أُحييكِ اولاً انك اشتغلتي علي نفسك وعلي أهدافك بعمل جاد ومجهود كبير ، ثانيا التعامل مع الأشخاص الكبار المتنمرين محتاج صبر وثقه بالنفس وحكمه ، لكن هناك طرق تساعدك على التعامل معهم بفعالية: ⭐️البقاء هادئة حافظي على هدوئك بقدر الإمكان لان المتنمر في الاساس كل ما يبحث عنه هو رد فعل ، بمعني تجنبي الرد بغضب أو عدوانية، لانك هنا عطيتيه مراده . ⭐️وضع الحدود كوني واضحًه وصريحه بشأن ما هو مقبول وما هو غير مقبول بالنسبة لك. قولي "لا" بثقة عندما يتجاوز الشخص المتنمر حدودك. ⭐️استخدمي كلمه "أنا" للتعبير عن مشاعرك بدون اتهام الشخص الآخر. مثلا"أنا أشعر بعدم الارتياح عندما تتحدثي معي بهذه الطريقة". ⭐️تجنبي الشخص بقدر الإمكان ليس من الخطأ أن تبتعد لتجنب المواجهة المباشرة في بعض الأحيان. ⭐️اطلبي الدعم من الأصدقاء أو العائلة عن ما تتعرضي له،وإذا زاد الموضوع عن حده فكري في التحدث مع مشرف أو مدير. ⭐️حاولي تسجلي الاحداث بتواريخ ولو في شهود يمكن أن يكون هذا مفيدًا إذا قررت تقديم شكوى رسمية لاحقًا. ⭐️والاهم اهتمي بنفسك واجعليها اولويه ، بمعني ان في ناس تستحق وناس لا تستحق انك تحزني او تشعري بالضيق بسبب تصرفاتهم ،الشخص المتنمر في الاساس هو من يوجد لديه مشكله بداخله يسقطها علي من حوله . التعامل مع المتنمرين قد يكون صعبًا، لكن الحفاظ على لصحتك النفسيه والتصرف بحكمة يمكن أن يساعدك على التعامل مع المواقف بشكل أفضل.
تم النشر الخميس، ١٣ يونيو ٢٠٢٤
السلام عليكم ورحمه الله اهلا بيكي أخذ حقك كطالبه لا يتعارض مع احترام الأكبر منك سنا ، دافعي عن نفسك دائما و خذي حقوقك كطالبه ، لما تقولك انتي مش نافعه ؟ قوليها ايه اللي عملته يخليني مش نافعه ؟ انا لسه بتطلع السلم و لازم اغلط علشان اتعلم ممكن تقولي انا مش نبي معصوم من الأخطاء لازم اغلط و اتعلم ممكن تقولي محدش كبير علي العلم. دافعي عن حقوقك و متسمعيش للصوت اللي جزاكي اللي بيعطلك عن المدافعه عن نفسك ، الصوت اللي بيقولك لو اتكلمتي هتسقطي او لو اتكلمتي هتحطك في دماغها ، أو هيقولوا عنك كذا و كذا لو رديتي ، وقفي كل الكلام دا من دماغك و ردي رد مهذب و فيه رساله قويه بعدم قبولك للكلام دا من غير غلط من غير ما تقولي حاجه عيب تتقال لحد اكبر منك و من غير عنف و عدوان. هتلاقي الشخص اللي قدامك عامل حساب ليكي علشان عارف انك بتاخدي حقك. في كتاب جميل اسمه( أنه من حقك يا اخي) هحاول ارفعهولك و لو معرفتش ابحثي عنه هايل. تحياتي لكي 💐
تم النشر الخميس، ١٣ يونيو ٢٠٢٤
للأسف بعض المدرسين يعتقدون أن أسلوب السخرية سيدفع الطالب إلى الخجل من نفسه ومن زملائه فيحاول أن يبذل جهدًا ليتفوق لكن للأسف الشخصيات مختلفة والأسلوب يأتي بنتيجة عكسية مع كثير من الطلاب خاصة صغار السن. أحييكِ على ما بذلته من جهد في الثانوية وتفوقكِ... ضعي هذا النجاح أمام عينيكِ في كل مرة يحاول أحدهم الانتقاص منكِ. وبما أنكِ خرجتِ للحياة والمجتمع فستجدين عينات كثيرة من الناس وإن تخرجتِ وعملتِ ستقابلين شخصيات ونماذج مختلفة وربما تُصدمين، هناك أشخاص لا يعرفون توجيه الكلام الجيد للغير ومن لا يجيدون إلا الإساءة والانتقاص من غيرهم. توقعي أن تقابلي كل النماذج في حياتكِ وكل ما يحتاجه الأمر منكِ الثقة بنفسكِ دون غرور والتواضع الصحيح دون إشعار الآخرين انّكِ أقل منهم. وتدريب النفس على الرد بطريقة لبقة ووضع حدود في التعامل مع الغرباء وحتى مع المقربين أحيانًا نحتاج لبعض الحدود. وضعي نصب عينيكِ هذا الحديث عن الرسول صلى الله عليه وسلم (المؤمِنُ الذي يُخالِطُ الناسَ ويَصبِرُ على أذاهم، أفضَلُ من المؤمِنِ الذي لا يخالِطُ الناس، ولا يَصبِرُ على أذاهم). بالتوفيق.
تم النشر الأربعاء، ١٢ يونيو ٢٠٢٤
شكرا ليكي علي المشاركة انتي ماشاءالله اشتغلتي علي نفسك وبعد ماكنتي ضعيفة دراسيا بسبب التنمر اجتهدتي وذاكرتي وبقيتي من الأوائل كملي علي ده بلاش نخلي عقبة واحده بتقابلنا توقفنا عن بناء الشخصية بتاعنا اللي هتساعدنا بعض الشخصيات اما تكون في وضع مسئولية بيكون عندها مفهوم انها اما تكسر اللي قدامها هيجتهد ويجيب احسن ماعنده ولكن للاسف المفهوم ده ساعات كتير بيؤدي أكثر ماينفع ركزي علي شغلك انتي واجتهدي فيه علي قد ماتقدري خلي شغلك اللي يتكلم عنك والتعامل عموما بيحتاج بعض المهارات الحياتية اللي تساعدك فالتعامل مع مختلف العلاقات وفي كتاب لدكتور أوسم وصفي اتمني يفيدك
تم النشر الأربعاء، ١٢ يونيو ٢٠٢٤
وعليكم السلام! أولاً، لازم تعرفي إنك مش لوحدك ومش غلطانة بإنك مش عارفة تردي على الناس الأكبر منك، كتير ناس بيمروا بنفس المواقف. خليني أعطيكي شوية نصايح: الاتزان والثقة : أول حاجة ولازم تكوني واثقة من نفسك ومن قدراتك. لما تكوني متزنة وثقتك عالية، هيبان عليكي حتى في التصرفات والكلام. الاحترام : حتى لو الشخص قدامك بيحاول يقلل منك، أنت ردي عليه بأدب واحترام. عشان ده هيبين مدى نضجك واحترامك لنفسك. الردود الذكية : مثلا لو الشخص قالك "أنتي مش نافعة في حاجة"، ردي بابتسامة وقالطلق: "أنا بحاول أتعلم وأطور من نفسي، وكلنا بنتعلم مش كده؟". كده انتِ خرجتي من الموقف بشكل محترم وبرضو رديتي عليه. اختيار الوقت المناسب للرد : لو الكلام بقالك في اجتماع أو قدام ناس، ممكن تردي في نفس الوقت زي ما ذكرنا قبل كده. لكن لو حسيت إنك مش قادرة تردي في اللحظة دي، ممكن تتكلمي معاها بعد الاجتماع بشكل شخصي وتوضحي لها إنك مش حابة الطريقة اللي اتعاملت بيها. طلب المساعدة : لو الوضع اتكرر والموضوع كبر، ممكن تفكري إنك تتكلمي مع مسؤل أعلى أو حد ممكن يساعدك في الوضع ده. بناء العلاقات : حاولي تكوني علاقات جيدة مع الناس اللي حواليكي. لما الناس تشوف إنك شخصية محترمة ومجتهدة، هتلاقيهم بشكل طبيعي بيدعموكي. التدريب على التعامل مع المواقف : أحيانا التمرين على المواقف بيساعدك تكوني مستعدة أكتر. ممكن تتخيلي نفسك في الموقف وتفكري في أفضل طريقة للرد. وأخيرا، تذكري دايما إن اللي بيحاول يقلل من الآخرين عادة عنده مشاكل شخصية بتحاول تتوازن عن طريق النقد. كوني واثقة وذكية في التعامل وإن شاء الله هتلاقي تحسن. وأي احتياج تاني، أنا هنا معاكِ!
تم النشر الأربعاء، ١٢ يونيو ٢٠٢٤
لان نبقي عارفين حبيتي أن الثقه بالنفس بتيدأ من جوانا سواء رديت أو لاء انا واثق وفي نفسي ومقدرها حق قدرها ، الموقف دا أظهر المشكله لكنها كانت موجودة في الأصل ، هنا محتاجه تدربي نفسك علي حاجه اسمها توكيد الذات بعد ماتكون بنحب نفسنا وراضين عنها بكل مافيها حتي عن عيوبنا ( مستقبلها + بحاول اطورها ) ، بيجي دور توكيد الذات اني اقدر ارد واقول اه و لاء واخد حقي عموما بطريقه قويه وفعاله ولكن بشكل مقبول مع اي شخص ايا كان عمره ، وليكن انتي مش بتفهمي أو انتي بطيئه " شكرا على ذوقك ، ابتسامه ونظره تجاهل والكلام فعلا لا يعنينا مش مجرد هدوء طاهري كل ماللي قدامك بيصعد الرد كل مابتصعدي انتي كمان
تم النشر الخميس، ١٣ يونيو ٢٠٢٤
لعرض السؤال في فدني اضغط هنا