أنا حبيت شخص جدا قعدنا مع بعض فتره مش كبيره اوي يعني ممكن 7 شهور بس اتعلقت بيه جدا اتقابلنا كتير هو عندو عربيه فكان بياخدني بالعربيه بس كان بيحاول يعمل معايا حاجات مش احسن حاجه بس انا كنت مفكره دا عشان بيحبني
كنت بثق فيه جدا وفجأه لقيتو بدأ يبعد عني أنا تعبت جدا ودايما كنت بروح مستشفيات وجيت على كرامتي كتير عشان أبقى معاه بس هو سابني ومن فتره مش كبيره قابلت الاكونت بتاعو ع التيك توك فدخلت كلمتو عادي بس المره دي وانا مشاعري كانت متغيره يعني مبقتش بحبو المهم لقيتو بيتكلم معايا وبيقولي ازيك وبدأ يفتح في القديم
المهم قولتلو احنا اخوات مش اكتر واخدنا تاني ارقام بعض والمهم رجعنا نتكلم تاني واتقابلنا اول امبارح ورجع تاني يعمل الحاجات اللي كان بيعملها معايا زمان ولقيتو في لحظه ضعف بيقولي أنا لسه بحبك بس انا كنت متأكده انو بيقول كدا عشان هو ضعيف عشان أنا معاه وللحظه فوقت من اللي أنا بعمله واستغفرت ربنا ولحقت نفسي الحمد لله ورجع تاني يتغير معايا
وانا كنت متأكده أن بعد ما بيعمل كدا بيتغير معايا بس دلوقتي حاسة أن قلبي رجع يوجعني هو اه مش زي وجع زمان بس حاسة أن هرجع لنقطه الصفر أنا عارفه اني غضبت ربنا واذيت نفسي بس انا عايزه نصيحه ازاي أندمو عليا بجد وابينلو أن احسن بيه أو من غيرو
السلام عليكم، أكبر غلط تعمليه واللي هيكون أكبر من كل أخطائك اللي فاتت هو إنك تفكري إزاي تندمي الشخص ده أو تنتقمي منه. خليني أقول لك إنك مش فارقة معه ومش في دماغه عشان يفكر يندم إنه خسرك أو غلط في حقك. هو واضح من البداية إنه شخص غير محترم وبيتسلى وشافك سهلة وحاول يتجرأ عليكِ ولما معرفش يعمل حاجة لقى مفيش فايدة فاتغير وبعد ولما رجعتِ تاني تكلميه فكر إنك مقدرتيش تنسي وسهل يرجع يحاول معكِ. لو كنتِ سمحتِ له يكمل كان فضل معكِ شوية لحد ما يمل منك ويروح يشوف غيرك. فتفكيرك دلوقتي في الانتقام منه أو إنك تظهري له إنك أفضل به أو من غيره أو تندميه عليكِ زي ما بتقولي كل ده مش هيفرق معه أصلا ده بالعكس هيثبت إنه ترك أثر جواكِ وهيكون مبسوط جدًا إنه معلم عليكِ ومش قادرة تنسيه. انتقامك يكون لنفسك، إنك تهتمي بها وتركزي معها وتنجحيها، وإنك تعززيها وتحفظي مشاعرك ومترميهاش للي يسوى واللي ميسواش. حافظي على قلبك وارجعي لربنا واعرفي إن حدود ربنا عملها عشان الناس اللي زي ده متتجرأش عليكِ وتمري بكل الألم اللي انتِ فيه دلوقتي، الحدود دي حماية لكِ. توبي لربنا واستغفريه وركزي إزاي تخلي نفسك أفضل ولما يجي الوقت المناسب تعرفي تختاري الشخص اللي يستحقك فعلا واللي هيعززك ويحافظ عليكِ من نفسه قبل أي حد تاني. ربنا معك.
تم النشر الأحد، ٢٣ فبراير ٢٠٢٥
ماشاء الله استاذه حنين قالت الخلاصه ربنا يباركلها وكمان link استاذ جاد أشار لحته معينه حلوه جدا. انا هتكلم معاكي في نقطه تالته. دلوقت اخر سطر بتقولي ازاي احسسه انه بقيت احسن بيه او من غيره وتندميه. طيب هو ليه داخله معادله في حياتك اصلا. الانتقام عمره مابيجيب خير. واظن انتي واخده بالك انه راجل مش تمام. فاانا عيزاكي تسألي نفسك ايه بيوديكي هناك؟؟. وده يحتاج منك جهد شويه في التفكير. هل انتي جعانه حب؟ اهتمام؟ محتاجه تحسي بوجودك كبنت مرغوب فيها؟ طيب عايزه تتجوزي؟ طيب فاشله في حياتك اللي هي علاقتك يشغلك او دراستك او مستوى علاقاتك ف البيت أو الأصدقاء؟ هل انا شخص عنده رؤيه عايز يحققها؟؟ بصحي كل يوم عندي حاجه بترجعلي قيمه جوايا. زي اني يساعد حد بسمع معلومه في ديني بدرس حاجه ف مجالي بعمل حاجه لله مستنيه رضاه صيام او صدقه.؟ولا بتصحي وتنامي تفكري فيه؟؟. يبقى بصي لحياتك كده الأول وخرجيه من المعادله واقفلي بابه ومتفكريش في ذكريات معاه لأنها واهيه. وشوفي انتي ايه مخليكي ضعيفه وجعانه لعلاقه مع راجل. بعدها تدركي ان العلاقه اللي الراجل مابيبقاش راجل فيها ملهاش لازمه. لو الراجل مكلمش رجاله بيتك يبقى راجل ماتبصيش عليه اصلا. توبي كده في ركعتين مع ربنا وادعي يساعدك تقفلي السكه دي وشوفي حياتك محتاجه ايه ورزق جوازك مكتوبلك♥️ انا متفهمه شعورك بس ماتضعيش وقتك وحياتك ع غصب او انتقام.
تم النشر الأحد، ٢٣ فبراير ٢٠٢٥
السلام عليكم و رحمة اللّٰه و بركاته أولاً كويس إنك عارفه الغلط الي عملتيه ، دلوقتي انتِ بتقولي كان عايز يعمل حاجات مش أحسن حاجه و كمان سابك و لما رجع عمل كدا ، حابه أعرفك إن الراجل لما بيحب واحده بيخاف عليها و على سُمعتها و على إنها تغضب ربنا و تخون ثقه أهلها فمبيرضاش يدخل معاها فعلاقه محرمه فبيتقدملها بتكلم عن الراجل طبعاً الي بيخاف ربنا و مش بيغضبوا و بيصون الي بيحبها و بيخاف عليها إنما ده واضح جداً إن بيلعب بيكِ و بمشاعرك ، أنتِ الي اديتيلو فرصه يلعب بمشاعرك و يستهين بيها ، أنا هقولك هو وجهه نظرو إيه ، لقاكي دخلتِ أنتِ و كلمتيه ف جيه ف بالو إنك لسه متعلقه بيه ف قال يستغل مشاعرك تاني عشان يحقق الي هو عايزو ، و قالك كلمتين ذي " اعنا لسه بحبك " عشان عارف إنك هتسامحيه و أنتِ للأسف عملتِ كدا و فتحتِ الموضوع على نفسك تاني و اتقابلتِ معاه كمان ، خليكي فاهمه إن الإسلام كرَّم المرأه و حرَّم العلاقات دي عشان ربنا عارف إن فيها إستهلاك لمشاعر الإنسان و ربنا أعلم بخلقو و عارف الشهوه عِند الرجال واصله لفين فحرَّم التعامل و الإختلاط تماماً مفيش أبداً حاجه إسمها أنتَ ذي أخويا فهقابلك و أكلمك و الكلام ده ، الأخ بيبقا من نفس الأم و الأب فقط لا غير مش اي واحد يبقا ذي أخوكي و تخرجي معاه حطي في بالك إنك جوهره مش أي حد كدا يتعامل معاها و يكلمها خلي عندك عزه نفس و حافظي على مشاعرك الغاليه و نفسك للي يستحقها ، متهدريش مشاعر في مكان غلط و أنتِ مدركه و عارفه إن هو مكان غلط الي بيحبك هيتقدملك و هيخاف عليكي من الغلط ، شاطره إنك سبتيه بس اقفلي أي باب يدخلك منو و متحاوليش تفكري فيه تاني عشان هو ميستحقش أي حُب منك ، توبي و اشغلي نفسك ب الي ينفعك و يفيدك لحد م إبن الحلال الي يستاهلك يجيلك ، متفكريش هتنتقمي إزاي ولا هتعملي إيه معاه عشان افتكري إن الغلط كان عليكي ذيو عشان فتحتيلو باب يدخلك منو ، ابعدي و اشغلي وقتك عشان تنسيه اعتبري ده غلط قديم و مش هتكرريه تاني و ابدأي حياتك من جديد ، و هداكِ اللّٰه و وفقكِ
تم النشر الأحد، ٢٣ فبراير ٢٠٢٥
عزيزتي، أقدر تمامًا مشاعرك وما تمرين به من صعوبات. الحب في بعض الأحيان يمكن أن يكون تجربة مؤلمة ومعقدة، خاصة عندما يتعلق الأمر بالثقة والعلاقات التي لا تعكس قيمتنا الحقيقية. أنتِ فعلتِ الشيء الصحيح عندما استغفرتِ ربكِ وأعدتِ تقييم مشاعرك. من المهم جدًا أن تتذكري أنكِ تستحقين الحب والاحترام، ولا يجب أن تقبلي بأقل مما تستحقين. إذا كنتِ تشعرين بأن العودة إلى هذا الشخص قد تجلب لك الأذى، فمن الأفضل أن تفكري في نفسك أولاً. عليكِ أن تتذكري أنكِ قوية وقادرة على الانتصار على هذا الألم. تواصلي مع نفسك على نحو جيد، واعملي على تطوير ذاتك واهتمامك بنفسك. يمكنكِ التركيز على هواياتك، والصداقات، والأهداف الشخصية التي تريدين تحقيقها. إذا زار قلبك الندم، فلا تترددي في توجيه هذا الندم إلى الأمور التي من شأنها أن تحسن من نفسك، وأن تصبحي نسخة أفضل من نفسك. العلاقات تحتاج إلى بناء ثقة وحب متبادل، وإذا لم يكن هذا متوفرًا، فمن الأفضل الابتعاد. تأكدي من أن الله دائمًا معك، واطلبي منه التوجيه، فالإيمان يمكن أن يمنحك القوة في الأوقات الصعبة. اتبعي ما يجعلكِ تشعرين بالسلام الداخلي، وابتعدي عن أي شيء قد يؤذيك نفسيًا. حافظي على كرامتكِ واحترمي نفسكِ في كل اختيار تتخذينه.
تم النشر الأحد، ٢٣ فبراير ٢٠٢٥
https://www.fedni.net/q/61104300
تم النشر الأحد، ٢٣ فبراير ٢٠٢٥
مقدرة انك متضايقة جدا بس عشان الوجع ده ربنا حرم العلاقة بين الولد والبنت حتى لو صحوبية وعايزة اقولك ان الوجع ده طبيعي انتو بدأتو علاقة غير شرعية والعلاقة الي بدايتها لا ترضي الله نهايتها مرضيتكيش، متصدقيش اي حد يقولك بحبك ده لو حبك كان جه اتقدملك ومتفكريش في كلامه ليكي انه كان حقيقي ومشاعره بجد النوعية دي بتستغلك وبيبقا عايز يتسلى مش اكتر، انتي لو سيبتيه عشان جرحك بانه بعد عنك صدقيني هتضعفي لو كلمك تاني اهم حاجة تسيبيه عشان ربنا عشان العلاقات دي ربنا حرمها من اول *احنا اخوات* لغاية حجات تانية ربنا يبعدك عنها، وشايفة اكتر طريقة تجرحيه بيها إنك تركزي في نفسك ركزي في حياتك انتي لغاية ما بإذن الله ربنا هيبعت ليكي نصيبك الي هتحبيه فالحلال ربنا يوفقك🤍
تم النشر الأحد، ٢٣ فبراير ٢٠٢٥
لعرض السؤال في فدني اضغط هنا