ازاي مفقدش شغفي بسرعه؟ عشان كل ما أبدأ في أي حاجه جديده بكل بسرعه جدا وبرجع تاني لنقطه الصفر
السلام عليكم، الحل هو إنك تعرفي إن الاعتماد على الشغف فقط أكبر خطأ. الشغف عمره قصير وبيتأثر بسرعة بحالتك المزاجية وبينطفئ فور وصولنا لمرحلة الاكتفاء أو الملل من الشيء اللي بدأنا فيه. الشغف وحده لا يكفي، ممكن تقولي هو الشرارة اللي بتبدأي بها لكن لازم وقود عشان تقدري تكملي والوقود ده هو الاستمرارية وحس المسؤولية. إنك ترسمي الطريق لهدفك وتنمي حس المسؤولية تجاه نفسك وإنها مسؤولة تمشي الخطوات اللي رسمتِها، كل يوم خطوة مهما كانت صغيرة لحد ما توصلي. ** لو بدأت تمشي ناحية هدفك مدفوعة بالشغف بس هتلاقي نفسك، بتملي أو بتبصي على الهدف الكبير وتحسي قد إيه بعيد أو صعب أو مش قادرة توصلي له بسرعة فتبدأي تسوفي وتملي وفي الآخر توقفي. ** دي شوية نصائح سريعة أرجو تفيدك جربي تشوفي فيديوهات عن طرق وضع أهداف ذكية عشان تساعدك لما تحددي أهدافك وترسمي الخطوات لها. هاتي ورق وقلم وفرغي كل أفكارك وأهدافك والحاجات اللي بتخططي تتعلميها، لغة أو عادة أو سلوك عاوزة تتخلصي منه... فرغي كل ده على الورق عشان ذهنك يصفى. بعد كده ابدأي حددي الأولويات، مينفعش تشتغلي على كل ده في نفس الوقت عشان ده كمان من أسباب انطفاء الشغف والملل من متابعة الأهداف. حددي أكتر هدف أو اتنين مهمين تشتغلي عليهم وقسمي الوقت المتاح واعملي خطة مرنة يكون فيها فترات راحة. برمجي عقلك إن أي حاجة بتتعلميها وأي تغيير في حياتك بيتطلب وقت فلازم تصبري لحد ما تشوفي النتيجة اللي بتسعي لها. اعملي محطات في خطتك وكافئ نفسك عند كل محطة، يعني قررتِ تتعلمي لغة ففي خطتك مثلا أول محطة تكوني أنجزتِ القدر الفلاني من الدروس فتكافئي نفسك بحاجة بتحبيها، ده من الحاجات اللي بتحمسك إنك تكملي وإحساس الإنجاز نفسه هيعطيكِ ثقة في نفسك. اكتبي هدفك وخليه قُصاد عينك وحددي نيتك من الهدف ده والسبب، ده كمان بيخلي الدافع موجود قُصادك دايما ويفكرك كل ما حسيتِ بملل أو انطفاء. إن شاء الله بالتوفيق.
تم النشر الثلاثاء، ١١ مارس ٢٠٢٥
فقدان الشغف هو شعور يمكن أن يواجهه الكثيرون عند البدء في مشاريع جديدة أو تجارب مختلفة. هناك بعض الخطوات التي يمكنك اتخاذها للحفاظ على شغفك وتحفيز نفسك للاستمرار: تحديد الأهداف الواقعية : حدد أهدافاً صغيرة وقابلة للتحقيق بدلاً من أهداف ضخمة. هذا سيساعدك على الشعور بالتقدم والتشجيع. إيجاد السبب وراء ما تفعله : حاول أن تعثر على الشغف الحقيقي وراء مشروعك. ما الذي يجعلك تشعر بالسعادة؟ كيف سيساهم ذلك في تطورك الشخصي؟ التنويع وتغيير الروتين : إذا شعرت بالملل، جرب إضافة عناصر جديدة أو تغييرات مشابهة في عملك. قد يساعدك هذا في تجديد الحماسة. البحث عن الدعم : تحدث مع أصدقائك أو انضم إلى مجتمعات تشارك اهتماماتك. دعم الآخرين يمكن أن يحفزك لاستمرار. التأمل في الماضي : قد تود أن تلقي نظرة على الأنشطة التي قمت بها سابقاً والتي كنت متحمساً لها. فكر في الأسباب التي أدت لفقدان الحماس وكيف يمكنك تجنب ذلك الآن. استمر في اتخاذ خطوات صغيرة وثابتة نحو أهدافك، ولا تنسى أن الشغف يمكن أن يأتي ويذهب، ولكن المثابرة والتصميم يمكن أن يساعدانك في الوصول إلى ما تريده.
تم النشر الثلاثاء، ١١ مارس ٢٠٢٥
السلام عليكم الشغف دا كدبه كبيره مافيش حاجه ممكن تحققيها في حياتك بالشغف لإن الشغف بيروح وييجي لاكن علشان تحققي فعلا تقدم في حياتك لازم الاستمراريه مهما كانت الظراف سواء عندك شغف أو لا لازم تحطي لنفسك قدر تخلصيها في يومك مع الوقت هتتعودي لاكن لو إستنيتي الشغف ييجي يبقا مش هتحققي حاجه.
تم النشر الخميس، ١٣ مارس ٢٠٢٥
ممكن تتخيلي نفسك وانتي محققة الهدف واللي حواليكي فرحانين بيكي وحطي الهدف قدامك علطول علشان كل ما تنسيه الشغف يرجع تاني الموضوع يبدو صعب لكن حاولي وانتي هتقدرى لو فشلتي جربي تاني لحد ما الهدف يكتمل واستعيني بالله وانتي هتلاقي الهدف اللي انتي بتسوي يتحقق بيتحقق فعلا
تم النشر الأربعاء، ١٢ مارس ٢٠٢٥
حطى الهدف قدامك وانتى مش هتفقدى الشغف
تم النشر الثلاثاء، ١١ مارس ٢٠٢٥
لعرض السؤال في فدني اضغط هنا