السلام عليكم
مشكلتى انى مش بصلى وكل ما اصلى ابطل وكل ما اتوب عن ذنب ارجعلو تانى نقطه الصفر مش سايبانى خالص وحاسة انو ربنا مش كارمنى بسبب الذنوب دى +انا تالته ثانوى بجد الفترة دى بقيت مدمنه هاتف ووقتى بيضيع غصب عنى والموضوع محسس فى نفسيتى اوى لدرجه عاوزة انتحر وكل يوم اعيط على حالى وما باليد حيله ساعدونى بالله عليكم😭😭💔
لازم تصلي ، اعملي اي حاجه وصلي ، لان الصلاة جاء فيها لفظ الكفر في حديث النبي صلى الله عليه وسلم « العهد الذي بيننا وبينهم الصلاة فمن تركها فقد كفر » ، فانتي تتصرفي وتصلي ، واجبري نفسك انك تقومي تصلي ، وادعي ربنا انه يهديكي ويثبتك وقوليله يارب ثبتني على الصلاة ، اما باقي الذنوب فيأتي تركها بعد الالتزام بالصلاة ، لان ترك الذنوب لن تقدري عليه بدون الصلاة والوقوف بين يد الله كل يوم خمس مرات ، وبعدين الصلاة هتاخد منك وقت أد ايه ، كل صلاة بتاخد عشر دقائق بما انك بتصلي في البيت وكده ، ونصيحه كمان ، في البداية صلي الفروض بس ، متصليش اي سنن دلوقتي ، اهم حاجه الفروض وبعد كده لما تثبتي ابدأي صلي سنن وتاخديها بالتدريج ، والنبي صلى الله عليه وسلم قال خير الاعمال ادومه وان قل ، يعني مادام العمل قليل ودائم يبقى خير ، فهذكرك تاني ان الصلاة اهم من اي شئ اخر ، اهم من اي شئ حرفيا ، لان النبي صلى الله عليه وسلم قال ،اول ما يسأل عنه العبد الصلاة ، ان صلحت صلح العمل كله ، وان فسدت فسد العمل كله ، فالصلاة اهم شئ وحطيها في اول اولوياتك . اتمنى مكنش طولت عليكي ، بس صدقيني الصلاة مهمه جداً جداً جداً
تم النشر الاثنين، ٢٩ يناير ٢٠٢٤
ان الله لا يمل من توبه العبد حتى يمل العبد لو غلطت مليون مره ارجعي له تريليون مره ارجعي له بره احوال الصلاه ده ادعي قولي يا رب انا عايز اصلي عايزاك ارجع لك اقعدي كده مع نفسك وانت قاعده كده قولي يا رب يا رب انا عايز اصلي اكرمني يا رب واهديني للصلاه
تم النشر الأربعاء، ٣١ يناير ٢٠٢٤
الانتحار مُحرم في الإسلام ، وهو كبيرة من كبائر الذنوب ، وقد ثبت تحريمه بالكتاب والسنة ، قال الله تعالى : ﴿ولا تقتلوا أنفسكم ان الله كان بكم رحيما﴾ سورة النساء آية 29 ، وقال تعالى : ﴿ولا تلقوا بأيديكم إلى التهلكة وأحسنوا إن الله يحب المحسنين﴾ ، سورة البقرة 195
تم النشر الأربعاء، ٣١ يناير ٢٠٢٤
روى مسلم في صحيحه حديث : «عن أبي هريرة قال قال رسول الله ﷺ "من قتل نفسه بحديدة فحديدته في يده يتوجأ بها في بطنه في نار جهنم خالدًا مخلدًا فيها أبدًا ومن شرب سمًا فقتل نفسه فهو يتحساه في نار جهنم خالدًا مخلدًا فيها أبدًا ومن تردى من جبل فقتل نفسه فهو يتردى في نار جهنم خالدًا مخلدًا فيها أبدًا"»
تم النشر الأربعاء، ٣١ يناير ٢٠٢٤
• نحنُ بشر ، لسنا ملائكة ، نُخطأ ثم نتوب ، نلتزم ونسقط ثم نعود للإلتزام وهكذا الحياة لأنّ هذا هو جِهاد النّفس ، توبِي مرة أُخرى واغتسلي وصلي ركعتين ثم صلي كُل فرض بعد الأذان مُباشرةً ، اغلقي مواقع التواصل الإجتماعي لحين إنتهاء إمتحاناتك ، ثم اضبطِي مواعيد نومك وابدأي في المُذاكرة ، وتذكرِي أنّ الانتحار مُحرم شرعًا ، تحياتي.
تم النشر الأربعاء، ٣١ يناير ٢٠٢٤
• بل بيدك كُل الحل ، كيف ما باليد حيلة ؟
تم النشر الأربعاء، ٣١ يناير ٢٠٢٤
شوفى حد يشجعك وياخد بايدك
تم النشر الاثنين، ٢٩ يناير ٢٠٢٤
لعرض السؤال في فدني اضغط هنا