من وقت وفاه امي وانا واقفه مكاني بجد مش قادره اتحرك خطوه واحده لقدام عد ع وفاتها سنه وشهر لاكن لسه حاسه نفسي ف نفس اليوم الي اتوفت فيه مش قادره اعمل اي حاجه لنفسي شايفه اصحابي كلهم ماشاء الله بيتطور من نفسهم ربنا يكرمهم يارب وانا مش قادره اعمل لنفسي حاجه قلبي وجعني ببكي كتير اوي من بعدها كل ما احاول اخد خطوه برجع تاني الموضوع بقا تعبني جدا ومش عارفه اعمل ايه
مع احترامى لحضرتك لو البكاء هيرجع اللى راح كنا كلنا بكينا بدل الدموع دم لكن هيا دى سنة الحياه ولازم نؤمن بيها حاولى تدعلها وتقربى من ربنا وتحاول تشغلى نفسك بأمور الحياه وترمى ورا ضهرك شويه علشان الحياه تمشى وطبعا ربنا سبحانه وتعالى أكرمنا بنعمة النسيان فحاولى تنسى على قد ما تقدرى واشغلى وقت فراغك وادعلها وادعى لنفسك بالصبر مع تحياتى
تم النشر الجمعة، ١٥ سبتمبر ٢٠٢٣
الله يرحمها ويغفر لها يارب العالمين 🤲✨ ... انت بتبكي بسبب فقدان أمك بس هل البكاء بيفيدك في شي ؟ لا بس هوي بيفيدك في شغلة وحدة أنه من بكائك انك انتي بتحبي أمك كثيييير وهذا شيء جدآ ممتاز ولكن لا تجعلي الإحباط واليأس والظلام يدخلان قلبكِ عليكِ بالشجاعة والقوة أنا لا أقصد أن تقلدي الولد لا !!! فهمتي غلط كان قصدي أنه شخصيتك يجب أن تصبح اقوى لأنك اصبحتِ ضعيفة بسبب موت اعز شخص على قلبك أكيد كلنا بيصير معنا هيك شئنا أم أبينا لهذا تقدمي ولا تتراجعي عن حلمك عن هدفك عن طريقك عن مستقبلك الروعة والجميل لا تستسلمي مهما قالو لكِ الناس وأيضاً قولي فقط أنني سأنجح أمامهم فإذا ضحكو فإعلمي أنكِ على الطريق الصحيح لأن هذه هي طريقة النجاح دائماً بكون هناك استهزاء تنمر ولكن قلبك اقوة من أن ينكسر لهذا لا تبكِ ولا تحزني ولكن ستقولين لي لماذا إذا لا تبكِ على والدتي الحبيبة ! لا بل إبكِ عليها ولكن ليس بهذه الطريقة بل بالروح بما أنها هي اعز انسان عليكِ فروحها في روحكِ لهذا فهي أيضاً تقول لكِ لا تستسلمي لا تستسلمي تقدمي ولا تبالي بأفكار وآراء الناس عليكِ تقدمي خذي خطوة إلى الأمام من دون قلق ... ولهذا أنا هنا الان سأعطيكِ قنوات على اليوتيوب متعلمين الحياة ممتازة وهؤلاء القنوات :- عبدالله علاوي دوباميكافين محمد غنايم محمد عيتاني معتز مشعل تحفيز يومي تحفيز بالعربي دروس اونلاين Winner's Team هدول قنوات ممتازة جدآ بالنسبة لكِ لا بل لكل إنسان على وجه هذه الكرة الأرضية لهذا اذهبي وأبداِ هدفك الاسطوري اللامع والمشرق ✨✨ و بتوفيق لكِ 🤲🤲❤️❤️❤️
تم النشر السبت، ١٦ سبتمبر ٢٠٢٣
مراحل الفقد اولها الصدمة والانكار ...فانتى طالما حاسه نفسك واقفه فى نفس اليوم يبقى لسه بتنكرى انها مبقتش موجوده ونفسك تصحى فى يوم تلاقى ده حلم ابدأى اكدى لنفسك الواقع وروحى المقابر وزوريها واكدى لنفسك الحقيقة انها مش موجودة \ كل ده هيحصل بوجع وزعل وعياط ...بس كلها مراحل لازم تحصل عشان تقدرى تقولى انك عارفه تعيشى وتطورى نفسك ...التقب هو اةل تطور انتى محتاجاه لو بتحبى ماما خليكى ذرية صالحة ليها وادعيلها وحققى حاجات هى تاخد من وراها حسنات اعمالها انتهت بس انتى تقدرى تكونى العمل المستمر ليها ....انتى بتوقفك عن الحياه مش بس بتظلمى نفسك ..انتى بتظلمى حبك ليها انك ممكن تساعديها وتزودى ميزان حسناتها بنفسك
تم النشر الجمعة، ١٥ سبتمبر ٢٠٢٣
اولا اخبارك ايه ..لعلك بخير ..ثانيا مش هقولك متبكيش لا البكاء صفاء للقلب ونقاء للحياة بالذات من صدمة وجع الفراق انا حاسس بمرارة الفقد والحيرة والوحدة اللي سببتهولك الصدمة كلنا مرينا بفقد اعز ما لينا وكانوا السند لينا بعد ربنا اقرب ناس لكن اللي عايز اقولك مش جاي اقدم تصيحة لكن اللي عايز اقولك ان محدش فينا هيشعر بمرار الفقد اللي انتي فيه لكن بكل ثقة اطمني انها موجودة معاكي وف قلبك وحواليكي وشايفاكي يعني لازم تكملي حياتك وتنجحي اكتر ومتفضليش علي نفس وتيرة الحزن دي وهتمر الايام وافتكري كلامي ده ان ربنا انعم علينا بنعمة النسيان للحزن فتم تسميتنا انسان جاءت من انه نسي ولكن الجميل اووي ان اعز التاس لينا عايشين دايما بالقلب ولولا ارادة الله في الحياة والموت كنت لاحقنا بهم واخيرا خرجي نفسك من دائرة الحزن دي بقي وقومي اعملي خير وساعدي غيرك صدقة علي روح والدتك هتفرحي قلب الغلبان وهتفرحي برحمة الله ليه وعلي روح والدتك وافتكري ان اي عمل خير بنعمله لروحهم هيخلي لينا شغف جميل ونجاح اعظم هيفتخروا بيه دايما لحد ما توصلهم بالرحلة اللي هنقضيها في الحياة ..ربنا يرحمها ويعزي قلبكم بكل الصبر والسلوان ويعطي جميع من فقدنا راحة ورحمة ابدية من عند الله ..دمتي بخير
تم النشر السبت، ١٦ سبتمبر ٢٠٢٣
عندك حق ف احساسك ومشاعرك عندك حق في كل اللي وصلتيله واوعي تلومي نفسك انك زي مانتي بسبب مقارنتك بيهم... كل واحد له حياته ورحلتها هيعيشها بمعانتها وبحلوها وبمرها.... المشاعر الحلوه والوفاء والانتماء والحب العظيم اللي جواكي ده طبيعي اوعي تقولي انه هو سبب انك محققتيش حاجة لا لا.. ده طبيعي ان المشاعر دي تكون جوانا بس ترجمتنا للمشاعر دي بتختلف من شخص للتاني... عاوزك تشتغلي ع نفسك اكتر وتفكري لو والدتك عايشه هيا هتحب تكوني وصلتي لفين واعمليه وعافري وحققيه عشانك وعشانها
تم النشر الجمعة، ١٥ سبتمبر ٢٠٢٣
لعرض السؤال في فدني اضغط هنا