سؤال للنقاش
ما هو الحب من وجهة نظرك؟ وازاي الواحد يكتشف انه في حاله حب؟
ان الدنيا فجاه تنور كده وفجاه تحبي نفسك زياده وتحسي انك مبسوطه دايما بوجود الشخص ده قلبك يدق لما تشوفيه او تسمعي صوته تبدأى تهتمي بحاجات عمرعا مكانت من اهتمامات السرحان دايما سمعان الاغاني الرومانسيه بعمق كده الحب شى جميل ولاجمل انه يكون مع الشخص الصح
تم النشر الجمعة، ٢٧ سبتمبر ٢٠٢٤
الحب دا علاقه بتحسي انك فجاه كل حاجه فيكي اتغيرت ومركزه مع شخص هو محور حياتك حرفيا وبتعملي حاجات بدون مقابل لسبب أن الطرف التاني يكون مبسوط انت نفسك مبتقاش فاهم انت مالك واي الي بتعمله دا والشخص الي بتحبه دا مهما يعمل فيك بتحس أنه بردو متقدرش تبعد عنه والحب دا حاجه جميله اوي بس لو مع شخص صح والحب مش الو حبيني واحبك بالعكس حاجات اكبر من كدا بكتير الي هو خلاص الشخص دا زي ابوك وامك مهما عمل مستحيل تعيش من غيره
تم النشر الأربعاء، ٢٥ سبتمبر ٢٠٢٤
الحب بالنسبالي ان واحد ييجي يخبط على الباب ويقعد مع ماما وبابا، وماما وبابا يقولولي هو دا فأوافق عشان بأثق فيهم وممكن ما اوافقش مش عارفة😌 وهو بقا يكون محترم جدا ويحافظ عليا ويلتزم بالشرع كله في فترة الخطوبة عشان خايف من ربنا وانا برده ألتزم بيه. بس هو دا الحب بالنسبالي. أي حاجة غير كدا بتضايقني، وحتى لو باحترم الشخص ودخل كلمني (بدون ضرورة، دراسة او شغل) مابردش عليه وبيقل من نظري وتكة كمان ومش هشوفه قدامي حتى لو كنت شايفاه حاجة كبيرة قبل مايكلمني
تم النشر الأربعاء، ٢٥ سبتمبر ٢٠٢٤
الحب شعور جميل صعب انك توصفي كم المشاعر الجميله دي في كام كلمه ، الحب أمان وتفاهم وانجذاب في البدايه بعدين بياخد مسار الحب ، الحب ثقه وتبادل مشاعر وتفاهم تام من الطرفين الحب الحقيقي اللي في حياتنا بيخلينا مبسوطين وقادرين نكمل من غير خوف الحب أفعال قبل م يكون كلام ، مش كلنا بنلاقي الحب الحقيقي في حياتنا بس المحظوظين ، الحب حياه لأنك بتكني كم كبير من مشاعر جميله لشخص مميزاه عن الكل ، الحب أن تري قدرك في عين محبك تجد فعله يسبق قوله الحب أمان واطمئنان وصعب اوصفهلك في كلمه او بيت شعر ، ومش شرط الحب حب شريك الحياه بس لا فيه حب اهلنا وصحابنا ازاي بقي نكتشف أننا في حاله حب بتكوني حابه تشوفي الشخص دا في كل الأوقات ، مش بتحسي بالملل في وجوده دا العين كمان بتلمع لما بنحب، والوش بيبقي مبسوط والقلب فرحان، والأهم من الحب هو اختيار الشخص الصح الشعور بالغيرة ، ان المحب علي من يحب غيور ب اختصار بياخد جزء كبير من تفكيرك عليه
تم النشر الأربعاء، ٢٥ سبتمبر ٢٠٢٤
الحب يختلف الاحساس به على حسب المرحلة العمرية للانسان وعلى حسب درجة وعى الانسان ودرجة نضجة فى مرحلة الطفولة يكون الحب هو ان يغرقك احدهم باللطف والحنان ويعطيكى كل ما سألتى فى مرحلة سن من 15 الى 20 هيكون التفكير والانجذاب ناحية شخص كأن الدنيا كلها بقت هو وانتظار كلمات الغزل والشوق والتعبير المبالغ فيه المستمر فى مرحلة القرب من التلاتين هيكون الاحترام والامان والتفاهم والمسئولية هو ده الحب ( افعال لا اقوال)
تم النشر الثلاثاء، ٢٤ سبتمبر ٢٠٢٤
الحب هو شعور عميق ومعقد يتجاوز مجرد الانجذاب الجسدي أو العاطفي. إنه حالة من التعلق العاطفي لشخص آخر، ويمتد ليتضمن التعاطف والدعم والرغبة في مشاركة الحياة والمستقبل مع ذلك الشخص. يمكن أن يظهر الحب بعدة طرق، منها: الرعاية والاهتمام : الشعور بالاهتمام بسعادة وراحة الشخص الآخر والعمل على توفير ذلك. الارتباط العاطفي : الإحساس بأنك تشعر بالراحة والأمان عند التواجد مع هذا الشخص، وأنك تستطيع أن تكون على طبيعتك. التواصل : الرغبة في التحدث ومشاركة الأفكار والمشاعر، مما يعزز العلاقة. الدعم المتبادل : الاستعداد لمساعدة الآخر في الأوقات الصعبة والاحتفال معه في الأوقات السعيدة. للكشف عن حالتك في الحب، يمكن أن تستمعين إلى مشاعرك الخاصة. إذا كنت تجدين نفسك تفكرين في شخص معين بشكل مستمر، أو تشعرين بالسعادة عند وجوده، أو تتمنين له الخير دائما، فقد تكون هذه علامات على أنك في حالة حب. من المهم أن تكوني صادقة مع نفسك، وأن تأخذي الوقت الكافي لفهم مشاعرك ورغباتك. فالحب يحتاج إلى الوقت والنمو لتزدهر علاقته.
تم النشر الثلاثاء، ٢٤ سبتمبر ٢٠٢٤
انتي عملتي الصح طالما كل الظروف مكانتش مناسبه يبقي كان فعلا لازم تنهي الموضوع وربنا يعوضك خير ان شاء 💗
تم النشر الثلاثاء، ١ أكتوبر ٢٠٢٤
هو حاول يتواصل معايا اكتر من مرة بس اصلا كان اصغر من انه يتقدم و هو ماكنش عنده مانع اننا منتكلمش بس يعرف اني بحبه وانا رفضت ده لانه اصلا بابا مبيحبش اهله فطبعا دي مشكلة وكمان انا كنت اعرفه من لما كنا صغيرين وكان لازم ابعده عني بأي طريقة اه ممكن يكون اتوجع بس انا قولت مع الوقت هيلاقي حد تاني احسن وبعدين ده كمان كان صعب عليا بس ده كان لازم يحصل لانه كان متمسك بالموضوع لأقصى درجة
تم النشر الثلاثاء، ١ أكتوبر ٢٠٢٤
انا حبيت شخص ولما قالي قولتله اني بكرهه طبعا لأن حرام اقوله حاجة زي كدة بس انا كنت دايما ببقى عارفة اني هاشوفه قبل ما اشوفه لأني كنت بحس ان فيه زي كهربا في قلبي وكنت باعرف من ريحته و دايما باحلم بيه وبردد اسمه اكتر مما بتنفس بس ما كنتش ارفع وشي في وشه ابدا وعلى الرغم ان قلبي بيدق بسرعة اوي امشي من جنبه ولا كأنه موجود
تم النشر الأحد، ٢٩ سبتمبر ٢٠٢٤
بصي هي فكره انك قولتي ليه انك بتكرهيه دي جامده اوي واكيد وجعته انتي كان ممكن طالما انتي كمان بتحبيه تقوليله لو عايزك يجي يتقدم لكن علاقه محرمه اكيد لا
تم النشر الأحد، ٢٩ سبتمبر ٢٠٢٤
لعرض السؤال في فدني اضغط هنا