يا جماعه انا مدايقه من خطوبتي هو في كل الصفات الاساسيه زي الطيبه والحنيه والكرم انا ليا مواصفات تانيه مممكن تافهه بالنسبه للناس الي حواليا بس انا مش عارفه اعمل اي كلو بيقولي هتندمي لما تكبري شويه في السن
انا بعتبره زي صديق اخ مش اكتر مش حابه كزوج ابدا انا عمري 23 سنه لما قالي اننا هنفركش بحس اني مرتاحه انا بكلمه ع الواتساب عادي وبضحك واهزر معاه كصديق بس لما يجي ويقولي لما ربنا يجمعنا هنجيب كذا ونعمل كذا بدايق مش حلاه كزوج مش عارفه ليه مرتاحه له كصديق ك اخ احكي معاه إنما كزوج مدايقه من كدا مش عارفه لو اخدته هرتاح بعدين ولا اتصرف ازاي
ممكن حد يقولي اعمل اي وعايزه اخد قرار حاسم المشكله انه بيحبني اووي ومتعلق بيا وانا بحاول اخليه يكرهني والتصرفات الي كنت بعملها معاه عشان يكرهني واجي وقت اننا نسيب بعض يقعد يقولي مش مسامحك انا عارفه اني اهنته وجرحته كتير بس بدون قصد انا بس عايزه اسيبه بس مش شايله ذنبه وبيقولي اخدتي وقتي وطاقتي ولانه كان مسافر من زمان فنزل خطبني ورجع تاني مش هينزل دلوقتي تاني عشان لو عايز يخطب وهو عمره ٢٨ سنه اعمل اي انا حاسه اني قلبي مقبوض ومش عارفه اذا كنت هرتاح بعدين ولا لاء وشايله ذنبه وكل مره احاول اسيبه ويقولي مش مسامح احس بالذنب واقوله خلاص هناخد فرصه تانيه وهكذا تعبت مش عارفه احدد
اعتقد انك نزلتى نفس السؤال قبل كده او ممكن نفس المشكلة متشابهه عموما خلينى اقولك انك واضح انك خايفه من الجواز عموما ومش الشخص هو اللى فارق هنا لو شايفه ان الجواز وقيوده مش هتعرفى تستحمليها وان فى فرصه انك تلاقى شخص يبقى زوج ومتحسيش معاه ان فى حاجة اختلفت فى حدود الحياه واللى ينفع واللى مينفعش فخلينى اقولك انك تعيدى تفكير فى قبولك للزواج اصلا وانتقالك من بيت اهلك لبيت اخر بدون ان تفهمى حقيقة الزواج والمسئولية واختلافات الحياه
تم النشر الاثنين، ٢٥ مارس ٢٠٢٤
خمسة أعوام أو سنوات فرق بيبدأ أسلوب المسئولية كجيل يتغير ويختلف وتختلف باختلاف أولوياته.
تم النشر الاثنين، ٢٥ مارس ٢٠٢٤
الحياة الزوجية وإن كان الأصل فيها أن تكون قائمة على الحب بين الزوجين، لكن ذلك لا يعني أنه يستحيل الاستمرار فيها بدونه، فثمة عوامل أخرى تمد هذه الحياة بمادة بقائها واستمرارها. قوله تعالى: وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ {البقرة:216} قال عمر لامرأة سألها زوجها هل تبغضه؟ فقالت: نعم، فقال لها عمر: فلتكذب إحداكن ولتجمل فليس كل البيوت تبنى على الحب، ولكن معاشرة على الأحساب والإسلام. أورده في كنز العمال. وأما إن كنت غير قادرة على تخيل الحياة الزوجية معه وخشيت أن يؤدي ذلك إلى تضييع حقوقه التي أمرك الله بها فلك أن تتركيه من الآن قال تعالى: فإن خفتم ألاّ يقيما حدود الله فلا جناح عليهما فيما افتدت به .{البقرة: 229} القرار يعود لكِ إذا شعرتي أنك لا تستطيعين تقبل حياتك الزوجية معه فعليك بتركه من الآن حتى يتسنى له الفرصة بإعادة ترتيب حياته والبدء في البحث عن شريكة حياته من جديد أما إذا كنتِ تشعرين بإنك تريدينه وتستطيعين الزواج منه وإكمال حياتك معه بدون كلل أو ملل أو ضيق فعليكي بالمحاولة في تقبله ومعرفة سبب ضيقك من فكره زواجكما .
تم النشر الاثنين، ٢٥ مارس ٢٠٢٤
ياريت لو انتي مش قادرة تكملي معاه تقولي له مباشرة، ليه تقعدي تكرهيه فيكي .. ما الموضوع هينتهي بطريقة مش كويسة .. وبالعكس لو كانت نيتك خير هتكون بالنسباله شر، لانك كده هتتسببي في مشاكل نفسية له. ف يستحسن لو قررتي ان خلاص مش هو ده الشخص اللي انتي عايزاه .. ياريت تقولي ده بشكل مباشر. اما عن كونك مش عايزاه .. ف انتي ليه مش شيفاه زوجك؟
تم النشر الاثنين، ٢٥ مارس ٢٠٢٤
بصي حاولي تفكري كويس اوي في حتة انه بيحبك دي لان صعب الواحده تلاقي حد بيحبها اوي اليومين دول وطالما هو شريكي وعايزك في الحلال فانتي فكري كمان واسالي نفسك ايه السبب اللي مخلي قلبك ميرتاحلوش وخليكي صريحة مع نفسك جدا ولو لقيتي سبب مقنع شاوري اهلك في الموضوع وشوفي رأيهم ايه في السبب ده هل يستاهل انك تيبيه علشانه ولا لأ ولو ملقتيش سبب فكده هتلجأي للحل التقليدي انك تخلي اهلك يسأله عليه كويس ٠جدا وخاصه علاقته بربنا بيصلي ولا لأ محترم بتاع مشاكل ولا لأ كده ولو طلع محترم وبيصلي توكلي علي الله وحاولي تفتحي قلبك ليه بصدق بصدق بصدق واوعي تكدبي علي نفسك عشان مش تظلميه معاكي لو خدتيه وانتي مشج خباه بصدق ولو طلع عكس ذلك فقلبك دليلك وكل شي قسمه نصيب
تم النشر الثلاثاء، ٢٦ مارس ٢٠٢٤
لعرض السؤال في فدني اضغط هنا