الحلال والحرام مرتبط بالضرر او باوامر الله الصريحة فى القران والسنة انت بتفكري صح؟ وخلينا نقول انه ايوه. كويس جدا اللي عملتيه انك ما تضيعيش وقتك في المسلسلات لان هو احنا هنتحاسب على وقتنا وعمرنا احنا ضيعناه في ايه ودي من الاسئله اللي هنتسالها برافو عليك انك قيمتي الموضوع ده ثاني لو حاسه انه مساله المسلسلات دي هتكون ما تخليكي بانك ترجعي ثاني تشوفيها بشكل كبير فلا ما تبدئيش اصلا تشوفي مسلسلات من النوعيه التركي دي ثاني مهما كانت بقى عائلي ولا مش عائلي لانه ممكن تكون نفسك ضعيفه فيها وترجعي تلاقي نفسك ثاني بتقضي وقت طويل في المسلسل لان احنا عارفين دلوقتي ممكن حتى لو بتنزل الحلقه بتستني وتقعدي تشوفي حاله واروح حلقه او تستني كذا حلقه ورا بعض لو ما شفتهاش فهتلاقي في يوم بياخذ منك ساعتين ثلاثه يعني دي نصيحتي لك لكن لو انت هتقدري تكوني متحكمه والموضوع بالنسبه لك خلاص بقى مظبوط مش هتقضي اكثر من ساعه في يومك في حاجه ترفيهيه زي ديفا لا باس يعني مساله بقى المشاهد ااا لو انت بداتي تتفرجي على مسلسل ورغم ان هو تصنيفه عائلي بدات تلاقي ان هو فيه مشاهد كتير لتلامس حرام ل. افكار حتى هي حرام لانه في مسلسلات حتى لو عائليه بيكون فيها الافكار بتاعه الخيانه بتاعت الزنا بشكل زياده قوي وبتتبرر باسم الحب او باسم الهروب من ضغط معين فلو لقيتي الانواع دي من الافكار اتفرجيش على مسلسل حتى لو كان عائلي لانه الحرمانيه هنا هتيجي من انك بتسببي لنفسك ضرر اا من انك يعني انت بتدخلي لنفسك النوع ده من الافكار الغلط فغصب عنك هتلاقيها مقصره عليك في اختياراتك انت في الحياه انك في حاجه المفروض ان هي مش عاديه انت تبقي تشوفيها عاديه من كتر ما انت شفتيها في مسلسلات. زائد انك متابعتك هتبقي بتشجعي النوع ده من الافكار لانه لما كذا حد بيتابع نفس المسلسل مسلسل بيبقى مشهور فناس تانيه بتتفرج عليه وتشوف ان المسلسل ده طالما بقى مشهور وناجح كده يبقى اكيد كل الافكار اللي فيه حلوه ففي غيرك بيتضر بسبب ان هو ااا عرف ان المسلسل ده مشهور فهيدخل يشوف نفس الافكار اللي هي غلط وهو المفروض الواحد يتعود عليها. يا رب اكون افدتك باجابتي واستمر في انك تجاهدي نفسك من اي حاجه غلط وربنا يوفقك.
تم النشر الخميس، ٥ سبتمبر ٢٠٢٤
1 تعليق
بصي انا خلاص اخدت قرار في موضوع المسلسلات وفي فكرة الوقت والحمد لله دلوقتي بقي معظم وقتي مشغول ولو فيه وقت فاضي بملاه بالقراءة او بتفرج علي مسلسل مثلا بس يكون عربي وانا عارفة اني هعرف اسيطر علي نفسي يعني مثلا هتفرج علي حلقة واحدة بس يعني حلقه واحدة بس انا كنت عايزة اعرف ان هل المسلسل العربي زيه زى المسلسل التركي في حته المشاهد وكده ولا لا وبجد شكرا اوى اوى ليكي علي الافادة
تم النشر الخميس، ٥ سبتمبر ٢٠٢٤
لعرض الإجابة في فدني اضغط هنا
عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك