انا عندى 14 سنة بابا وماما بيقفوا لبعض على كل كبيرة وصغيرة ويتخانقوا وانا بجد تعبت جدا من كتر مشاكلهم دى والزعيق ... فى مرة كانوا بيتخانقوا وانا كنت قاعدة وبعدين بعد ما خلصوا خناق بابا شافني قدامه قام مزعقلى ومشى وهو ماشى انا قمت قايلة بصوت واطى كل حد يضايق فى البيت دى يجى يطلع همه فيا ودى حقيقة بصراحة المهم ان بابا سمعني قام راجع قايلى انتى بتقولى اى و مزعقلى جامد وضربنى بالقلم على وشى انا وقتها من كتر الضغط النفسى وانى كنت تعبت من الى بيحصلى بجد قمت مصوتة بصوت عالي قام بابا ضربنى تانى وضربنى بالبوكس فى وشى وكان جايب الكرسى الخشب عاوز يضربنى بيه وكان وقتها عامل شاى سخن كان عاوز يكبه عليا ووقعنى فى الارض وضربنى على ضهرى بعديها انا كنت بعيط وكان جسمى كله بيرتعش ومكنتش عاوزة اقعد في البيت بقا خلاص بس كان الكلام دة بالليل كان الوقت متأخر ماما قالتلى طب خليكي الليلة دى بس وبكرة نمشي وفعلا تانى يوم انا وماما واخواتى مشينا روحنا عند تيتة قعدنا عندها 18 يوم كلم تيتة اول يوم بس يشوف احنا هنبات عندها ولا هنرجع وبعد كدة مكلمناش ولا مرة... كان فى واحد صاحب بابا بس احنا عارفينه هو ومراته واولاده وبنكلمهم على طول وكدة فا بالصدفة بنت من بناته كانت بتكلم اختى الكبيرة اختى حكيتلها الى حصل جه صاحب بابا دة وادخل وصالحهم على بعض و بابا جه قالى متزعليش طبعا انا مكنتش راضية انه يصالحنى المهم كان بيدينى فلوس قال كدة يعني بيصالحنى بدل ما ياخدنى فى حضنة او يطبطب عليا المهم انا مرضتش اخد الفلوس قام فتح شنطتي حطهم فيها ومشى وسابنى بعديها روحنا بيتنا مع العلم ان كنا متفقين فى القاعدة انه ميتخانقش مع ماما تانى وملهوش دعوه بيها و بقالنا تقريبا 5 أيام مروحين و النهاردة رجع تانى اتخانق مع ماما و اتخانق معايا علشان انا كان بقالى 5 ساعات بذاكر واعتقد انه من حقى بعد ما اخلص مذاكرة امسك الموبيل او ألعب واعمل الى عاوزاه هو بابا يقولى لا مش عاجبه عاوزنى 24 ساعة فى 24 ساعة اذاكر وبس المهم انه كان هيضربنى تانى انا بعد الى حصل دة دخلت المطبخ جبت السكينة وكنت بجد خلاص بقا جبت اخرى وكنت هقطع شراينى لقيت اختى الصغيرة عندها 3 سنين دخلت ورايا فا سبت السكينة ومشيت ... انا بجد والله تعبت جدا وحالتي مدمرة انا نفسي اروح مكان بعيد عن اهلى عاوزة اعيش لوحدى يعني دة الحل الوحيد للى انا فيه بجد يا انتحر او اهرب انا اسفة انى طولت عليكم
خليكي فاكرة أن المشاكل دي مؤقتة ولن تستمر حالتكم هذه للأبد وأنت هتكبري إن شاء الله وتتجاوزي المرحلة دي بسلام وفي نفس الوقت والدك نفسه هيكبر ويصبح أكثر حكمة وأكثر شفقة عليكم .. خليكي جنب ماما وأخواتك واوعي تفكري تعملي في نفسك حاجة تكسر قلب مامتك عليكي أو تغضب ربنا منك .. وأهي كلها أيام وبتعدي!!
تم النشر الأحد، ٣ سبتمبر ٢٠٢٣
خناقات ماما وبابا هتفضل من ازمات حياتك ...طالما هما مش عارفين يلاقوا طريقة يحلوا مشاكلهم ويتواصلوا مع بعض بشكل محترم دايما هتلاقى فى سكتك حاجات كده بتبقى عامة زى ما يكون عندنا مرض مزمن ...هنموت نفسنا عشان نصيبنا اننا فى مرض معين ملازمنا لاخر عمرنا ( الا لو اكتشفوله علاج واراد ربنا انه يختفى ) طبعا ده مش طبيعى والا كان كل واحد موت نفسه . المرض المزمن بيتاخدله علاج يخلينا نعرف نستمر فى الحياه رغم وجود المرض .... علاج ايه بقى اللى ممكن يبقى لحاله زى اللى عندك دى ....اول ما تلاقيهم قامت الثورة بينهم ...اختفى انتى بقى انزلى اشترى حاجة واطلعى ...اقعدى ذاكرى ...روحى صلى ..اى الهاء لحد ما الزوبعه تنتهى . بابا اكيد دى حالة استثنائية عنده ناتجة عن الضغط ..ااباء واجب نتحملهم ونبرهم مهما كان تقصيرهم وعيوبهم ....لانهم مكفيينا فى حاجات تانيه كتير ....الصورة بتتاخد كلها (كومبو كده )
تم النشر الأحد، ٣ سبتمبر ٢٠٢٣
"محدش بيختار اهله" مهما كان فيهم وفيهم ... ولكن محدش هيجي ف يوم ويختار اهله. طبيعة شخصية بابا او ماما عموما، انتي ممكن تحاولي بقدر الامكان انك تقربي منهم وتصاحبيهم .. وتدخليهم في حياتك شوية بشوية. لان من الواضح انكم بعاد عن بعض كتير، يعني محدش عارف تفاصيلك .. لانهم مهتمين بالخناقات اكتر. وفي الحقيقة مفيش بيت اساسا خالي من الخناقات. ف اول حاجه حاولي ع الاقل تقربي من كل واحد فيهم، متحاوليش تغيرهم لان ده صعب ومحدش هيتغير بالسهولة ديه. ولكن قربي منهم لعل وعسى العلاقات اللي بينكم تتصلح شوية. لو مفيش اي حاجه اتصلحت، حاولي بقدر الامكان انك متدخليش في الخناقات اللي بتحصل، وتتجنبي الاذي بقدر الامكان. يعني ف وقت غضبهم، متحاوليش تعملي زي ما عملتي وتقولي الكلمتين دول، لان وقت الغضب ده بالذات ممكن تحصل حاجه زي كده متعجبكيش خاصةً لو كان بابا شخص عصبي اساسا. متروحيش لحد وقت عصبيته تتكلمي معاه خالص، حاولي تتجاهلي اي شئ في الوقت ده. وبالنسبة لوقت المذاكرة حاولي توضحي ل بابا ان اكيد محدش هينفع يذاكر 24 ساعة .. وتقدري توضحي ده وتتناقشي معاه بهدوء ..يعني تقولي له هل حضرتك بتشتغل 24 ساعة ولا مثلا بتشتغل وقت معين والمفروض ان فيه وقت راحه ليك، هل ينفع كمان اننا نتعبد اليوم كله، ولا لازم نشوف مصالحنا وشغلنا .. يبقى اكيد المذاكرة كمان لها وقت معين، وكل واحد بيختلف ف الوقت ده .. يعني مثلا ممكن فيه حد استيعابه سريع يخلص مذاكرته ف ساعة او 2 .. وفيه حد يخلص في 4 وهكذا .. والموضوع مش بالوقت. ووضحي له .. انك مقدرة اهتمامه وانه اكيد عايزك اشطر حد ف الدنيا .. ف بيني له انك فعلا مقدره ده، وهتحاولي انك ترفعي راسه. يعني عايزه اقولك ان الكلام الحلو، بيبقى حل لمعظم المشاكل، انتي بس قربي منه، ومثلا اعملي له حاجات حلوة، واحكيله وخليه هو كمان يفضفض معاكي .. لو فيه وقت زعلان اعملي له حاجه يشربها واقعدي احكي معاه. فيه حلول كتير ف ايدنا نقدر نعملها، غير الهروب .. ف متخليش الحل الاول ف حياتك ل اي مشكلة هو انك تهربي. لان فيه حاجات كتير اوي هتمري بيها .. حاجات صعبة هتخلي عندك خبرة ف الحياة .. وهتصقل شخصيتك. ف متستسلميش بالسرعة ديه. وربنا معاكي ويوفقك
تم النشر الاثنين، ٤ سبتمبر ٢٠٢٣
فتره وبتعدي والبيوت كلها مشاكل بس اللي يقدر يعدي ويتهاون مع الأمور علشان تمشي كمان متتكلميش مع حد في أمور خاصه ببيتكم
تم النشر الأحد، ٣ سبتمبر ٢٠٢٣
اولاً شيلى فكرة الإنتحار لأن غير مجدية طلما المشكلة لها حل و حتى لو مالهاش نخلق لها الحل. ثانياً الهروب و الوحدة بعيد مش حل دائم ده بس مسكن لكن المواجهة و التأقلم هم الخيار المناسب دايماً. ثالثاً حاولى تتجنبى مشاكل بابا و ماما لو حتى جرا ايه مالكيش فيه سيبيهم يتصرفوا مع بعض لأن انا بقولهالك عن خبرة "هيتخنقوا لحد ما عزرائيل يدخل" او يأما يطلقوا فالمشاكل تنتهى او انهم يجدوا قاعدة يقفوا عليها و يتفقوا ان شاء الله. رابعاً حاولى ماتحطيش نفسك قصاد باباكى و هو غضبان علشان احياناً اغلبيتهم بيبقوا عميان مش شيفين قدامهم. باباكى محتاج راجل من عائلة مامتك يقف قصاده و يكلمه بلين لأن طول ما مفيش حد قصاده هيفضل يعمل كده. دورى ورا باباكى لأنه بنسبة كبيرة اما عندة علاقات خارجية او فيه حاجة غلط مخلياه مضايق من مامتك. تماسكى و ماتبقيش فريسة سهلة للحزن او الكآبة و حاولى تبقى منظمة فى حياتك. انت من كلامك سنك صغير لو احتاجتى اى مساعدة كنصيحة او ارشاد اطلبى و ماتتردديش.
تم النشر الاثنين، ٤ سبتمبر ٢٠٢٣
لا حول ولا قوة إلا بالله اصبري واستحملي وربنا يجزيكم الجنة إن شاء الله واحمدي ربنا علي ابتلائك، لا يكلف الله نفسا إلا وسعها، وربنا سبحانه وتعالي بيبتلي كل واحد ابتلاء ، الله يعلم انه قادر يتحمله. عليك بالدعاء والتوكل علي الله. بالنسبة للمذاكرة واللعب، اثبتي لوالدك واهلك انك مجتهدة من درجاتك، وانك بتذاكري بدون ما حد يطلب منك علشان انتي عارفه مصلحتك.
تم النشر الأحد، ٣ سبتمبر ٢٠٢٣
انا على طول بصلى وبعمل كدة والله +اكيد ممكن طبعا ♥
تم النشر الأحد، ٣ سبتمبر ٢٠٢٣
ازيك انت قدي علي فكرة أنا كمان عندي ١٤ سنة ، المهم قربي من ربنا ادعي وصلي واذكري ربنا واستغفري وكدة وربنا كل اما قربتي منه هيفرج لك مشاكلك تاني حاجة ممكن نبقي اصدقاء عشان اول مرة الاقي حد هنا عنده ١٤ سنة
تم النشر الأحد، ٣ سبتمبر ٢٠٢٣
صلو عالنبي للاسف احنا جيلنا كده عايشين في اسوء جيل في مصر فقر ومرض والناس كلها مبقتش صافية وكل يوم مشاكل هنا وفالبيت بس احنا منقدرش نهرب من واقعنا فنحاول بقدر الامكان اننا نتجنب اللي بؤذينا بقدر الامكان يعنى ممكن تشتغلي تشوفي رياضة او حاجه بتحبيها تطلعى في الطاقة السلبية تحاولي متقضيش وقت فالبيت كتير واي مشاكل مع والدتك ووالدك تبعديهم عن بعض تقعدو عند تيتا وعادى الدنيا بتمشي والله
تم النشر الاثنين، ٤ سبتمبر ٢٠٢٣
جماعة ماتشتكوش عشان متهيأوش لنفسكم أن الدنيا بايظة بالعكس الخير فيما تكره اللي انتوا بتقولوه بيأثر عليكم
تم النشر الاثنين، ٤ سبتمبر ٢٠٢٣
انا كمان عندي ١٤ سنه وبردو بعاني من كدا ولله بس متحمله اقول اي الحمد لله
تم النشر الأحد، ٣ سبتمبر ٢٠٢٣
لعرض السؤال في فدني اضغط هنا