حياتي بقيت كئيبه ومخيفه جدا والله بس الحمدلله مش بسيب فرض وقريبه من ربنا وبتمني يغفرلي اي حاجه مكنتش ترضيه وبتغضبه ....
بس انا دايما ڪئيبه والدمعه ع عيني ومبقتش بستحمل كلمة من حد دلوقتي لاني استحملت ياما وصوتي بقا يعلا حته لو علي اختي الصغيره ومشاكل ماما وبابا بصراحه زايده وعملتلي حالة نفسيه وحته بقالي سنه مش زي الاول ف المذاكره ومبفتحش كتاب وانا ثانويه عامه ودايما تعبانه وكل حته ف جسمي تعباني ...
من اول ما اتولدت كنت بتحاسب ع الرايحه والجايه حته لو قعدت مع بنات عمي كانوا دايما اهلي يقلولي انتي جميلة بزيده ولما بتنزلي او تطلعي بتتنكدي وشعري كان طويل كله وقع وبشرتي بيضا بقا فيها حبوب ياما والله اقل كلمه بتخليني اتعصب واعيط وغير كدا انا حساسه شويه وطفله ف نفسي جدا وكذا مره اروح لكذا شيخ يقولي محسوده ويرقيني وبرضه زي م انا اعمل ايه بالله +معنديش شغف زي الاول ابدا والله حته كنت بكتب شعر وبعمل حاجات كتير دلوقتي ولا حاجه وبنام كتير جدااا🥹.
ربنا سبحانه وتعالى كانت شهادته فى وصف نبينا محمد صل الله عليه وسلم انه قال *وماينطق عن الهوى إن هو إلا وحي يوحى علمه شديد القوى ذو مرة فاستوى*صدق الله العظيم فلما سيدنا النبي يقولك إن المرء على دين خليله فلينظر احدكم من يخالل صدق رسول الله صلِّ الله عليه وسلم الصاحب ساحب زي ما بنقولوا بالبلدي كده يا يرفعك سابع سما يا يخسف بيك سابع أرض.. دوري على الصاحب او الصديق اللى يخرجك من الحاله اللي انتي فيها انتى مش محتاجه نصيحه انتى محتاجه شخص يخرجك من الدايره المحيطه بيكى.. انا ابنى قدك فى السن وفاهم الدماغ بتاعة الفتره دي وفعلا الاعراض اللي انتي بتحسى بيها دى اعراض حسد والعين مافيس أسوأ منها شوفي صاحبتك الانتيم اللى انتى تحسى وتبقى متأكده انها مبتغيرش منك.. هي دي اللي حتخرجك منها.. ياريت تستوعبى كلامي
تم النشر الجمعة، ٧ أبريل ٢٠٢٣
ايه اللي وصلك ل كده، يعني ايه اللي مخلي حياتك كئيبة زي ما وصفتي؟
تم النشر الجمعة، ٧ أبريل ٢٠٢٣
ماشاءالله ربنا يحفظك ويحميكي من كل شر يارب اوقات من الضغط الزياده والمشاكل الكتير والكبت وعدم التفريغ بتتعبي جدا مش ضروري تتحسدي وان الي عندك من حسد بس ممكن من الضغط النفسي والاكتئاب بيزيد لما المشاكل بتكتر حولينا ونحس اننا مش لاقين مخرج منها او مش عارفين نساعد ف حاجه بس ف نفس الوقت بتحتاجي انك تفرغي كل الي انتي حساه بانك تحكي دايما لحد قريب منك انك تتكلمي مع اهلك او حد من صحابك او انك تكتبي الي بيدايقك دايما بس متفضليش شيلاه ف نفسك بس كمان افتكري ان ليكي احلام نفسك تحققيها نفسك تدخلي كليه معينه تنميه هوايتك الي هي الشعر انك تتعلمي حجات كتير ف الدنيا محتاجه شويه صبر وطاقه وهتحققي الي نفسك فيه كمان بشرتك مش معنى ان طلعلها حبوب تبقي مش حلوه طبيعي لفتره ف عمرك يحصلك ده لانه هرمونات ف جسمك بتتغير وبتنضجي وده بيجي بشويه خساير زي الحبوب بس بعدها بتستقري والحبوب تهدى كمان الحاله المزاجيه بتفرق ف الحبوب وبتزيد مع الزعل ف انتبهي جدا
تم النشر الجمعة، ٧ أبريل ٢٠٢٣
سورة البقره علاج لكل شئ ومفتاح للسعاده عن تجربه شخصيه هي حل لجميع المشاكل النفسيه والاجتماعيه المشاكل الدنيوية عموما بشرط اليقين بان ربنا قادر علي كل شئ
تم النشر الجمعة، ٧ أبريل ٢٠٢٣
كل اللي انتي فيه ده مهو الا رد فعل لتراكمات وضغط كتير اتحطيتي فيه فلو تقدري تطلعي كل التراكمات دي وتقولي اللي جواكي للي آذوكي هتكون دي خكوه كويسه جدا هتشيل عنك كتير واقرأي سورة البقره كل يوم واذكار الصباح والمساء وشغلي الرقيه الشرعيه كل دي حا؟ ات هتفيدك بجد ومنها لو فيه حسد تحميكي بردو بجد الحاجات دي ممكن تغيرلك قدرك اصلا
تم النشر الجمعة، ٧ أبريل ٢٠٢٣
اهلاً بك، أشعر بما تشعرين به فأنا أستطيع أن أتخيل كم يكون الأمر صعبًا عليك. علينا أن نعمل سوياً لمساعدتك على إعادة الثقة في نفسك وعيش حياتك بشكل أفضل. من الواضح أنك تشعرين بالاكتئاب والضغط النفسي مما يؤثر على حياتك اليومية ودراستك. أول شيء يجب عليك فعله هو مساعدة نفسك على التخلص من هذا الشعور. جربي ممارسة اليوغا أو التأمل أو الرياضة، فهي تساعد كثيرا في تخفيف الضغط النفسي وتحسن المزاج. كما يمكنك تحديد أهداف قصيرة وطويلة المدى والعمل على تحقيقها بشكل يومي. أيضاً، يمكنك محاولة البحث عن شخص محترف مثل مستشار نفسي للحصول على المساعدة الإضافية التي تحتاجينها، فهو يمكن أن يساعدك في الحصول على الدعم اللازم لتغيير نظرتك إلى الحياة. أتمنى أن تجدي الدعم الذي تحتاجينه والطاقة اللازمة للخروج من هذا الوضع الصعب، ولا تنسي أن هناك دائماً من يهتمون بك ويرغبون في رؤيتك أكثر سعادة.
تم النشر الجمعة، ٧ أبريل ٢٠٢٣
لعرض السؤال في فدني اضغط هنا