انا اتقدملي شخص واترفض من اهلي ومعرفتش غير بعدها بفتره يعني حوالي شهرين كدا والشخص دا اصلا انا عارفاه وكنت معجبه بيه جدا من قبل ما ييجي ويتقدم بس هو ميعرفش بالاعجاب دا المهم هو بعت مرتين خلال الشهرين دول وانا معرفتش عنهم حاجة غير من حد من العيله من بعيد كمان مش من اهلي في البيت المهم انا الشخص دا من ساعه ما عرفت وهو في عقلي وتفكيري طول اليوم حرفيا مش بيجيب عن بالي ثانيه وتقريبا كدا بايته في بروفايله 😂 وبتخيل حياتي معاه وبفتكره في كل حاجة بتحصل في يومي انا مش عارفة اتخلص من الموضوع دا ازاي ومش عارفة ليه اهلي خبوا عليا وفي نفس الوقت مش هقدر اواجههم لانهم متشددين جدا في المواضيع اللي زي دي وهيفهموني غلط وكمان في نفس الوقت مش قادره ابطل تفكير فيه والموضوع تاعبني نفسياً
السلام عليكم. هو اللي انت عايزه تعمليه هو مش من الشخص قد ما هو من التخيلات. انت حطيتي نفسك في تخيلات ما كانش داعي خالص ما كانش في اي داعي انك تعمليها يعني الموضوع خلص من بره بره من بعيد وانت اللي رحتي شديتي الفكره والموضوع اول ما عرفتي وبداتي تحطي لها تفاصيل اخرى وتخليكي تتقلي الفكره فيبقى صعب انك تتخلصي منها ليه عملت كده؟ ليه بنعمل كده عموما؟ يعني ليه بنضيق الدنيا وهي الحمد لله؟ زعلتي زعلتي انه اهلك ما اعرفكيش ورفضوا من نفسهم وما خدوش رايك فاخذتي الدقيق ده والزعل ده ورحتي وجهتيه في اتجاه ثاني. ما كنتيش محتاجه تعملي ده مع صلحي الموضوع ده ضروري تقولي الفكره دي حتى لو بشكل غير مباشر عشان تعبري عن اللي انت حسيتي ممكن في قاعده عائليه وانتوا بتتكلموا وتحكي عن كانك بتحكي عن واحده صاحبتك بتقولي يعني في واحده صاحبتي حاجات ان هي اهلها رفض حد من بره بره وهي كانت شايفه ان ده شخص مناسب ويستغربت ان هم عملوا كده مثلا وعبري يعني اللي هو مش عارفه انا لو مكانها هتضايق ولا لا خدي رايهم انتم رايكم ايه في الموضوع ده كده يعني ممكن تفتحي الموضوع باي شكل من اشكاله انا بديكي مثال بس علشان بس انت تعبري عن ان دي حاجه تضايق لان هي دي الفكره انت عايزه تعبري عن ان ده هديه فرحتي وجهتيه باتجاه وقفي تخيلات هتبداي توقفي التعليق اللي انت علقتي نفسك بها الشخص ده وبصورته يعني حاجه تانيه مهمه انت ممكن تكوني شايفه ظاهره من الشخص ده مناسب لكن عارفين طلال الامر ما تيسرش فهو ما كانش فيه الخير لك مش مقدر ليكي يعني. لانه في حاجات بتكون. مش ظاهره قدامنا بيتعرف بعد وقت وبنعرف ساعتها ما كانش ده احسن حاجه لينا وربنا بيبقى عارف ده اكتر مننا لذلك الامور بتخلص على طول يعني. لو عايزه تعرفي اكتر عن كلمه هتلاقي بقى جوه الابليكيشن هنا. حاجات كتير بتتكلم عن التعلق وعن اللوجان وازاي نوقف تفكير في حد هتلاقي اسئله مشابهه كتير جدا اكتبي بس كده كلمه تعلق او هتلاقي حاجات كتير هتلاقي نصائح من ناس كتير جدا غيري كمان حلوه ومفيده يعني.
تم النشر الاثنين، ٢٤ يونيو ٢٠٢٤
فهمت مشاعرك كويس يا حبيبتي، واضح ان الموضوع تعبك جدًا. خليني اساعدك بخطوات مبدئية نتعامل مع الموقف ده: تقربي من نفسك : خدي شوية وقت تفكري في نفسك وتطوري ذاتك. احيانا بنشغل نفسنا بأفكار عن حد تاني وننسى نهتم بنفسنا. جربي حاجة جديدة، هواية بتجببيها، أو حتى رياضة. احكي لحد تثقي فيه : لو عندك صديقة قريبة أو حد من العيلة ممكن تتكلمي معاه من غير ما يحكم عليكي، ده هيساعدك تفضفضي وتخففي عن نفسك. تقبلي الوضع : يمكن يكون أهلك عندهم أسبابهم، حتى لو كانت ما بتعجبكيش. حاولي تفكري إن كل حاجة بتحصل لها حكمة وقدرك في النهاية خير، حتى لو مش باينة دلوقتي. اشتغلي على نفسك : خدي الدورة دي كفرصة تشتغلي على نفسك. حسني مهاراتك، ادرسي حاجة جديدة، اقرأي كتب، وهتلاقي تفكيرك بيبتدي يتغير. خففي التواصل والتحري : حاولي تقللي من متابعة بروفايله عشان ما تفضليش في الدايرة دي. ممكن يكون ده صعب في البداية، بس جربي تتدريجياً. مستقبل جديد : فكري في إنك تستحقي حد يكون معاك وفاهمك، وده ممكن يجي لما تتقبلي ان العلاقة دي مش هتحصل وتفتحي باب لفرص جديدة. فاكرة إنك إنسانة قوية وتستحقي السعادة، وحتى لو الموضوع صعب دلوقتي، الزمن بيشفي حاجات كتير. لو محتاجة أي حاجة تانية، أنا هنا دايماً اسمعك وادعمك.
تم النشر الأحد، ٢٣ يونيو ٢٠٢٤
لعرض السؤال في فدني اضغط هنا