عايزه افهم سبب التصرف ده، اتعرفت علي شخص بنيه التعارف للزواج فبيسالني ليه مرتبطش او ايه السبب فقلت له اني الاشخاص الي اتقدمدوا كويسين جدا الصراحه بس انا الي محستش اتجاهم بالانجذاب واني بطيئه جدا في اتخاذ قرار الزواج وبحسبها كتييير فلقتيه فجاه بيقولي فرصه سعيده وكفايه الحبه الي اتكلمناهم مع بعض والي هما ميتعدوش يومين هو انا المفروض مكنتش اقول كده بس انا قلت الصراحه والحقيقه
بصي، علميا ـ انتي مش غلطانة في حاجة ، بالعكس واضحة وصريحة ومحترمة وتتحسبلك انك مسبقلكيش الحب او الارتباط .. وبتحسبيها كتير يعني انتي شخصية جادة في مسالة الزواج والارتباط .. لكن عمليا .. الوضوح الزائد في بداية التعارف اوقات "بيخض" الطرف التاني وبيتفهم غلط .. ممكن نفس المعنى يوصل بطريقة تفهم الشخص انك بتفكري كويس قبل الارتباط ، وملقتيش حد لسه تحسي انه مناسب ليكي .. اسباب انسحابه السريعة ، منعرفهاش 100% الا لو سالناه هو شخصيا انسحب ليه بسرعة كدا .. بس الاحتمالات الواردة : اما انه حس انه مش مناسب ليكي و(بتطفشيه بشياكة) ، فتجنبا للرفض والاحراج سبق هو بالانسحاب او انه شخص مش جاد اصلا ، وعايز واحدة مبتفكرش كتير، يرتبطو من غير اسئلة وتعقيدات ولا تتعبه .. فانتي كدا طبعا مش الشخص المناسب لواحد عايز يتسلى او انه شخص جاد ومحترم وكل حاجة .. بس عايز ينجز في الارتباط والزواج (يتجوز وخلاص) وحس من اجابتك انك هتاخدي وقت كبير ومترددة فمش مناسبة معاه الله اعلم السبب، عموما في اي تعارف صلي استخارة وفكري كويس ، وسيبي الشاب هو اللى يتكلم اكتر وتعرفي معلومات اكتر عنه ، ومتقوليش كل حاجة بحقايق صادمة (لو الشاب مقبول بالنسبالك) ، لان وقت الشخص المناسب هتتغير طريقة تعاملك وتفكيرك .. وربنا يقدرلك الخير ويصرف عنك الشر ، خيره في غيره ان شاء الله
تم النشر الأربعاء، ٢ أكتوبر ٢٠٢٤
السلام عليكم مش حنقدر ان احنا نقول لك اجابه اكيده لسبب التصرف ده ايه لان في احتمالات كثير جدا زي ما يعني. احد المعلقين هنا كتب لك في اجابته انه ممكن كذا ممكن كذا ما حدش هيكون عارف اجابه صريحه ولكن الحاجه الاكيده ان الشخص ده مش مناسب ليكي ليه لانه الكلام بتاعك او طريقتك او توجهك في الحياه مش متناسب معاه. هو مش زيك فيه هو مش متفق معه لذلك هو بعض ومشي لانه متاكد ان انتوا مش هتنفعوا مع بعض بناء على اجابتك دي اللي هي بتقول انه في اختلافات ما بينكم هي كده اختلافات جوهريه وخلاص بس كده ما تشغليش بالك قوي هو مشي ليه قد ما انت اشغلي بالك انت بتختاري على اساس ايه مساله انك تعبري عن انك بتختاري الشخص اللي هتنجزي به ممكن يكون ده خليني اقول لك ودي نصيحه على جنبي يعني ملهاش دعوه بالشخص ده ومش هادي اللي خلت الشخص يمشي ولكن ممكن نكون محتاجين نقول لمصطلح يكون اكثر قبولا عند اغلب الناس اللي هو ما حستش بقبول تجاه الاشخاص اللي تقدموا بس كده لكن الانجذاب يبقى. حاجه كده شبه اللي هو مزاجي ما جاش على الشخص ده اييي فخلينا ننقي مصطلح افضل في التعبير عن سبب رفضك او موافقتك على اي شخص او ايه هو اكبر بند عندك هيخليك توافقي تتخطبي بالشخص وهو اللي هي الحاجه الطبيعيه جدا القبول بس كده فاذا كان في قبول فتمام خلاص احنا ارتحنا لبعض وحسينا في قبول ان احنا نقدر نبدا نتعامل اوكي لو انت تقصدي بينجذاب بقى انك مش هتقبلي تتخطبي للشخص الا لو بداتي تحسي بفراشات وقلوب وحسيتي انك بتحبيه من اول نظره فا. ا عبري عن ده بالشكل ده افضل وقولي انا مش هتخطب لحد الا لو حسيت ان في سمه من سمات الحب مثلا.
تم النشر الأربعاء، ٢ أكتوبر ٢٠٢٤
لا هو بصراحه م صدق..ومكنش جاد في الارتباط وده من حظك أنه عمل كده في يومين بس كان ممكن يطول ويتسبب في العلاقه دى وفي الاخر يتحجج باي حاجه..من الاخر ده بيهرج مش جاد
تم النشر الخميس، ٣ أكتوبر ٢٠٢٤
ردك طبيعي جداً والمفروض أنه يفرح أصلا انك بتحسبيها بالعقل مش بتاخدي قرارات متهورة كدة ..لو كان خيراً لبقى
تم النشر الأربعاء، ٢ أكتوبر ٢٠٢٤
ربما يكون من حسن حظك أن هذا الشخص تركك وقد تكونين بحاجة لتغيير الطريقة التي تبحثين بها عن زوج
تم النشر الثلاثاء، ١ أكتوبر ٢٠٢٤
لعرض السؤال في فدني اضغط هنا