انا شخص بتعصب بسرعه جدا و من اقل الاسباب و بقالي فتره بحاول امسك نفسي و ابقي هادي لكن مبعرفش و بحاول ابعد عن السبب الي بيعصبني لان الموضوع بقي متعب نفسيا و حاسس الموضوع بياثر عليا و علي علاقتي بالناس الي اعرفهم و المشكله ان الناس مبتقدرش اني بتعصب بسرعه مع ان هما عارفين ده ف مش عارف اعمل ايه ابعد عن الناس بقدر الامكان ولا اعمل ايه
حضرتك محتاج تعرف حاجتين مهمين جدا اول حاجه ان اي طبع او صفه فينا نقدر نغيرها بالتعود والتدريب والغضب ده بالذات النبي عليه الصلاة والسلام قال عنه في الحديث( انما العلم بالتعلم وانما الحلم بالتحلم ) فمينفعش حد يجي يقول انا مش هينفع اسيطر على غضبي وعصبيتي والناس المفروض تقدر اني عصبي ووو لا ..حضرتك تقدر تعود نفسك على ترك الغضب وتقدر تمتنع عن العصبيه ولكن هتحتاج شويه وقت من التدريب وضبط النفس النبي صلى الله عليه وسلم قال ( ليس الشديد بالصرعه انما الشديد الذي يملك نفسه عند الغضب ) فعلامة القوة والشدة في الانسان هي سيطرته على نفسه وعلى عصبيته . الحاجه التانيه حضرتك محتاج تعرف شوية خطوات تمشي عليهم يساعدوك تقلل عصبيتك منهم * دايما اول ما تحصل حاجه بتعصبك قبل ما تتنرفز او تتعصب وقبل ما تنطق قل سبحان الله ٣ مرات والحمد لله ٣ مرات زالله اكبر ٣ مرات واستعيذ بالله من الشيطان وبعدين ابدأ كلام طيب نفترض انك بدات عصبيه ونسيت ..مجرد ما تفتكر وقف كلامك مباشرة واعمل الاذكار دي وبعدين كمل كلامك وحتى لو اتعصبت تاني في نفس الموقف ارجع اقف تاني وقول الاذكار وكمل تاني شويه شويه هتتعود ان شاء الله * دايما حط نفسك مكان الشخص ال انت بتتعصب عليه اكيد لما بتزعق له وتطلع غيظك فيه بتسبب له احراج كبير وبتهز ثقته في نفسه وبتؤذيه نفسيا جدا حتى لو الموقف مكنش حد حاضره غير انت وهو بس ليه كده ؟ وعشان ايه كل ده ؟ انت بنفسك بتقول اقل الحاجات واتفه الاسباب بتثير عصبيتك طيب ايه ذنب الناس ؟؟؟ ليه تسبب اذى لغيرك ممكن يأثر عليه ويشوه صورته قدام نفسه باقي عمره ويخليه شخص بيخاف من الزعيق وبيخاف من ردة فعل ال قدامه بسببك وحط نفسك مكان الشخص نفسه ده برضه لو كان التصرف حصل منك انت تحديدا ؟ كنت تحب التعامل معاك يكون شكله ازاي ؟ افتكر دايما حديث النبي صلى الله عليه وسلم ( ما كان الرفق في شئ الا زانه وما نزع من شئ الا شانه ) خلي الرفق والتنبيه بالراحه نيه عندك انك تطبق سنة من سنن النبي صلى الله عليه وسلم كل ما تطبقها تاخد اجر بإذن الله حضرتك مش محدد نوعيه الناس ال انت بتتعصب عليهم هل هم اكفالك ولا زوجتك ولا ناس بيشتغلوا معاك ولا طلبه في فصل ولا اقارب ولا جيران ولا ايه ولكن ايا كان حاول تحط نفسك مكانه *انصحك تقرأ قرآن كتير جدا جدا القرآن بيهدي النفس وبيهذب سلوكها نزل تطبيق اسمه ( نختم ) كل ما تفتح التليفون هيعرضلك ايات تقرأها بالترتيب حتى لو كل ما تفتح هتقرأ اية واحده بس انت هتتفاجئ من عدد الايات ال هتقرأها في مدة صغيرة جدا * ادعي كثير اللهم هذب لي نفسي واصلح لي شأني ياحي يا قيوم برحمتك استغيث اصلح لي شاني كله ولا تكلني الى نفسي طرفه عين *اول ما تحصل حاجه قدامك افتكر على طول انك الحمد لله بصحه وعافيه وقل لنفسك ( أضاعت الجنه أم أخبرت بعدم القبول هون عليك فكل ما دون الجنة دون ) مهما كان ال حصل ايه الخسارة خسرت الجنه ؟ لا .... الحمد لله اتصرف برفق بقى مفيش حاجه تستاهل تضيع وقتك فيها * فكر نفسك بالامراض ال بتيجي من ورا العصبيه ارتفاع ضغط الدم القلب الجلطات المفاجئة * اول ما حاجه تحصل قدامك وقلت الاذكار ال قلناها فوق دي حاول بقى تطفي الغضب بالماء الساقع اتوضى او اشرب ميه ساقعه او اغسل وشك بمية ساقعه لانه بيطفئ الغضب والفوران ال بيكون في الجسم ساعه الغضب * قل اللهم صب علي الصبر والهدوء صبا انصحك لو مفيش سيولة في الدم تعمل حجامه
تم النشر الخميس، ١٢ يناير ٢٠٢٣
تذكر. قول الله تعالى (وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ)
تم النشر الخميس، ١٢ يناير ٢٠٢٣
دايما فكر قبل ما ترد، لازم. انت بعقلك تمسك اعصابك
تم النشر الأربعاء، ١١ يناير ٢٠٢٣
اول حاجه قبل متفسر بسبب عصبيتك وعندك حق فيها ولا لا انت محتاج تقلل منها عشان نفسك عشان علاقاتك بالناس عشان صحتك كمان وممكن تتعامل بالتنفس العميق طول منت قاعد لوحدك خد نفس عميق بهدوء وخرجه بهدوء وفي تفاعلك مع الناس عد لعشره قبل مترد لانك اوقات كتير بيبقا عندك حق بس عصبيتك ممكن تضيع حقك تماما فلازم تعمل فتره بين الفعل ورد الفعل تعد لعشره وتاخد نفس عميق وترد وترتب الناس طبقات من الاعلى للأقل يعني مين الي ينفع تنفعل معاه بندفاع ومين لازم احاسب على كل كلمه عشان الشخص ده ابويا دي امي ده مديري في الشغل وممكن اتحول للتحقيق مثلا وفي كل مره بتنفعل وتتعصب سجلها واعمل خريطه للعواقب الي نتجت عن عصبيتك وانفعالك خسرت ايه وكسبت ايه وهل فعلا الموقف ده بالذات انت كان لازم تتعصب فيه وهكذا وخلي معاك مثلا استك ف ايدك ع طول كل متحس انك هتنفعل شده وحس بلسعته لانه اوقات كتير عصبيتنا بيكون ليها واقع مؤلم على الناس ف هتفكر ميت مره قبل متحسسهم بالألم ده
تم النشر الخميس، ١٢ يناير ٢٠٢٣
لعرض السؤال في فدني اضغط هنا