السلام عليكم انا متجوزة من ٦سنين وعندي اولاد اتنين وبصراحة انا تعبانة جدا انا اتجوزت جواز صالونات مش حب وبجد انا بدعي وبقول ي رتني ما اتجوزت تجربة فاشلة وفشلت فيها فشلت اكون زوجه فعلا مقدرتش اكسب قلب جوزي مع العلم اني ع قدر عالي من الجمال بس معرفتش اكسبه انا عصابية ودايما النقاش بينتهي بينا ب نرفزة وعصبية وخناق وللعلم بنتخاصم ب ال١٠ ايام واكتر وانا مش حابة كدة وللعلم برضو انا اللي بجري عليه الاول وابدا ب الصلح مع اني مش عارفة اقرب منه واحبه اسفه لو قلت كدة بس بجد انا زعلانة جدا اني مش عارفة اعمل ايه عاوزة حل لو حتي اعرف اتكلم معاه ويبقا فيه بنا تفاهم مفيش خالص بنا تفاهم للعلم بيني وبين جوزي ١٣سنة
وعليكم السلام ورحمه الله وبركاته بصى بايت الكل كل راجل وله مفتاح واكيد انتى اكتر واحده تعرفى مفتاح زوجك يعنى ايه اللى بيحبه وايه اللى ببكره قربى كتير من اللى بيحبه والهدى كتير عن اللى ببكره وبلاش نكد يعنى لو فيه موضوع عايزه اتكلم فيه معاه ياريت تختار الوقت المناسب وتحاول تهدى اعصابك وتتكلم معاه بمنتهى الصراحه فى كل كبيره وصغيره بس ياريت بجد تختار الوقت المناسب بمعنى ميكونش لسه راجع من الشغل وزهقان وتفتحى معاه فى النكد اهم شيء اختيار الوقت المناسب وتتكلمى معاه بمنتهى الهدوء جربة وان شاء الله هتلاقى تقدم كبير اوى فى العلاقه بينكم وربنا يوفقك يارب
تم النشر الخميس، ٢١ سبتمبر ٢٠٢٣
اتعاملي بطبيعتك مع وضع ضوابط احترام للزوج وقت ما تتعصبي امشي من قصاده ...صدقيني هاتكبري بنظره كتير اوي ....وحاولي تشوفي مزاياه يعني تخيلي لو مش موجود لو سافر هاتحسي انه وحشك طبعا معنى كده انك بتحبيه ...عبري عن حبك بطرق كتيره ...ده زوجك حلالك واشتري لبس جديد وطوري من نفسك
تم النشر الخميس، ٢١ سبتمبر ٢٠٢٣
وعليكم السلام ورحمة الله وبركاته شكرا لحضرتك ع المشاركة كل شخص خبير في حياته ولكنه لا يعلم يعني حضرتك اكتر واحدة ممكن تساعدي نفسك بس مش عندك المهارة او الأداة لفعل ذلك اول حاجة واهم حاجة الدافع اللي جواكي انك تستثمري فحياتك الزوجية وانه لأمر عظيم لكي ولزوجك وأولادك يبقي نتعب شويه ونتعلم ازاي اعمل ده في علماء وخبراء أجانب افنوا حياتهم لدراسة العلاقات وصحها فين وايه ينفع وايه بلاش وقدموا لنا الرحلة بتاعتهم في كتب والحمد لله الكتب كمان مترجمه ومتاحة ورقيه وع النت مقروءة ومسموعة وpdf كمان يعني مفيش اسهل من كده من الكتب دي 1001نصيحة رومانسية 7أخطاء يرتكبها الأزواج كيف تنقذ علاقتك الزوجية من الانهيار احتياجاته واحتياجاتها وكتب كتير فالعلاقات اقرب افهمي اكتبي نقاط مهمة طبقي وخلال كل ده هتثري عقلك وقلبك واهم نقطة خليها لله ماكان لله دام واتصل وربنا هيبارك فوقتك ومجهودك نقطة بسيطة بس عن العصبية حاولي كوني مثل هادي لأولادك لانهم بيشربوا السلوك كووني ذكريات جميلة قبل ماتتعصبي عموما استني لحظة وفكري انا ردة فعلي مناسبة للموقف ولا لأ طب ايه الأصلح انا عارفه التنفيذ غير الكلام خالص بس مش مستحيل وبيحصل بالتدريج ربنا يعينك ويوفقك ويرشدك للصالح ولو محتاجة الكتب متاحة عندي pdf
تم النشر السبت، ٢٣ سبتمبر ٢٠٢٣
طب ما انتى ذكرتى الاسباب بنفسك ....ايه اللى منعك تركزى على الاسباب دى وتحليها ؟ جمالك اكيد من الحاجات اللى جذبت زوجك ليكى ...بس يختفى الجمال مع الضغط النفسى ومع الوقت هيفقد قيمتة لو حواليه مشاكل كتير كده
تم النشر الخميس، ٢١ سبتمبر ٢٠٢٣
بصي شوفي انت اكيد في المشكله بينك وبين جوزك بتتلخص في حاجه او حاجتين او تلاته بالكتير دي اللي دايما بتتعملوا او بتعملوا عليها مشاكل تمام فلازم تركزي كويس يعني خذي لك فتره كده اقعدي ركزي شوفي انتم ايه المشكله ما بينكم بالظبط هل هي بتتخانقوا على المشاعر على على مصاريف البيت هل على ايه بالظبط اقعدي مع نفسك كده قاعده خدي استراحه كده زي استراحه زوجيه ما تتكلميش معاه خالص كل الكلام هيبقى الاول مع نفسك ابداي وشوفي خطواتك ايه وانت رايحه فين انا ايه اللي بتخانق معه عليه طيب انا بتخانق على واحد اتنين تلاته طيب انا عايزه من العلاقه ايه؟انا بقى عايزه من العلاقه دي ايه عايزه لما انا هكون مستريحه نفسيا.هيكون بيحصل واحد اتنين تلاته فبرده هنكتب انا عايزه من العلاقه ايه ما احطش في دماغي فرق السن لان انا خلاص اوكي اتجوزت ده مش معناه ان انا اتجوزت خلاص يبقى دي نهايتي لا انا اتجوزت فمش هحط في دماغي سن هحط في دماغي انا عايزه استريح معه لان السن مش فارق قوي في سن بيفرق فعلا وفي لا وفي بيعدي موضوع السن ده فهنخلينا احنا من الناس اللي بيعدي مؤقتا.هنشوف ايه انا عايزه ايه من العلاقه دي طيب ابدا بقى اشوف واحد اتنين تلاته وابتدي اتكلم مع جوزي في اللي انا عايزاهمش هو بيعمل ايه في فرق كبير هو بيعمل ايه هيقعد يدافع عن نفسه ومش هتوصلي لحاجه وهتوصلي للعصبيه ونرفزها لكن انا مشاعري ايه او انا نفسي في ايه او انا عايزه ايه او بكون سعيده امتى انا تقولي له انا بكون سعيده لما بتكلمني في كنقول سعيده لما بنخرج انا بكون سعيد زي ما انت عايزه بقى الناس مختلفين شوفي مشاعرك وعن احتياجاتك بشكل لطيف مش بشكل نرفزه لان النرفزه اللي بيجيب النرفزه والعصبيه هو ان احنا بنقول انت عمرك ما عملت كذا انت دايما كده فده بيدافع عن نفسك انت كمان لو حد قال لك كده برده هتدفع خطواتانا عايزه ايه ومشاعري ايه وبحتاج ايه وتقولي له وتعبري له واحد اتنين تلاته الحاجه المهمهلما يكون هو اللي غلطان.من فضلك ما تروحيش تصالحيه حتى لو قعد 20 يوم لو قعد 20 سنه ما تروحيش تصالحيه لازم هو يتعود زي ما انت عودتيه ان انت اللي بتروحي تصالحيه عوديه كمان ان انت ما تروحيش لصالحيه طالما هو اللي غلطان ودي نقطه مهمه جدا في العلاقات.
تم النشر الخميس، ٢١ سبتمبر ٢٠٢٣
قولى لا حول ولا قوه الا بالله العلي العظيم 100مره كل يوم وده من حديث الرسول صلى الله عليه وسلم
تم النشر الخميس، ٢١ سبتمبر ٢٠٢٣
ليه بتقولي فاشلة بالعكس انا شايفه انك زوجه ناجحه جدا و عارفه تقصيرك فين و بالعكس انتي بتبادري و تروحيله الاول ده ف حد ذاته ي حبيبتي شئ ناجح مش شرط يكون في بينكم حب سنين و كلام فاضي اهم حاجه الموده و الرحمه و العشرة اللي بينكم حاولي تصلحي من نفسك و تقللي من عصبيتك مشي امورك معاه مفيش مشكله لو اتنازلتي معاه شويه و اوعي تقولي زوجه فاشلة تاني او تسمعي وسوسة الشيطان انتي انجح زوجه ف الدنيا 💕
تم النشر الخميس، ٢١ سبتمبر ٢٠٢٣
حاولي متتعصبيش علطول وفكري كويس في كل حاجه قبل لما تحصل وليه تقولي فاشله علفكره لا خالص والله وربنا يهدي الحال ويصلح الحال
تم النشر الجمعة، ٢٢ سبتمبر ٢٠٢٣
جوزك كام سنه
تم النشر الجمعة، ٢٢ سبتمبر ٢٠٢٣
الله يعينك
تم النشر الخميس، ٢١ سبتمبر ٢٠٢٣
طبيعي عشان السن ولاكن أحب أقول اعرفي الأسباب مهو لو مش مهتم بيكي حبيبك والاسهل عتم الراجل كدا بس الراجل عندوا حتة الاحتواء انت بتبقي كل حاجة في حياتو لذلك حاولي تفهمي جربي تخصم كدا وشوفي هيعمل ايه ان حد ئرييي ساب مراتو مرجعهاش لغاية دلوئتي اخلي بالك ممكن تكوني واخدة الامور بحساسية شوية
تم النشر الخميس، ٢١ سبتمبر ٢٠٢٣
لعرض السؤال في فدني اضغط هنا