انا من فترة كبيرة كنت مفكرة الصداقة بين الولد و البنت حلال عادي طالما في نطاق الاحترام و المساعدة الخ .. ف كنت معجبة بواحد من اربع سنين و يمكن لسة بس لحد النهاردة مقولتلهوش اي حاجة ولا اي تلميح حتى كان طول الوقت يبصلي كتير و كتير من صحابي اخدوا بالهم و كنت بقولهم اكيد من غير قصد و كان يقلدني ف اسلوبي احيانا بطريقة غير مباشرة و يتكلم معايا ف الدروس و قولت هتصاحب عليه عشان اشيله من دماغي و اتعود عليه و متوترش منه لما بيبقى في تعامل ف قولتله عادي ممكن نبقى صحاب و كنا كويسين و مفيش حاجة و فجأة عملي حذف من بعض وسائل التواصل ف أنا كمان شيلته من عندي و خلص الموضوع و لحد النهاردة مكلمتهوش و الحمد لله مكنتش بشوفه ف دروس بس مؤخرا بقا معايا ف كذا درس صدفة و بصاته كتير و بيفضل باصص لمدة عادي حتى أما ببصله مش بينزل عينه ..ملحوظة كان مرتبط بصاحبة صاحبتي بس هما مش تمام يعني الحمدلله بعدت عنهم و قالولي أن هو بيقولي متزعليش مني و انتي كنتي زي اختى ومكنتش عايزك تتعلقي أو تفهمي علاقتنا غلط ... ولحد النهاردة حتى لما بغيب صاحبتي القريبة مني تقولي فضل واقف وانا بشتري كان مفكرك معايا و لما شاف اني لوحدي مشي ... ممكن افهم ايه دة ...انا مبعرفش ابطل تفكير بس عادي يعني مش بتضايق بس بتضايق اني مش عارفة احدد مشاعري ايه من ناحيته بس انا مش بحبه ...
هو ولا كان بيحبك قبل كده ولا حتى دلوقتي ... كل اللي انتوا فيه مجرد اعجاب وانجذاب طبيعي بيكون بين البنت والولد. مش بتعرفي تبطلي تفكير فيه، لانه اساسا على الجانب التاني، بيحاول يلفت نظرك، وبيحاول يبادلك النظرات، فعلشان كده انتي مش عارفه تبطلي تفكير فيه. تقدري تعملي ايه بالظبط بقى؟ تيقني تماما انه مش حب، وانها مجرد مشاعر مراهقة عابرة. لو تقدري تغيري مواعيد دروسك بحيث انه ميبقاش معاكي اعملي كده. لو مفيش بديل لتغيير الدروس، خلاص بلاش، بس ايقني تماما ان ده مش حب، واي فكرة من ديه تيجي على بالك، بانه ليه بيحاول ينظر ليكي، اعرفي انه بس مجرد لعب عيال حقيقي.
تم النشر الأحد، ٧ أبريل ٢٠٢٤
هو لو كتفسير مشاعر ...فهى مشاعر انجذاب وفضول من جنس لاخر ( انتى وهو ) لا اكثر ولا اقل اتمنى تكونى فكرتك عن الصداقة اتغيرت واتبدلت لان مبيجيش من وراها الا اللفه بتاعت المشاعر اللى مش مفهومه دى وبتبقى استهلاك للنفس ومشاعرها بدون داعى
تم النشر السبت، ٦ أبريل ٢٠٢٤
إنتِ قلتِ إنك مش بتحبيه .. دا عشان بيظهرلك الإهتمام طبيعي تفكري فيه .. شيليه من دماغك دي علاقه محرمه وهفكرك إن أي علاقة بين ولد وبنت محرمه ولازم تخلي علاقاتك سطحيه جدا وتعملي صداقات مع البنات بس وركزي في دراستك ومتفكريش فيه لأن كل دا تسليه وتضييع وقت ومينفعش تجهدي قلبك ومشاعرك في علاقات عابره مش هتستفيدي منها أي حاجه غير الذنوب والزعل ..
تم النشر السبت، ٦ أبريل ٢٠٢٤
شكرا ❤️
تم النشر السبت، ٦ أبريل ٢٠٢٤
هو بس عايز انو يرجعلك زي زمان لقى انو لما حذفك من عندو وانتي مجريتيش وراه زي ما كل الولاد عايزة حس انك تقيلة وحب يرجعلك تاني وحبتين وهتلاقيه اختفى عشان يربطك بيه ودي حاجة كل الولاد بيعملوها لاكن هو عمره ما هيعوز يتجوز ولو عاز اهله هيرفضو لانو لسه صغير يشيل مسؤولية والحمد لله انك بقيتي كده واسأل ربنا يثبتك ويثبتنا يارب
تم النشر السبت، ٦ أبريل ٢٠٢٤
بصي الحمدلله انك عرفتي انها حرام وكويس انك بعدتي عنه وعن صحابك برضو لان الصحاب الي يطاوعوكي ترتبطي وتدخلي في حاجات ربنا حرمها ف دول مش صحاب والصحاب الي مش تمام قادرين ينزلوكي من سابع سما للارض ولمل تواجهيهم انهم السبب هيقولوك وانتي سمعتي كلامنا ليه وبما ان سنك بين اعدادي وثانوي فصدقيني دابيبقا شعور اعجاب مش اكتر انتي مشفتيش طبعو متعرفيهوش انتي بس حسيتي نحيتو باعجاب ولما تحسي الشعور دا حاولي تبعدي عنه لان دي فترة مراهقة مبنعرفش فيها نحدد شعورنا عارفة انك سمعتي الكلام دا كتير بس دي الحقيقة واخرت الارتباط اصلا اي لا انتي هتتجوزيه ولا هو هيتجوزك وانتي بعد كده لما تتجوزي ممكن يجيلك فبالك وتفتكري انك مرتبطة بواحد زمان وساعتها لو قلتي لجوزك هيقعد يعايرك وكل دا بسبب قرار غلط خدناه في فترة المفروض نركز فيها على مذاكرتنا ونصيحتي ليكي كأخت حاولي تقربي من ربنا اكتر وتخلي عندك صحاب يقربوكي من ربنا
تم النشر السبت، ٦ أبريل ٢٠٢٤
الحمدلله انا بالفعل عملت كل دة و قربت من ربنا و الحمد لله انا الصاحبة اللي بترشد صاحبها للخير و لكن هو بس فضول اعرف هو عايز ايه
تم النشر السبت، ٦ أبريل ٢٠٢٤
لعرض السؤال في فدني اضغط هنا