اناعندي 21 سنه بحب بنت جدا جدا جدا وعندها 18 سنه بحبها حب غير طبيعي وباباها متوفي وهي عندها ٣ سنين ومرتبطين بقالنا 3سنين ودلوقتي هي مش عاوزه تكمل واللي فهمته انها كانت مرتبطه بيا لانهالقتني مهتم بيها ومش بزعلها وكداولما قولتلها انما محبتنيش مقولتيش لي من وقتها قالتلي لانك كنت معوض غياب بابا االله يرحمه ومش شيفاني اني حبيبها وخطيبها والكلام دا هي شيفاني واحد معوض مكان باباها وبس وقالتلي انها مش قادره تشوفني شريك حياتها واللي هبقا خطيبها وكدا ومكلمتنيش من وقتها وعملت بلوك ومش عطياني فرصه اكلمها والموضوع دا بقاله شهرين وانا اتدمرت لدرجه اني سيبت الجيم والشغل والكورس اللي كنت فيه وبقيت قاعدت في اوضتي وبس وشكرا
أنت ارتبطت بواحدة عندها ١٥ سنة وقعدت تحب فيها وتكلم فيها ٣ سنين كاملين؟ ٣ سنين عمال تستمتع ببنت لسة في المدرسة ومدخلها في علاقة مالهاش أصل ولا فصل من دين ربنا ولا عرف الناس؟ هي بنات الناس لعبة يا بني؟ من حقها تعمل لك بلوك لو كانت مثلا عايزة تتجوز واحد عنده أخلاق هيدخل البيت من بابه على طول مش هيقعد يكلم فيها بالتلات سنين! دلوقتي مش قدامك غير حاجة واحدة .. أنك تفوق لنفسك وتتوب من العلاقات العبيطة اللي بتسموها ارتباط وتحترم رغبة البنت دي في البعد عنك ولما تلاقي واحدة عجبتك تروح تطلبها من أهلها على طول مش تربطها معاك في علاقة محرمة مالهاش أول من آخر لو مش عايز تاخد نفس القلم مرتين!
تم النشر الخميس، ٢٤ أغسطس ٢٠٢٣
هى صغيرة اوى على انها تميز حقيقة الامور و موضوع وفاة باباها اكيد مأثر عليها ومخليها متعرفش تفرق بين المشاعر وبعضها اللى هى عملته صح وانت لازم تشوف حاجة واحدة بس انت مصدر للامان ودى حاجة جميلة متعرفش هيحصل ايه فى الدنيا قدام لما توصلوا انتةا الاتنين لدرجات مختلفة من النضج اهم شىء انك تحترم صراحتها ووضوحها ..وتحترم مشاعرك ناحيتها ...بانك تفضل نسخة مميزة من ذاتك ...لان انك توصل احساس الاب دى حاجة بتقول انك شخص مميز ...كمل تميز عشان اذا شاء النصيب ان تتلاقوا يوما ما ...ستجد هى او صاحبة النصيب فيك الكثير والكثير من التميز الذى يجعلك لن تقارن بغيرك ابدا . من تراك الوحيد والاهم هى الاولى فى ان تكون شريكة حياتك
تم النشر الخميس، ٢٤ أغسطس ٢٠٢٣
في الحقيقة انت ارتبط بطفلة بنت لسه ف مرحلة المراهقة ومازالت .. معندهاش القدرة انها تختار او تميز اي شئ لسه. ف ده ناتج طبيعي ل اللي حصل .. كمان انت لسه صغير .. وانتوا الاتنين لما تكبروا شوية هتوضح امور اكتر في حياتكم، ونظرتك حتى لشريكة حياتك قدام شوية هتتغير .. وهي كمان برضه. علشان كده الارتباط في سن صغير معظمه للاسف بيفشل ومش بيكمل .. ارجع لحياتك وكمل اللي انتي بتعمله .. ده الحل الوحيد وحاول تحترم رفضها ليك وتتقبل اللي حصل، لانها مش هتبادلك نفس مشاعرك بالعافية.
تم النشر الخميس، ٢٤ أغسطس ٢٠٢٣
بي العكس جدا انت ترجع لي الجيم والكورسات تاني وتعيش حياتك تاني احسن واحسن وتقرب من ربنا والدنيا هتنسيك وانت مع الوقت هتعرف وهتفهم انها اذتك اوي ومن نفسك كدا هتلاقي نفسك بتكرها هو اه اكيد كلامي تقيل عليك بس دي الحقيقه للي لازم نعملها ومع الوقت هتفهم دا
تم النشر الخميس، ٢٤ أغسطس ٢٠٢٣
حرام عليك نفسك بالعكس لزم تعيش طبيعي وتهتم بمستقبلك اكتر من الاول. وتنساهي وتمسح اي شات اي صور اي مكان كنت بتشوفها فيه مترحوش وصدقني هي اللي هتحنلك وترجع بس لما تحس انك استغنيت عنها وساعاتها بردو مترجعلهاش
تم النشر الخميس، ٢٤ أغسطس ٢٠٢٣
سيبك منها واحده غارت تيجى الاحسن منها وبعدين انت لسه صغير على الارتباط
تم النشر الخميس، ٢٤ أغسطس ٢٠٢٣
لعرض السؤال في فدني اضغط هنا