انا حبيت واحد كان انسان وحش اوي وبيشرب مع كدا قررت اتقرب منه واغيره للاحسن فعلا نجحت وغيرته مقصرتش معاه ف حاجه ابدا وهو بنفسه بيقول كدا بس اكتشفت انه عارف بنت عليا وبيكلمها بالساعات وانا حسيت بنار جوايا قلت له انا بكرهك وانت ضحكت عليا والكلام دا وشكرا وقفلت كل حساباتي بس المشكله اني اعرفه من عشر سنين! كل حاجه بحياتي هوا مش عارفه هتخطي ازاي ولا اعمل ايه تنصحوني بإيه؟
فكرة الباد بوي وأنا الوحيدة اللي هقدر أصلحه وهيتغير عشاني ويحبني دونًا عن كل البنات اللي عرفهم، دي فكرة البنات بيضحكوا بها على نفسهم للأسف لأن محدش بيتغير إلا إذا هو أحس من جواه إنه لازم يتغير. أنتِ مغيرتيهوش ولا حاجة، يا إما كان تمثيل قُدامك عشان يقنعك إن تغير أو إنه تطبع بالحاجات اللي كنتِ بتقوليها له لفترة عشان علاقتكم وبعدها زهق من التطبع ده لما زهق من العلاقة كلها. ** عامة اللي حصل حصل والحل دلوقتي، إنك الأول تعترفي إنك غلطتِ وتتقبلي ده... وتتقبلي نتايج الغلط ده عشان تقدري بعد كده تتخطي، طول ما أنتِ حاسة إنك اتظلمتِ واتجرحتِ وليه عمل كده وليه كان خائن، كل ده مش هيساعدك. لازم كمان تعرفي إنك غلطتِ من البداية مش بس في حق نفسك... في حق ربنا وحق أهلك اللي وثقوا فيكِ... ربنا حرم العلاقات دي وخلى فيه حدود بين الولد والبنت عشان ميحصلش كل ده. لما نتجاوز الحدود دي يبقى نتقبل النتيجة في النهاية ومنفضلش فاكرين إننا اتظلمنا واللي حبيناهم خانونا... احنا ظلمنا نفسنا الأول. توبي لربنا واستغفريه واسأليه يعينك على تخطي اللي حصل ومتظلميش نفسك مرة تانية سواء برجوعك للشخص ده لو رجع يحاول تاني أو بعلاقة تانية مع شخص جديد. انتِ غالية فعززي نفسك وحافظي على مشاعرك. وافتكري دايما إن محدش بيتغير عشان حد.
تم النشر الثلاثاء، ٤ فبراير ٢٠٢٥
الانسان مبيتصلحش غير لو ربه هداه غير كده انتي مش ميكانيكي للبشر و العلاقة من النوع ده محرمة يعني صلحتيه او لا هي حرام في حرام انا مش جاي اقلب عليكي المواجع بس بنبهك لحرمانية الامر ده الشديدة واتمنى انك تنسيه و ربك يهديكي لو عايزة تنسيه اشغلي وقت فراغك عشان وقت الفراغ هو العدو الاول للبشر كلهم من ناحية ان الشيطان بيدخللك في وقت فراغك و من ناحية ان عقلك بيفكر كتير و الموضوع هيتعبك ف اشغلي اوقات الفراغ
تم النشر الاثنين، ٣ فبراير ٢٠٢٥
عزيزتي، أقدر مشاعرك وما تمرين به من ألم وصعوبة في التعامل مع هذا الموقف. من الطبيعي أن تشعري بالخيبة والألم عندما تواجهين خيانة أو عدم تقدير من شخص كنتِ تحبينه بشدة. أول خطوة يجب أن تقومي بها هي أن تعطي نفسك الوقت للتعافي. إذا كان قلبك مكسورًا، فمن المهم أن تسمحي لنفسك بالشعور بالألم، فهذا جزء من عملية الشفاء. حاولي أن تبتعدي عن كل ما يذكّرك به، سواء كان ذلك من خلال تجنب التحدث عنه أو النظر إلى حساباته على وسائل التواصل الاجتماعي. قد يكون من المساعد أن تقضي بعض الوقت مع أصدقائك أو في أنشطة تجعلكِ تشعرين بالسعادة والراحة. أيضًا، تذكّري أن المحبة الحقيقية لا تتعلق بتحويل شخص آخر، بل يجب أن تكون قائمة على الاحترام المتبادل والإخلاص. إذا كان قد قرر أن يخون ثقتك، فهذا يعكس صفاته، وليس قيمتك أنت. فكري في أولوياتك وأهدافك وتمني لنفسك الأفضل. نصيحتي لك هي أن تركزي على تحقيق ذاتك واهتماماتك، وثقي أن الله سيعوضك بشيء أفضل في المستقبل. استثمري في نفسك، وكوني إيجابية في خططك القادمة. إذا كنت بحاجة إلى مزيد من الدعم، فإن الاستشارة مع مختص نفسي قد تكون خيارًا جيدًا لمساعدتك في تخطي هذه المرحلة. اتمنى لك الشفاء السريع والسلام الداخلي.
تم النشر الاثنين، ٣ فبراير ٢٠٢٥
ولا متخذات أخدان، من البدايه العلاقه حرام مفيش صداقه بين الولد والبنت ولا من اي نوع غير خطوبه او جواز غير كده عصيان لربنا وهو جزاكي علي عصيانه بوجع قلبك بس كده ، فتوبي وارجعي لربنا واتقي الله فيه وفي نفسك وفي اهلك علشان ربنا ميعاقبكيش بقيه حياتك ، استمري بالبلوكات امحيه ، من ترك شيئا لله عوضه الله خيرا منه لو نصيبك هيجمعكوا، وقربي من ربنا وادعي بالزوج الصالح
تم النشر الاثنين، ٣ فبراير ٢٠٢٥
لعرض السؤال في فدني اضغط هنا