السلام عليكم ورحمه الله وبركاته
انا ف تالتة ثانوي وتايه جدا الفترة دي ما بين اجيب سماعة ولا لا
خصوصا اني الحمد لله مستوايا حلو وشاطر بس مش عارف اهلي عايزين اني اجيب سماعة عشان اضمن نفسي ومستقبلي وكدا
بس انا مش عارف هل دي كبيرة من الكبائر لو عملت كدا وهل هتبقي شهادة حرام
انا خايف جدا مش عارف اعمل اي خصوصا اني منتظم من اول السنة واهلي حاطين أملهم فيا
مش عايز اخذلهم ومش عايز تعبي يضيع
ومن ناحية تانية خايف مجبش سماعة وفالاخر يجي واحد مقضيها من اول السنة ويجيب سماعة وينجح ويسرق مني حلمي لان الأغلبية العظمي هيدخلوا بسماعات واللجان بتتظبط واكيد انتم سمعتوا عن كدا
انا شفت شيوخ قالت حرام وأنها كبيرة وفي شيوخ قالت عادي
اتمني تفهموني والله أنا متوتر جدا ومش عارف اعمل اي وخائف من فكرة إن التنسيق يعلي ومجبش مجموع لقدر الله يحرمني من حلمي
لا طبعا متجبش ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه مش لازم ابدا يكون حلمك ال انت بتتمناه هو الخير ليك انت وارد جدا متجبش السماعه وتدخل كليه غير رغبتك بس لازم تتاكد وقتها ان ده الخير ليك الامتحان هيخلص وكله هيعدي ان شاء الله وكل ال مكتوب له مكان هيروحه بس هيفضل مين ال اتقى ربنا ووصل للكليه بالتقوى ومين ال عصى ربنا ووصل لكليته بمعصية الله وبالغش الحاجه ال بتيجي من حرام او بيخالطها حرام بتتمحق بركتها وبتكون فيها شؤم وقلة بركه فاتقي ربنا وتاكد ان ربنا هيوفقك ويبارك لك في اختياراتك بعد كده وبقية حياتك
تم النشر السبت، ٢٧ مايو ٢٠٢٣
ومن يتق الله يجعل له مخرجًا اجعل هذا شعارك يا صديقي في حياتك القادمة كلها وبإذن الله لن يضيع الله تعب من اجتهد وسعى
تم النشر السبت، ٢٧ مايو ٢٠٢٣
(ويسرق مني حلمي) ومين قالك ان فيه حد بيسرق حلم حد، هما يعملوا اللي هما عايزينه، انت ليه عايز تعمل الغلط معاهم؟ طيب لو نجحوا وطلعوا هل مثلا معتقد ان ربنا هيوفقهم؟ محدش بيسرق حلم حد .. اعمل اللي عليك وتوكل على الله .. (ومن يتق الله يجعل له مخرجا) توكل على الله ، واعمل اللي عليك والنتيجة ديه بتاعة ربنا.
تم النشر السبت، ٢٧ مايو ٢٠٢٣
خلي عندك ثقة في ربنا واعمل اللي عليك واعرف أن الدرجة في الامتحان مش هي المستقبل - حتى لو مدخلتش الكلية اللي تتمناها- لكن المستقبل دة ربنا اللي بيحدده وربنا أعدل من أنه يضيع شخص اتقاه
تم النشر الجمعة، ٢٦ مايو ٢٠٢٣
فعلا معاك حق
تم النشر الجمعة، ٢٦ مايو ٢٠٢٣
أنت أكيد هاتظلم غيرك لو غشيت مش هتتظلم!
تم النشر الجمعة، ٢٦ مايو ٢٠٢٣
انا خايف انظلم خصوصا انا منتظم من اول السنة واهلي حاطين أملهم عليا مش عايز اخذلهم
تم النشر الجمعة، ٢٦ مايو ٢٠٢٣
هو أكيد حرام عليهم .. بس أنت ليه عايز تشيل وزر معاهم؟ ما تسيب اللي يحمّل يشيل!
تم النشر الجمعة، ٢٦ مايو ٢٠٢٣
حرام برضو أننا نتظلم ياريت تفهمني وشكرا ليك
تم النشر الجمعة، ٢٦ مايو ٢٠٢٣
انا عارف أنه حرام والله انا مش بحلل دا بس برضو حرام إن المدرسين تاخد فلوس وتسيب العيال كدا
تم النشر الجمعة، ٢٦ مايو ٢٠٢٣
وبتسأل حرام ولا حلال؟ قال ﷺ (من غشنا فليس منا) انتهى الكلام
تم النشر الجمعة، ٢٦ مايو ٢٠٢٣
اه
تم النشر الجمعة، ٢٦ مايو ٢٠٢٣
سماعة تغش بيها في الامتحان؟
تم النشر الجمعة، ٢٦ مايو ٢٠٢٣
لعرض السؤال في فدني اضغط هنا