انا مليش حد الا ربنا وبس
طول عمري عندي الاحساس ده مع اهلي مع زميلاتي وصحباتي اللي مفضلش منهم حد خالص علي مدار السنين معرفتش اكسب حد كويس ولا حد عرف يقرب مني ويحبني زي ما انا بعترف انها غلطتي انا
بس طول عمري عند شعور بعدم وجود حب الا ف خيالي عمري ما حسيت بالحب بجد من ام ولا اب ولا اخوات ولا اصحاب ولا حتي ف جوازي مبكونش عارفة السبب مني ولا منهم بس اللي اعرفوا ان قلبي مكسور وتعبانة بس مكملة ف الحياة بسبب حاجة واحدة بنتي الوحيدة ع قد ما هي مغلباني ومعصباني بس هي اهم والحاجة الوحيدة ف حياتي
بس اوقات كتير بخاف وبحس انها هتكبر ومش هتفضل متعلقة فيا بقيت اخاف اني احبها هي كمان ومتحبنيش او تروح مني زي اي حاجة بحبها وخسرتها اوقات بحس اني عايزة اخدها هي بس وابعد عن كل الناس ونكون لوحدنا انا وهي بس عارفة ان الحياة مش كده انا حياتي صعبة حتي لو غيري مش شايف كده علشان مفيش حد عمره حس بيا بس انا راضية او بحاول وكل اللي بتمناه ان ربنا يرضي عني وينور بصيرتي ويحفظلي بنتي ويصلح حالي ويجبر كسر قلبي ويعوضني يارب
السلام عليكم ورحمه الله وبركاته. اعتقد ان انا استنتجت ممكن تكون المشكله فين من وسط كلامك كده ممكن تكوني مقدرتيش تحافظي على علاقاتك او شايفه ان هم بيحبونيش لان انت عندك معنى واحد للحب او مش بتشوف الحب غير من منظور واحد بس وهو ان احنا نبقى. متعلقين ببعض قوي قوي قوي وما نقدرش نسيب بعض وما نقدرش نعمل حاجه من غير بعض. انت ممكن تكوني مش شايفه الحب غير كده وممكن تكوني انت حاسه تجاههم كده بس لما لقيتيهم هم مش بيبادلوكي بنفس الطريقه فرحتي منسحبه بشكل تدري فلقيتي نفسك المحصله في الاخر انك محدش بيحبك. هنقول ان دي كده فكره غلط مترسخه جواكي وهي السبب في كل افعالك من بره لان احنا مخنا بيشتغل على حسب القماشه اللي هنديهاله احنا ادينا له قماشه بتقول انه هو ده الحب فهو كل الافعال اللي هيطلعها من بره هي رفض لاي حاجه هي مش شبه المعنى اللي عنده ده. بتخافي على بنتك لنفس السبب لانك انت متعلقه بيها وخايفه ان تبدا هي ما تكونش مربوطه بيكي بحكمنا هتكبر هتتجوز هتبدا عادي جدا لانها ما تقعدش مع ماما عادي انها ما تحكيش لماما وتحكي لصحابها وده بالنسبه لك مصدر تهديد. لانك برضه رابطه الحياه كلها جوه المعنى ده انه لو انا مش عايشه الحاله دي فانا كده فقدت الحياه وفقدت طعم الحياه ومعنى الحياه كل دي افكار محتاجه تغيريها علشان تحسي بالحب وعلشان تشعري بكل اشكال الحب اللي كل اللي حواليكي بيقدموها لك ايه اللي هيخلي صحابك يتصلوا بيكي ويكلموك ايه الله يخلوهم يقعدوا معاكي ويسمعوك ايه اللي هيخليهم لما يكونوا بيرتبوا الخروجه يقولوا لك تعالي معنا الى يخليهم يعملوا كده صدقيني مفيش حاجه بتخلي البني ادمين يتواصلوا مع بعض. ويقربوا من بعض بشكل او باخر حتى ولو بمكالمه تليفون حتى ولو برساله غير علشان في مشاعر طيبه وكلها هي شكل من اشكال الحب. فتحي عينك شويه. بلاش المنظار الضيق اللي انت بتبصي منه شوفي الحياه بائعين واسعه عشان تقدري تشوفي كل اشكال الحب تخيلي لو احنا استخدمنا المنظار بتاعك ده وما شفناش حب ربنا لينا غير من نعمه واحده من النعمه.
تم النشر السبت، ١٢ أكتوبر ٢٠٢٤
أختي الكريمة، أشعر بمعاناتك وبالألم الذي تحملينه في قلبك. من الواضح أنك تمرين بفترة صعبة وشعور بالفقدان والوحدة. من المهم أن تعرفي أن مشاعرك تتطلب التقدير، وأنه ليس من السهل أن تعيشين بمثل هذه الضغوط. أولاً، يجب أن تتذكري أن الحب ليس حكراً على أشخاص معينين؛ قد تجدينه في أماكن غير متوقعة، وقد يظهر بطرق مختلفة. وجود ابنتك في حياتك هو نعمة عظيمة، ومن الرائع أنك تبحثين عن مصلحتها وسعادتها. قد يكون اختيارك للابتعاد عن الآخرين أو الإحساس بالخوف من فقدانهم ناتجًا عن تجارب سابقة، لكن تذكري أن العلاقات الإنسانية تتطلب الثقة والتواصل. حاولي أن تفتحي قلبك للناس من حولك، حتى لو كان ذلك صعبًا في البداية. يمكن أن تساعدك المشاركة في الأنشطة الاجتماعية أو الانضمام إلى مجموعات محلية في بناء علاقات جديدة. أما بالنسبة لمخاوفك بشأن ابنتك، فمن الطبيعي أن تشعري بالقلق، لكن احرصي على أن تبني علاقة صحية معها قائمة على الحب والتفاهم. غالبًا ما يكون التواصل المفتوح هو المفتاح لبناء علاقة قوية ومستدامة. في النهاية، تواصلي مع ربك بالدعاء وكوني دائمًا متفائلة. قد تكون الحياة صعبة الآن، لكن بالإيمان والصبر، يمكن أن تتغير الأمور للأفضل. تذكري دائمًا أنك لست وحدك، وأن الدعم من الله هو الأقوى. أسأل الله أن يفرج همك ويجبر كسرك ويرزقك السعادة والسلام.
تم النشر السبت، ١٢ أكتوبر ٢٠٢٤
يا اختي هذه الدنيا دار ابتلاءات ممكن ابتلاءك يكون هو ده عارفة انو صعب جدا الاحساس ده و مش كلام اللي يوصفه لكن نصيحتي الوحيدة ليكي تلتزمي بقيام الليل و تدعي بكل اللي في قلبك لربنا و لله راحة و الدعاء ساعتها سبحان الله يشقلب الحياة كلها عن تجربة ربنا يحفظ بنتك ليكي و يفرح قلبك بيها و تشوفيها في اعلى المراتب و يألف بين قلوبكم و يرزقك السكينة و راحة البال
تم النشر الأحد، ١٣ أكتوبر ٢٠٢٤
طول عمرك عندك احساس انك مفيش حد بيحبك ومحدش عايز يقرب منك لان انتى كويسه جداا ف اكيد اى حد قرب منك مكنش شبهك عشان كدا ربنا بعدو عنك وبنسبه لى الأهل اكيد انتى بعيده عنهم شويه لو قربتى اووى من امك او ابوكى هتكتشفى أنهم بيحبوكى فوق الحب حب لو فكرتى لحظه واحده هتكتشفى أن فعلا اى حد قرب منك مكنش يستاهلك ولا ينفع انو يعرفك لان انتى احسن من اى حد ف الدنياا
تم النشر السبت، ١٢ أكتوبر ٢٠٢٤
بصي حتى لو كان حواليكى ناس محدش فاضي لحد بجد والله واعتبرينى صديقتك
تم النشر السبت، ١٢ أكتوبر ٢٠٢٤
لعرض السؤال في فدني اضغط هنا