السلام عليكم
انا كنت عايزة اسأل سؤال ديني شوية بالنسبة لحتة مشاهدة المحرمات انا كنت بتفرج علي المسلسلات التركي كتير اوى يعني يعتبر كنت مدمنه بعيدا عن انه كان تضييع وقت وده برضو مش صح بس انا دلوقتي بقالي فترة كده مش بتفرج علي مسلسلات اصلا وتبت يعني يعتبر، بس هو انا لو رجعت علي مسلسل واحد بس وجريت اي لقطة مش مناسبة هل ده بردو حرام مع العلم ان المسلسل ده تصنيفه عائلي ومفهوش لقطات خالص وبالنسبة لفكرة الوقت فهو بتنزل منه حلقة كل اسبوع يعني هي ساعة واحدة بس في يوم واحد بس يعني مش هيأثر علي وقتي
اتمني تفيدوني انا بس عايزة اعرف هو هيبقي حرام لو تابعته وجريت اي مشهد مش تمام
الحلال والحرام مرتبط بالضرر او باوامر الله الصريحة فى القران والسنة انت بتفكري صح؟ وخلينا نقول انه ايوه. كويس جدا اللي عملتيه انك ما تضيعيش وقتك في المسلسلات لان هو احنا هنتحاسب على وقتنا وعمرنا احنا ضيعناه في ايه ودي من الاسئله اللي هنتسالها برافو عليك انك قيمتي الموضوع ده ثاني لو حاسه انه مساله المسلسلات دي هتكون ما تخليكي بانك ترجعي ثاني تشوفيها بشكل كبير فلا ما تبدئيش اصلا تشوفي مسلسلات من النوعيه التركي دي ثاني مهما كانت بقى عائلي ولا مش عائلي لانه ممكن تكون نفسك ضعيفه فيها وترجعي تلاقي نفسك ثاني بتقضي وقت طويل في المسلسل لان احنا عارفين دلوقتي ممكن حتى لو بتنزل الحلقه بتستني وتقعدي تشوفي حاله واروح حلقه او تستني كذا حلقه ورا بعض لو ما شفتهاش فهتلاقي في يوم بياخذ منك ساعتين ثلاثه يعني دي نصيحتي لك لكن لو انت هتقدري تكوني متحكمه والموضوع بالنسبه لك خلاص بقى مظبوط مش هتقضي اكثر من ساعه في يومك في حاجه ترفيهيه زي ديفا لا باس يعني مساله بقى المشاهد ااا لو انت بداتي تتفرجي على مسلسل ورغم ان هو تصنيفه عائلي بدات تلاقي ان هو فيه مشاهد كتير لتلامس حرام ل. افكار حتى هي حرام لانه في مسلسلات حتى لو عائليه بيكون فيها الافكار بتاعه الخيانه بتاعت الزنا بشكل زياده قوي وبتتبرر باسم الحب او باسم الهروب من ضغط معين فلو لقيتي الانواع دي من الافكار اتفرجيش على مسلسل حتى لو كان عائلي لانه الحرمانيه هنا هتيجي من انك بتسببي لنفسك ضرر اا من انك يعني انت بتدخلي لنفسك النوع ده من الافكار الغلط فغصب عنك هتلاقيها مقصره عليك في اختياراتك انت في الحياه انك في حاجه المفروض ان هي مش عاديه انت تبقي تشوفيها عاديه من كتر ما انت شفتيها في مسلسلات. زائد انك متابعتك هتبقي بتشجعي النوع ده من الافكار لانه لما كذا حد بيتابع نفس المسلسل مسلسل بيبقى مشهور فناس تانيه بتتفرج عليه وتشوف ان المسلسل ده طالما بقى مشهور وناجح كده يبقى اكيد كل الافكار اللي فيه حلوه ففي غيرك بيتضر بسبب ان هو ااا عرف ان المسلسل ده مشهور فهيدخل يشوف نفس الافكار اللي هي غلط وهو المفروض الواحد يتعود عليها. يا رب اكون افدتك باجابتي واستمر في انك تجاهدي نفسك من اي حاجه غلط وربنا يوفقك.
تم النشر الخميس، ٥ سبتمبر ٢٠٢٤
نصيحة عن تجربة، بلاش أفضل. أنا عن نفسي كنت بتفرج على مسلسلات وأفلام بلغات مختلفة، تركي وهندي وكوري وغيرها... وده لأني بحب تعلم اللغات والتعرف على ثقافات مختلفة لحد ما قررت أوقف. وبقيت لو عاوزة أتعلم اللغة أو أحسن مهارة الاستماع عندي أفتح بودكاست باللغة اللي عاوزاها أو قنوات يوتيوب وأتعلم منها. عشان عارفة لو قررت أرجع وافتح حلقة ولو ساعة في الأسبوع هرجع لدائرة المشاهدة، حتى وأنا عارفة إني ممكن أتحكم في وقت المشاهدة أو في الأفكار اللي بتتسرب لعقلي وهعرف أفرق الصح من الغلط. بس النفس لما بتبدأ تحصل على مرادها وهواها بتبدأ تطمع أكثر وأكثر وهتشدك بالتدريج. مش هكلمكِ هنا من ناحية حلال وحرام، بس هجاوبك على نقطة واحدة من ناحية قرار الرجوع وانتي فاكرة إنك هتقدري تتحكمي في وقتكِ والأفكار اللي بتدخل عقلكِ وكل ده. صدقيني، كنت بقول زيك كده.. لكن ده استدراج من الشيطان أو من نفسك وهواكِ. المهم إن في الأول دماغكِ هتقول لكِ ده مسلسل عائلي ولو قابلتني لقطة مش مناسبة هعديها بسرعة وهقضي ساعة واحدة في الأسبوع... مع الوقت المسلسل العائلي هيبقى مسلسل رومانسي وهيبقى الحلقة ساعتين وهيبقى مسلسل واتنين واللي بعده... ولو مسلسل كامل ومشوق جدًا ومش هتقدري تنتظري عشان تعرفي الأحداث هتفتحي الحلقات ورا بعضها. لو انتي في إجازة ممكن تعملي زي الناس اللي بتاخد المسلسل كامل دون فواصل وتخلص مواسم كاملة في أيام قليلة. التحكم هتخسريه مع الوقت، والأفكار حتى لو ظاهرة بريئة وقلتِ مش هسمح لها تدخل عقلي، جزء من الأفكار دي إن مكنش أغلبها هيتسرب بطريقة لاواعية فالأفضل تلتزمي بالقرار الأول وتوفري الوقت ده لتعلم مهارات أكثر فائدة لكِ. بالتوفيق.
تم النشر الخميس، ٥ سبتمبر ٢٠٢٤
وعليكم السلام ورحمة الله وبركاته، أختي العزيزة، إن رؤية ما يُعتبر محرمًا في الإسلام يعتمد بشكل أساسي على محتوى المادة المرئية والمشاهد التي تتضمنها. إذا كان المسلسل المذكور تصنيفه عائلي ولا يحتوي على مشاهد غير لائقة، فإنه يُعتبر أكثر قبولاً. ولكن، يجب أن نكون واعين لآثار مثل هذه المشاهد على النفس والمجتمع، وكذلك التأثيرات التي يمكن أن تُحدثها على القيم والمبادئ التي نعتز بها. إذا كان لديك القدرة على التحكم في مشاهدتك، مثلاً بالابتعاد عن أي لقطة غير مناسبة أو محتوى قد يُعتبر محرمًا، فهذا قد يساعدك في اتخاذ القرار. يقول الله تعالى في كتابه الكريم: "وَقَدْ أَحْصَى كُلَّ شَيْءٍ عَدَدًا" (الجن: 28)، مما يُشجعنا على التفكير في أفعالنا ووضعها في سياقها الصحيح. من المهم أيضًا أن نفكر في كيفية استثمار الوقت بشكل يُعزز من أخلاقنا ومعارفنا، فالنصيحة فيها تتعلق بأن نكون حذرين في الأمور التي نبثها في وقتنا الشخصي. إذا كنتِ تشعرين بأن مشاهدتك لهذا المسلسل قد تؤثر عليك بشكل سلبي أو تُشغلك عن الأمور الأكثر أهمية في حياتك، فقد يكون من الأفضل التفكير في خيارات أخرى. أسأل الله أن يوفقك ويتقبل توبتك، وأن يرزقك دوماً ما يُرضيه.
تم النشر الأربعاء، ٤ سبتمبر ٢٠٢٤
لعرض السؤال في فدني اضغط هنا