ربنا يتمم لك بخير ♥️ مبدأيا كده التفكير في انك تخسي بسرعه عشان فرحك باقي عليه شهر ده غلط جدا جدا وهيضرك اكتر من انه ينفعك ده اولا ثانيا منصحكيش ابدا تحت اي ظرف انك تاخدي اي حبوب تخسيس او اي منتجات اعرف واحده كان جسمها مقبول كانت زايدة كم كيلو بس واخدت برشام تخسيس لخبكلها هرموناتها ووزنها زاد بشكل كبير جدا جدا جدا ثالثا متخليش هدفك انك تخسي عشان غرض معين ولكن افضل طريقه تخسي بيها هي حاجتين بس بعد ما تعملي تحاليل وتتاكدي ان مفيش عندك نقص فيتامينات او عناصر غذائية مهمه وان الغدة الدرقية تمام وبتقوم بوظبفتها كويس الحاجتين هم تعديل عاداتك الغذائية وممارسه الرياضه ولازم دول يكونوا اسلوب حياة عندك يعني تعديل عاداتك الغذائية هنبطل بيبسي وشيبسي ونقلل السكر والعشاء يكون خفيف ونهتم بشرب الماء بكميه كافيه وعادات كتير بتفيد جسمك انصحك تقرأي عن علم اللقيمات هو اسلوب حياة تعودي جسمك عليه ومش لازم معاه رياضه على فكرة لازم متستعجليش النتيجه ابدا ونصيحه اخيرة يستحسن لو يكون عريسك قابلك بكل ما فيك وزنك وشكلك وكل حالاتك لانك مش هتفضلي على حالك كده الست بعد الحمل والولادة جسمها بيتغير ووزنها بيزيد ويقل ويتغير ووووو فيستحسن ان نقطه زي كده يكون عاملها في حسابه
تم النشر الأربعاء، ٨ مارس ٢٠٢٣
الافضل طبعا انك تتابعي مع دكتور تغذيه ولكن لو مش متاح معاكي ممكن تمشي ع نظام سعرات حراريه ورياضه يوميا لمده ساعه وتمنعي السكر الابيض تزودي ف اكلك بروتين وفواكه وخضار وتقللي نشويات وتاكلي وجباتك الاربعه وتشربي ميه كتير ومشروبات زي الزنجبيل والقرفه وكرافس مع بقدونس بينزل السوايل الزايده ف الجسم وبيفرق ف الوزن
تم النشر الأربعاء، ٨ مارس ٢٠٢٣
اتمشي كتير واطلعى السلم وانزليه. كتير متاكليش متأخر ( خلى اخر وجبه تقيله قبل المغرب ) نطى الحبل فى البيت كل يوم وانتى ممكن تكونى محتاجه جسمك يكون مظبوط مش تخسي ...فلو روحتى الجيم او عملتى تمارين فى البيت بسيطة جسمك هيكون شكله افضل ليكى. وربنا يتمملك بخير يارب
تم النشر الأربعاء، ٨ مارس ٢٠٢٣
متكليش كتير خليكي 12 ساعات بدون اكل اشربي مايه كتير ابعدي نفسك عن الاكل بأي طريقه علشان ده الواقع
تم النشر الأربعاء، ٨ مارس ٢٠٢٣
لعرض السؤال في فدني اضغط هنا