يوجد شريك حياة غير متعاون ولا يريد أن يصلح من نفسه ومتعنت و تعبت من كتر الصبر عليه الغير مجدي ومش عارف اعمل ايه معه ومن فقدان الأمل فيه خلصت إلي فكرة الانفصال بعد كتر تفكير مع ان عارف ان حد هيتضرر الأولاد بس أنا شايف أنهم برضو مفيش استقرار نفسي عائلي موجود حالا وبالنسبه لأهلها غير موجودين ولا فاعلين
هل من حل للمشكلة دى
السلام عليكم ورحمه الله اهل وسهلا بك الحياه الزوجيه معجزه من الله سبحانه و تعالي، يجمع بين اتنين من أسر مختلفه بعادات مختلفه ثم يتجمعوا في بيت واحد و يكونوا يد واحده و تكون أقرب له من اي حد و هو كذلك. انهاء العلاقه و الوصول للطلاق دا أمر في غايه الصعوبه سواء عليك كزوج و علي زوجتك و علي اولادك، حضرتك هتتحرم من انك تصحي الصبح تشوف اولادك و تفطر معاهم انك تعيش حياه طبيعيه، و اولادك و كلكم هتكونوا خسرتوا مع العلم ممكن تعدوا المحنه اللي انتم فيها و تكملوا. ✴️ اتكلم معاها و اسمع وجهه نظرها ربما تكون علي صواب، الستات بتحب و بتستجيب بالعاطفه و الحب و الآمان دول اهم شئ ، كلمه حلوه ، هديه حلوه حتي لو ورده و انت راجع من الشغل، بلاش انتقاد ليها أمام الاولاد، مشاكلكم تبقي مع بعض ف اوضه محدش من الأولاد يسمع، شوف ايه العائق في ان العلاقه تستمر هل بتتخانقوا بسبب انها مصرفه ؟ هل مبتسمعيش كلامك؟ هل محتاج منها تقدير لمجهودك؟ 🔹جربتوا تقعدوا مع بعض و تقولها عارفه ايه اكتر ٣ حاجات بحبها ؟ و ايه اكتر ٣ حاجات بضايق منها؟ تسألها ايه اللي بحبه في وقت فراغي؟ هتبدأ هي كمان تقولك طيب انتي عارف ايه اكتر ٣ حاجات بحبها و من هنا ممكن تتعرفوا علي بعض لو مكنتش عارفين بعض بشكل كبير ، من هنا تقدر تقول ليها رسائل غير مباشره عن المطلوب منها. 🔹 و من غير تحيز للستات و لكن الست المصريه علي عاتقها مسؤوليات كثيره, هل حضرتك بتساعدها في أمور الخاصه بالاولاد و مسؤوليه البيت و تشاركها المصاريف و تمارين الاولاد و هذه الأمور اللي هي جزء كبير منها بسبب مشاكل في بيوت كتيره. ✴️ لو حضرتك عملت كل حاجه تقدر تعملها، فأنصحك للذهاب الي معالج زواجي لحل هذه المشكلهو ترجعوا احسن من الاول. 🔹الاسره و البيت نعمه من الله كبيره ، اسأل الله أن يديمها عليكم. تحياتي 💐
تم النشر السبت، ٢٩ يونيو ٢٠٢٤
ممكن يكون في اختلاف في تعريف التعاون بين الطرفين وكل واحد شايف التعاون بمنظوره هو فقط، تغيير العادات والسلوكيات بتحتاج مساحة كبيرة من التفاهم والتشجيع بدون احباطات ولازم تتم عن طريق توفير مساحة امنة للصداقة قبل كل شيء .... العلاقات بتحتاج مجهود مستمر ربنا يصلح لكم الحال
تم النشر الاثنين، ١ يوليو ٢٠٢٤
آه، أفهم تمامًا مدى صعوبة الموقف اللي انت فيه. الحياة مع شريك متعنت وغير متعاون بتكون صعبة على النفسية وتؤثر على السلام العائلي. خليني أساعدك ببعض النصائح: حوار صادق وجدي : حاول تجلس مع شريك حياتك وتتكلم بصراحة وهدوء عن مشاعرك ومخاوفك. اشرح له كيف بتأثر تصرفاته على حياتكم وأولادكم. بعض الأحيان الناس ما بيدركوش قد إيه تصرفاتهم بتأثر على اللي حواليهم. استشارة مختص : الزوجين ممكن يستفيدوا من مشورة زوجية. وجود طرف ثالث محايد ممكن يساعد في فتح الحوار بشكل أفضل وموضوعي. تحديد الأولويات : اعرف ايه هو الحاجات اللي ما تقدرش تتنازل عنها والأمور اللي ممكن تلقى فيها حل وسط. يمكن تكون فيه نقاط ممكن تتوصلوا فيها لاتفاق. دعم نفسي : فكر برضه في نفسك. لو الوضع بيأثر على صحتك النفسية، ممكن تستعين بمعالج نفسي يساعدك. الحالة النفسية السليمة هتساعدك تفكر بهدوء وتتخذ قرارات أفضل. الأولاد : دايمًا الأولاد مهمين جدًا، ولكن تراكم المشاكل بيكون ليه أثر سلبي عليهم برضه. اتأكد إنك بتوفر لهم بيئة صحية ومستقرة قدر الإمكان. الخيار الأخير : إذا حقيقي جربت كل الحلول ومافيش تقدم، فكّر في الانفصال بصفته حل مش بديل فاشل. أحيانا بيكون هو الأنسب للجميع. دايما تذكر انك لازم تهتم بصحتك النفسية وانتبه لأولادك، واخد القرار مش لازم يكون مستعجل، خده بتمعن بعد المحاولة الجادة في إصلاح الوضع. لو عايز تناقش أكتر بأي نقطة أو عندك أسئلة إضافية، أنا هنا لمساعدتك.
تم النشر الجمعة، ٢٨ يونيو ٢٠٢٤
لعرض السؤال في فدني اضغط هنا