تعرفت على شاب من الفيسبوك وطلب التقدم لي وبعد الاتفاق على كل شيء حذفني من جميع وسائل التواصل بدون اي سبب او مقدمات.. يوجد وسيله للتواصل حيث اني املك حساب قديم فهل اتواصل معه ام اترك الامر وانساه ؟
هو الموضوع منتهي اصلا بس خلينا نتفق إن انتي عندك فضول بس تعرفي هو ليه عمل كدا و هل المشكلة كانت مني ولا لا او عايزة تعرفي الأسباب و الدوافع بتاعته مش اكتر لكن فرضا كلمتيه و قالك اي سبب هل هتقتنعي و هترجعيله ؟؟ اتوقع الإجابة ١٠٠ ٪ لا، لانه محترمش اي حاجة بينكوا اصلا و هرب و هو نفسه لو حب يرجع تاني المفروض يلاقي منك صد و انك معززة نفسك و انتي اللي مش عايزة ترجعي لانه حتى مكنش عنده الجرأة يوضح و يمشي بشياكة و لو اجاباتك آه اتمنى تراجعي نفسك و حساباتك تاني.
تم النشر الأربعاء، ٥ مارس ٢٠٢٥
والسلام عليكم ورحمه الله وبركاته يعني هو شخص طلب ان هو يتقدم بس يعني بما ان الموضوع كان سهل هو احنا بنبدأ الكلام على الشات فسهل ان احنا ننهيه بالطريقه السخيفه دي لانه هو مكانش جاد ولا اي حاجه عادي الكلام بيتقال ومش شرط خالص يكون الكلام حقيقي ولا يكون هيتحقق. شخص بيهزر وبيلعب وقال أي كلام وبعد كده نهى الموضوع بإن هو يحذف ويمشي وخلاص ولاكأنه قال اي حاجه نتعلم بس من النقطه دي ان احنا ما ناخدش كلام السوشيال ميديا على انه حقيقي وارد انه يكون في ناس قليلين صادقين وعكس كل دول لكن الاغلبيه للاسف الشديد ناس بتشوف الموضوع سهل بدا برساله وعادي جدا ينتهي برساله او ممكن كمان ما ننهيش برساله ونقفل ونعمل بلوك والموضوع ينتهي. طبعا ما تتواصليش معاه تاني نهائي يكفي ان هو شخص بين قد ايه هو مزيف مش عارفه ممكن تحتاجي تتواصلي مع حد مزيف تاني ليه؟
تم النشر الأربعاء، ٥ مارس ٢٠٢٥
السلام عليكم، لا أنصحك بمحاولة التواصل معه أو سؤاله عن سبب ما فعله أو إعادة هذه العلاقة عمومًا. حتى إن عاد هو يحاول الاعتذار والتحجج بأي شيء لا تتحدثي معه ولا تعودي له. هذا الشخص لم يكن جادًا معك من البداية والأسلوب الذي استخدمه في إنهاء الأمر أكبر دليل على عدم جديته، يبدو أنه لم يكن ينوي الاستمرار في علاقة جادة ولهذا تراجع بهذه الطريقة. حتى وإن كان هناك سبب حقيقي منعه من تنفيذ اتفاقه كان عليه أن يصارحك بأسبابه ويواجهك ثم ينهي الأمر بطريقة محترمة. المهم، لا تتواصلي معه واعتبري ما حدث درسًا وتعلمتِه ولا تدخلي في علاقات على الإنترنت مرة أخرى حتى لو بنية التعارف للزواج لأنه كما قلت أغلب الشباب يبحثون عن تسلية لا أكثر. عززي نفسك واحفظي مشاعرك وقلبك لمن يستحقك ويحترمك. بالتوفيق.
تم النشر الأربعاء، ٥ مارس ٢٠٢٥
هو قفله... انتى تروحى تفتحيه ازاى.... حرام تبهدلى مشاعرك كده والله ... وخدى بااك الحمد لله انها جت من عنده ما بنى على باطل فهو باطل
تم النشر الجمعة، ٧ مارس ٢٠٢٥
لعرض السؤال في فدني اضغط هنا