السلام عليكم
دلوقتي انا شغالة سكرتيرة ف مركز علاج طبيعي ولكن انا شغالة مع الدكتور صاحب المركز ولكن تبع المستشفى باخد الراتب بتاعي من هناك يعني و بورد الفلوس هناك اخر كل يوم وبقالي 6 شهور
المهم الدكتور صاحب المركز قالي هيحصل مشكله معاه ومع المستشفى دي قالي هتروحي تقوليلهم الدكتور مشاني وقالي مش عاوزك ف انا المفروض اعمل اي قالي شوفي هيقولولك اي لو قالولك اشتغلي اي حاجة ف المستشفى وعجبتك خلاص كملي واشتغلي هناك لو معجبتكيش قوليلهم مش عجباني وتعالي كملي شغل معايا ومش هيبقى ليكي علاقة بيهم خالص هكون شغالة معاه هو يعني مستقلة عنهم تماما هو بيقولي انه هيعمل كده عشان متفق معاهم ع حاجات بس هما م نفذوش الي اتفقوا عليه.. فقالي انا هعمل الحركة دي عشان أأدبهم وييجو يقعدوا معايا وقالي هجيب واحد مكانك ف الفترة دي وفعلا جاب واحد النهاردة وقالي فهميه شغلك وفهمته...
الموضوع دا هيحصل المفروض يوم السبت هييجي المحاسب ويقولي روحي ومش عايزينك وانا هروح اقولهم كده وفي حاجة كمان قالي ان الشاب الي هو جابه دا هيستقر معانا ع طول معرفش ليه بس هو قالي كده
والصراحة انا حاسة ان في حاجة غلط بتحصل حاسة ان الدكتور عايز يمشيني مع اني والله معملتش حاجة والي مخليني شاكة انه جاب واحد بس برده هو قالي انه عايزني معاه ف الشغل وقالي مش هسيبك وانتي ملزومة مني ف انا مش عارفة اعمل اي اسيب الشغل خالص ولا اسمع كلامه ولا اعمل اي وانا والله مش من النوع الي يتحمل مشاكل ولا حاجة انا قلبي ضعيف جدا وبزعل من اي حاجة ومش بستحمل ف حد يفيدني بالله
وعليكم السلام. عزيزتي، أقدر مشاعرك وقلقك من الوضع الحالي. من الواضح أنك تمرين بوقت صعب بسبب عدم اليقين في العمل والعلاقة مع صاحب العمل. أولاً، من المهم أن تتأكدي من موقفك وعلاقتك مع الدكتور والمستشفى. إذا كان الدكتور صادقًا في كلامه بأنك ستظل معه، فهذا قد يكون مطمئنًا. لكن يجب أن تكون لديك خطة احتياطية في حال حدث ما لا تحبينه. يمكنك تنفيذ الخطوات التالية: تحديد موقفك : تأكدي من أنك قد وضعت خطة واضحة لنفسك. إذا جاء المحاسب وأخبرك أنك لست مطلوبة، اسألي عن الأسباب بشكل مباشر، وتأكدي من جميع التفاصيل. التواصل مع الدكتور : تحدثي مع الدكتور بشكل صريح حول مخاوفك. عبري له عن مشاعرك بوضوح، واطلبي توضيح أكثر حول الوضع ومستقبلك في العمل. احترمي نفسك وقراراتك : إذا شعرت بعدم الأمان أو وجود أي مشاكل، يمكنك التفكير في البحث عن فرص عمل أخرى. الأمان الوظيفي مهم، ولا يجب أن تتعاملي مع بيئات عمل غير مريحة. التفكير في المستقبل : إذا قررت الاستمرار، حاولي أن تكوني مستعدة لأي تغييرات قد تحدث، مثل البدء في تطوير مهارات جديدة أو البحث عن فرص عمل بديلة. ابحثي عن الدعم : تحدثي مع صديقاتك أو عائلتك حول مشاعرك. قد يكون الدعم العاطفي من الأصدقاء أو العائلة مفيدًا في تخفيف القلق. استمعي لحدسك، وتذكري أنك تستحقين بيئة عمل تدعمك وتقدرك. فالكثير من المشاعر أمر طبيعي، وعليك أن تأخذي وقتك في اتخاذ القرار الصحيح لك. حفظك الله ورزقك الصبر والتوفيق.
تم النشر الخميس، ١٠ أكتوبر ٢٠٢٤
الاحسن انك تقولي للمستشفي علي كل الا حصل + الجديد الأ جه مكانك اوعي تكوني عملتيه كل حاجه لانك بكده جبتي بديل مكانك وممكن الشخص الا حابه ده يكون قريبه ف الاحسن أنك تقولي للمشفي علي كل الا حصل حتي لو هتسيبي الشغل ،
تم النشر الجمعة، ١١ أكتوبر ٢٠٢٤
وعليكم السلام ورحمه الله وبركاته بصي الوضع اللي انت بتتكلمي فيه ده هنا يعني توقف عن كثير انت تعرفي الدكتور ده يعني اصلا انت في الاساس تبع المستشفى تمام فانت ثقتك في المستشفى هتكون اكبر وعموما يعني طالما ده عمل خاص يعني دي مش مستشفى حكومي او مستشفى خاص فهو مش هيفرقه عن بعض حاجه يعني. انت لسه ما تعرفيهوش ما تعرفيش هل ممكن يكون كلامه صادق ولا لا بس عموم اللي تقدري تعمليه خلاص لان هو كده كده هينفذ المخطط اللي هو بيقول يعني انت لو قلت له انا مش هعمل كده مش هقول لك خلاص خليكي قاعده في الشغل هو هتلاقيه كده كده بيعمل نفس الموضوع فانت؟ توكلي على الله ونشوفي الموضوع يمشي معك ازاي روحي قولي لهم هو جاب حد ثاني وما ادانيش اسباب ما تقوليش ان هو مشاكل ما تخترعيش اي سبب ولو هو قال اي سبب انه قال ان انت مش كويسه في الشغل او حاجه ده بقى اللي ما تقبليش بيه لو عرفتي حاجه زي كده قولي انا يعني حضرتك كنت ممكن تقول انه انا بس جبت حد ثاني مكانها لكن ما تقولش ان انا شغلي مش كويس لان ده اكيد هياثر عليا في المستشفى لو هما محبوش ان هو يعني شافوا ان انا كده خلاص مش هيحطوني في شغل تاني شوفي المستشفى هيكون وتصرف منهم ازاي لو المستشفى ما لقيتيش جواها بديل شغل ثاني تشتغليه وحبيتي انك تروحي تشتغلي مع الدكتور ده ما تقوليش للمستشفى ان انت هتسيبي الشغل معاكم وروحي جربي معايا. خذي مثلا اجازه من المستشفى تمام بس انا محتاجه اخذ اجازه خدي اجازه منهم وروحي شوفي اذا كان الوضع فعلا زي ما هو بيقول هيكون كويس ولا لا وده هيقدر يحدد لك حاجات كثيره جدا جدا لو هو كان فعلا انسان صادق والشغل معاه كويس وانت مرتاحه في الشغل معاه وهو ممم مش هيخلي بالتزامه معاكي هيديكي تقريبا نفس الراتب او اكثر منه ده يبقى شاف كويس هيتعامل معاكي بتعامل كويس ولا لا لانه كان ممكن يكون بيتعامل معاكي كويس لانه قدام المستشفى لكن لما يكون الموضوع خاص بيه لوحده ممكن تلاقيه عمله واختلف في كل الحاجات دي محتاجه ان احنا نشوف على ارض الواقع. فده اللي انا هنصحك بيه؟ هو هينفذ اللي هو قاله انت روحي المستشفى وقولي دلوقتي الدكتور جاب حد ثاني يشغله قال لي ان انا ارجع المستشفى فانا رجعت دلوقتي انا هيكون وضعي ايه شوفي المستشفى هيكون ردهم عليك ايه وتقولوا لك ايه الوضع عرضوا عليك شغل ثاني وكان بالنسبه لك مناسب تمام. حسيت ان انت عايزه تشوفي الوضع عند الدكتور قولي لهم انا محتاجه اجازه خذي اجازه وروحي جربي الوضع عند الدكتور وبعدين في الاخر الاختيار بتاعك انت وزي ما قلت لك يعني سواء كده او كده وفي الاخر الاثنين قطاع خاص الموضوع ما فيهوش ان حد هيبقى متمسك ليكي قوي يعني او مضمون رزق على الله.
تم النشر الجمعة، ١١ أكتوبر ٢٠٢٤
شوفي انتي عاوزه ايه لو عاوز يمشكي امشي بكرمتك
تم النشر الجمعة، ١١ أكتوبر ٢٠٢٤
لعرض السؤال في فدني اضغط هنا