عايزة اسال لما يكون خطيبك بيتاخر في الرد علي الرسايل و ممكن تكوني بتكلميه في حاجة مهمة يسيبك في الشات و ميردش ، يطلع عينك عشان يكلمك مكالمة فون لا تتعدي ال٥ دقايق ، يا جماعة انا داخلة علي شهر مشوفتوش ولا خرجنا حتي ساعتين في أي مكان و كل يوم بقوله نفسي اشوفك يقولي وانا كمان أقوله طب ايه طيب يقولي أن شاء الله اشوفك و هو إجازة ١٥ يوم كاملين من الشغل ولا قالي اشوفك فيهم ساعتين ، و محدش يقولي سيبك منه أو طنشيه هيتعدل والله جربت اغيب يوم كامل قافلة موبايلي ولا سال فيه ولا اتصل و ساعتها بررتله التصرف ده و قولت يمكن من كتر ما هو مشغول شوية يكون مهتم و شوية بشوف منه إهمال فظيع و دلوقتي بكلمه في الشات ف بقوله شوف اي يوم الاسبوع ده اشوفك بقالنا ياما مخرجناش مردش عليا وساب الرسالة متعلقة اتخنقت جدا و في وسط الكلام كان بيقولي بهزار صحابي لو عرفو فرق السن بينا هكون نكتة و بيضحك و فرق السن بينا ١٠ سنين لكن في تفاهم كبير و حب و مخطوبين عن حب كمان هي مشكلة الإهمال بتاعته بس و لما قفشت و قولتله وايه مشكلة السن بينا قالي انا بهزر و قفل بحجة أنه طالع البيت و الشبكة بتقطع ، وعلي فكرة هو حاليا موقف تجهيزات اي شئ يخص الشقة او اي شئ يخص الجواز اصلا بسبب أن كان في حالة وفاة عشان بس محدش يفكر أنه طالع عينه وانا مش فارق معايا ... لو ينفع حد ينصحني وكاني اخت ليكم لان فعلا انا نفسيتي ادمرت و بحبه جدا لدرجة فعلا مش شايفة غيره وهو بيحبني و مش بخيل خالص و دايما يحب يشوفني مبسوطة لكن مش قادرة افهم تصرفاته
اسلام عليكم أولا فكره أنو مبيسألش عليكي ف ده يمكن عشان بتسألي عليه كتير ف مش مديالو فرصه يسأل عليكي أو يشتاق ليكي جربي تقفلي ٣ ايام متكلمهوش او تبعتيلو لو هو اللي سأل عليكي ف وسط الأيام دي مترديش غير لما تعدي ال ٣ ايام و شوفي هيتصرف ازاي يمكن يطلب انو يشوفك او يتكلم معاكي وقتها لو ملقتيش اي رد منو اسأليه ليه هو بيتصرف كدا و إذا كان حابب يكمل ولا لاء لإن فكره انو مش حابب يشوفك يمكن ليها اسباب أنو فقد المشاعر تجاهك او ممكن لإن وراه حاجات كتير فعلاً و لكن انتي بتقولي واخد اجازه و مع ذلك مش راضي انو يخرج معاكي او تتكلموا ف حاولي حتى تخلي حد من أهلك يكلموا يفهم منو هو ليه بيتصرف كدا و حاولي متزنيش عليه زياده انك تشوفيه لإن هو اللي المفروض يزن عليكي و يطلب ده و يكون هو اللي محتاج يكلمك مش العكس و اتمنى ليكي التوفيق ف علاقتك.
تم النشر الاثنين، ١ يوليو ٢٠٢٤
مقدره انزعاجك من الطريقة جدا ،، في نقاط محتاجه افهم تقييمك ليها على اي اساس لأن في تناقض في الرساله استوقفني ( في تفاهم كبير وحب )وجملة (بيحب يشوفني مبسوطة ) ( اصحابي لو عرفوا ) أولا العلاقات الصحية قائمة على التبادلية يعني تبادل الحب معناه تبادل الاهتمام وأنا مش شايفه أساس في العلاقه لده ثانيا كان بينكم حب قبل الخطوبة يعني كان في تواصل في الفون أو الرسائل ولا لا ، وبعدين بيحب يشوفك مبسوطة وانتي مش موجوده في دائرة اهتماماته ازاي؟ ثالثاً اي علاقة الصحاب بعلاقتكم وهل لو عرفوا هياثر ده على قراره في الإرتباط الرساله محتاجه تفسيرات منك تحياتي
تم النشر السبت، ٢٩ يونيو ٢٠٢٤
أولا، أحب أقولك إنك مش لوحدك في الحيرة دي، كتير من البنات بيواجهوا مشاكل زي دي في العلاقات وخصوصًا في فترة الخطوبة. المهم إنك تعرفي إن اللحظة دي مش نهاية العالم، وعندك الحق تكوني حزينة أو مشوشة. بخصوص الإهمال والتأخير في الرد على الرسائل: ممكن يكون عنده أسباب شخصية أو ضغوطات مش قادر يعبر عنها. لازم تعرفي إن التواصل هو مفتاح النجاح في أي علاقة. ممكن تحاولي أنك تقعدي معاه وتتكلمي بصراحة عن مشاعرك وتفسرله إنك محتاجة اهتمام أكتر. بخصوص موضوع فرق السن: لو هو بيهزر وما كانش يقصد حاجة فعلا، حاولي تخدي الأمر ببساطة، لكن لو كنتي شايفة إن الموضوع بيتكرر وبشكل مزعج ليكي، من حقك تعبريله عن انزعاجك وتشوفي رد فعله. بخصوص التأخير في التجهيزات: موضوع الوفاة مؤثر ومش سهل عليه. حاولي تكوني دعمه ومتفهمة للموقف دا، لكن لو الوضع استمر لفترة طويلة بدون أي تقدم، يبقى لازم تفتحي الموضوع بشكل جدي وتشوفي نواياه. حاولي تاخدي خطوة للخلف وتقيمي الوضع: هل فعلا هو الشخص اللي قادر يقدملك اللي تستاهليه في العلاقة؟ هل فيه توافق بينكم بالرغم من كل المشاكل دي؟ وفي النهاية، لو لقيتي نفسك مش قادرة تكملي، يبقى لازم تكوني قوية وتفكري في نفسك ومستقبلك. الحب مهم، بس كمان لازم تلاقي راحة وسعادة في العلاقة. 💖
تم النشر الجمعة، ٢٨ يونيو ٢٠٢٤
ربنا يصلح الحال ويقدملك اللي فيه الخير
تم النشر الجمعة، ٢٨ يونيو ٢٠٢٤
لاني بحبه جدا مستحملة حاجات كتير ، لكن طاقتي بدأت تخلص
تم النشر الجمعة، ٢٨ يونيو ٢٠٢٤
انتي ربنا يعينك مستحملة كتير لكن لحد امتى !
تم النشر الجمعة، ٢٨ يونيو ٢٠٢٤
حضرتك انا كلمته في مرة من حوالي شهر اخر مرة شوفته وعاتبته و ندمت ندم شديد و انا اللي طلعت مش بيعجبني حاجة في الاخر
تم النشر الجمعة، ٢٨ يونيو ٢٠٢٤
لا ما هي الاجابة متنفعش تكون كلمة واحدة كده ...طالما لا مش مهتم ليه ؟ ما لازم يكون فيه سبب منطقي لده
تم النشر الجمعة، ٢٨ يونيو ٢٠٢٤
الاتنين لا ، وده اللي مجنني اني مش فاهمة السبب
تم النشر الجمعة، ٢٨ يونيو ٢٠٢٤
واجهيه ..اسأليه ليه مش مهتم ؟ فيه حد تاني في حياتك ؟ فرق السن مضايقك ؟
تم النشر الجمعة، ٢٨ يونيو ٢٠٢٤
لعرض السؤال في فدني اضغط هنا