الانسان يقدر ازاي يحاول يستفيد بوقته قدر الامكان مع وجود وقت للترفيه بردو
بحيث ميكونش فيه جزء بييجي على التاني
في طرق كتير عشان تقدر تنظم وقتك هشارك معاك أكتر طريقتين فعالين من وجهة نظري.. الأولى : هتبدأ بانك تحدد الانشطة اللي بتعملها كل يوم في ورقة وتكتب كل حاجه منهم بتاخد وقت قد ايه والوقت المناسب ليها من امتى لامتى ..في ورقة تانيه تحدد الحاجات اللي مش يوميه أو مش بتعملها دايما وتحدد أيامها وتحدد مواعيدها. على أساس الورقتين دول حدد معاد الاستيقاظ ومعاد النوم المناسبين وابدأ اعمل جدول بالمهام اللي وراك حسب الوقت . في الطريقة دي مهم ان يكون في وقت لكل حاجه بتعملها في يومك زي مواعيد الاكل والصلاة والسوشيال ميديا مثلا وغيره. مهم كمان أن الورقة دي يكون متحدد فيها كل جزء بلون معين أو توضحه بطريقة ما. الطريقة التانية: هتحتاج منك استمراريه شويه بس بتنجز وعملية أكتر لو معندكش روتين يومي وكل يوم ليه انشطة مختلفه .. كل يوم هتحدد لنفسك قبل النوم نص ساعه مثلا تكتب فيها الحاجات اللي وراك تاني يوم بمواعيدها ومعاها ملاحظة كده بأي حاجه متعلقة بيها. مهم جداً في الطريقتين إنك تعملهم باستخدام الورقة والقلم ويبقى معاك نسخة على الموبايل عشان لو وراك كذا حاجه بره البيت. مهم إنك لما تبوظ يوم أو تعديه من غير التزام باللي محدده إنك متيأسش وتكمل اليوم اللي بعده عادي جداً. لو انتي بنت هينفع معاكي جدا استخدام ال Monthly/Weekly planner الموجودين في أي ستور
تم النشر الجمعة، ٢٩ يوليو ٢٠٢٢
تقسيم الوقت بيختلف من شخص للتانى على حسب اولوياتك ...وممكن تركز على جودة الوقت اكتر من كمية الوقت يغنى الترفيه ممكن متلحقش تتفرج على فيلم مثا مدته ساعتين ....بس تقدر تتفرج على حلقة كوميدية مدتها ربع ساعة وتوصلك لنفس الهدف الاستفادة هتتحدد على اساس اولوياتك فى الحياة قبل ما تعمل اى حاجة اتاكد من هدفها واتاكد انها هتضيف شىء ايجابى لاى جزء من حياتك ....بكده هتتحقق الاستفادة الوقت المفيد مش كله دراسه ولا شغل ...طالما بيخدم هدف يبقى وقت مفيد يارب الاجابة تكون افادتك
تم النشر الثلاثاء، ١٥ نوفمبر ٢٠٢٢
بتقسيم الوقت بين الانجاز والتعليم والراحه والترفيه بتقسيم الوقت بين نفسى والاسره والأصدقاء وذلك بترتيب ال أولويات الاهم ثم المهم ثم الاقل اهميه
تم النشر الأحد، ٤ سبتمبر ٢٠٢٢
لعرض السؤال في فدني اضغط هنا