربنا طبعا السند الاول لنفسك 👌🖐🏻
تم النشر الخميس، ١٦ يناير ٢٠٢٥
ونعم الاجابة اهلك عرفو يربو علي الاصول دا مبدائيا ربنا يخليكي ليهم 👌ثانيا اقعدي مع نفسك كدة قعدة صفا نية لله بينك وبين نفسك حددي او قولي او افتكري مع نفسك كدة يا تري اي سبب كل مشكلة او اي سبب كل الفشكلة في الخطوبة في كل مرة حطي اي حد مكانك وانتي اعتبري الموقف دا حصل مع صحبتك مثلا وهي جات وحكتلك علي السبب اللي حصل او المشكله اللي بسببها فشكلت في كل مرة وانتي حاولي تنصحيها عايزك تتخيلي الموقف فا شوفي نفسك بقا هتدي نصايح للشخص صحبتك دي اللي هيا في الاساس انتي فهماني فا هتدي لنفسك نصيحة بايه بعد ما عرفتي الاسباب وايه اللي كان سبب وانتي بنفسك ولنفسك تنصحي نفسك لان محدش هيقدر يفيدك صدقيني غير نفسك ولا حد هيحس احساسك اللي انتي بتحسيه ولا حد عارف اللي انتي فيه مهما وصلتي الصورة اللي جواكي او احساسك بايه ما عمره حد هيشوف ولا هيحس كلامك فا اعملي لنفسك مراية او تخيلي الموضوع دا حصل مع صحبتك مثلا وجات حكتلك الموضوع وانتي بقا هتنصحيها بإيه 🙂
تم النشر الخميس، ١٦ يناير ٢٠٢٥
ربنا يخليك ويكرمك في حياتك
تم النشر الثلاثاء، ١٤ يناير ٢٠٢٥
جزاكِ الله عنهم كل خير.. انتى بتعاملى ربنا وجزاءك عند الله لن ينساه.. اختك سامحيها وعاتبيها مش عيب.. وفكرة الجواز دى انتى غلط فيها كل الفكرة النصيب ليه وقته منعرفش امتا وازاى وفين.. ادعى لاخوكى يرزقه الزوجة الصالحة وادعى لنفسك بالزوج الصالح التقى..وعادى لو صبرنا شوية ربنا اكيد كاتبلنا الخير..
تم النشر الثلاثاء، ١٤ يناير ٢٠٢٥
تمام انا الحمد لله بصلي وبدعي دايما وساعات بفكر اني متجوزش خالص وساعات بخاف لأحسن اخويا الكبير يتجوز وأفضل اعيش لوحدي لان هو اكتر واحد بيقعد معايا ابويا مش فاضي واخويا الصغير لسه صغير مش فاهم حاجه وعندي اخت متجوزة بشوف طلباتها وطلبات بناتها بجيبلها اللي هيا عايزاه وكنت بكون مبسوطه جدا لحد ما حصل موقف بنا خلاني احس انها بتحبني عشان مصلحتها ومن ساعتها وانا مضايقة منها بس مش ببين ليها حاجه
تم النشر الثلاثاء، ١٤ يناير ٢٠٢٥
صباح الخير... ربنا يرحم والدتك ويصبرك، ويجازيكِ خير على تعبك وتحملك المسؤولية. اللي انتي فيه مش سهل، والوحدة اللي بتحسي بيها طبيعي جدًا لأن فقدان الأم بيأثر على حياة أي حد، وخصوصًا لما تكوني شايلة البيت وأهله على كتفك. بالنسبة لموضوع الخطوبات اللي ما كملتش، أول حاجة حابة أطمنك إن ده مش دليل إن المشكلة فيكِ. أحيانًا النصيب بيكون هو السبب، وأحيانًا بيكون فيه اختلافات بين الطرفين ما تظهرش إلا لما العلاقة تتعمق. 1. افهمى نفسك وحددى أولوياتك.. فكري كويس إنتِ عايزة إيه في شريك حياتك، وإيه الحاجات اللي مش هتقدري تتنازلي عنها، عشان لما حد جديد يدخل حياتك تكوني واضحة معاه ومع نفسك. 2. ما تظلميش نفسك.. ما تخليش فكرة إنك شايلة مسؤولية البيت أو تعبك تأثر على طريقتك في التعامل مع الخطاب. خلي عندك ثقة في نفسك، لأنك إنسانة قوية ومكافحة، وده شيء لازم تكوني فخورة بيه. 3. الهدوء في الاختيار.. لما حد يتقدم ليكِ، خدي وقتك في التعرف عليه كويس، وحاولي تشوفي هل هو فعلاً مناسب ليكِ على المدى البعيد؟ وهل يقدر يتحمل طبيعة حياتك وظروفك؟ 4. التواصل مع حد قريب منك.. ممكن يكون فيه حد من أهلك أو صديقة مقربة تقدر تتكلمي معاها وتاخدي رأيها بصراحة لما حد يتقدم ليكِ، عشان يساعدك تشوفي الأمور من زاوية تانية. 5. اهتمي بنفسك.. ما تسيبيش مسؤولياتك تخليكِ تنسي نفسك. خدي وقت لنفسك تعملي حاجات بتحبيها أو تخرجي مع صحابك عشان تكسر الوحدة. 6. الدعاء والاستغفار.. خلي ثقتك في ربنا كبيرة، وادعي إن ربنا يرزقك بالإنسان المناسب اللي يعوضك عن كل اللي مريتي بيه. كمان الاستغفار له أثر كبير في تغيير الحال للأحسن.أخيرًا المهم إنك ما تفقديش الأمل أو تحملي نفسك فوق طاقتها. أي علاقة ما كملتش هي مجرد تجربة وخبرة تضاف لرصيد حياتك. لما يجي الشخص المناسب، هتعرفي إنه هو، وكل حاجة هتتظبط بوقتها.. وادعى ربنا دائما بالخير..
تم النشر الثلاثاء، ١٤ يناير ٢٠٢٥
لا في الخطوبه انا مستعده اشيل اخواتي وعيلتي فوق راسي
تم النشر الخميس، ١٦ يناير ٢٠٢٥
ما هو انتي المشكلة في اي بالظبط في مسوالية البيت ولا قصدك ف الخطوبة!؟
تم النشر الخميس، ١٦ يناير ٢٠٢٥
يارب
تم النشر الثلاثاء، ١٤ يناير ٢٠٢٥
اللهم امين يارب.. انتى وانا وجميع المسلمين.. اتأكدى ان ربنا هيجازيكِ كل خير
تم النشر الثلاثاء، ١٤ يناير ٢٠٢٥
لعرض السؤال في فدني اضغط هنا