هو انا ازاي اعرف شغفي انا تالته ثانوي ونفسي اعرف شغفي انا من وانا طفلة نفسي ادخل طب بس بردو نفسي اتعلم marketing وبيزنس وبرمجة بس مش عارفه ادرس ايه فيهم بحس أن هدفي تحديدا هو النجاح بس بردو عاوزة تتخصص في مجال معين
ادخلى اعرفى عن كل مجال شوية وشوفى ناس تكون بتتكلم عن المجال وتحدياته ممكن ده يساعدك تحددى اكتر . وعموما فى اى وقت تقدرى تدخلى المجال اللى تحبيه ...احنا فى عصر وزمن الموضوع ده فيه اسهل من اى وقت تانى.
تم النشر السبت، ١٨ فبراير ٢٠٢٣
هتفضل رحله البحث عن الشغف معاكي عمرك كله لازم من دلوقتي تمهدي نفسك علي أي تغير وتتقبلي كل فتره تغييرات ميولك وظروفك مش كل حاجه بنحبها بنبقي شاطرين فيها ومش كل ال شاطرين فيه لازم نحبه ده سن التجارب جربي وخدي نبذه واختاري دايما الكليه ال تعلمها محصور جواها مش متاح كورسات وأي مجال هتكتسبي منه الكفاءه بالكورس يبقي ملوش داعي جامعه إلا لو عاوزه تتخصصي فمجال واحد تكبري فيه ركزي فالحاضر و استغلي وقتك و طاقتك صح وجيبي مجموع عالي مش يايدك بل يديكي كل الاختيارات باريحيه فركزي دلوقتي جامد جدا ف مذاكرتك 💜
تم النشر السبت، ١٨ فبراير ٢٠٢٣
التسويق والبيزنس والبرمجة تقدري تتعلميهم من غير ما تدخلي جامعة .. احنا في عصر تقدري تتعلمي فيه كل اللي انتي عايزاه. ف دلوقتي علشان تحددي انتي عايزة تعلمي ايه ... ادخلي كده اقري في كل مجال شوية وشوفي عنهم فديوز على اليوتيوب .. هضع ليكي لينكات ان شاء الله تفيدك https://www.for9a.com/specialities دليل التخصصات الجامعية https://jass.im/test اختبار تحديد الشخصية https://www.prceg.com/ موقع اسمه نادي القراءة العملية .. مهم جدا وهيفيدك
تم النشر السبت، ١٨ فبراير ٢٠٢٣
مين قال انك لازم تختاري حاجه واحده في فكره جميله انك تذاكري كويس وتجيبي مجموع طب ان شاءالله وتاخدي كورسات برمجه وماركتينج وبيزنس ف وقتها مش هتكوني دكتوره بس هتكوني دكتوره وشاطره كمان لانك جمعتي بين اكتر من مجال ف نفس الوقت وهتقدري تسوقي لنفسك ف شغلك وتديري اعمالك ليكي وطبعا ف المستقبل مش هتكوني مجرد دكتوره ف مستشفى هتكوني مديره المستشفى ف حلو جدا انك تحققي احلامك وتدي كل واحد وقته وهيساعدوكي الاتنين انك تكوني ناجحه
تم النشر السبت، ١٨ فبراير ٢٠٢٣
الشغف مالوش علاقة بالحاجه اللي عايزة تدخليها في مجال الدراسة .. ازاي ؟ اقولك ماذا لو اكتشفتي انك عندك شغف بالطب و علاج الناس و بتحبي جو الحالات الحرجة و المستشفيات و قعدة استاذة المادة مع بعض و جدالهم حوالين انواع الادوية او تشخيص الامراض و الخ .. بس اكتشفتي ان امكاناتك المادية مثلا متسمحش انك تدخلي طب ... يبقي مش قاعدة ان علشان شغفي بحاجه هتبقي الحاجه دي مسار حياتي .. الشغف بيبقي الحاجه اللي الانسان بيحبها قوي و نفسه يعملها لكن لو الشغف ده مش هيتناسب مع مستقبلنا يبقي لازم نسيبه علي جانب و نزكز في مستقبلنا علشان دا الأهم .. في دكاترة شغفهم التمثيل او لعب الجيتار فيه محامين بيحبوا الغناء او التنس ، محدش في مصر بيشتغل او بيدرس بشغفه الا لو حالته المادية متيسرة جدا .. بخلاف كده الشغف و المسار الحياتي لا يتقاطع الا في احيان قليلة جدا .. بس دا مش مبرر انك برضه تقتلي شغفك .. انا بس حبيت اوضح لك .. ازاي تكتشفي شغفك المقال ده هيفيدك علشان تعرفي هناااا
تم النشر السبت، ١٨ فبراير ٢٠٢٣
من الصعب جدًا أن تعرفي شغفك بصفة قطعية، ولكن هناك أشياء يمكنك فعلها لكي تعرفي ما هو شغفك. أولاً، جربي الأشياء المختلفة ولا تخشي من الفشل. جربي الأشياء التي تشعرين بها شغفًا أو اجربي الأشياء الغير معروفة بالنسبة لك. ثانيًا، حاولي الاستماع لنفسك ومعرفة ما يجذبك حقًا. هل تريدين العمل في مجال يمكنك من خلاله مساعدة الناس؟ أو هل تريدين العمل في مجال يمكن أن تخلقي من خلاله شئ فريد؟ ثالثًا، استشيري المحيطين بك من الأشخاص الذين يعرفونك جيدًا، قد يساعدونك في إيجاد شغفك وتحديد مجالك المفعم بالحيوية. إذا قمت بتجربة الأشياء المختلفة ولازلت لاتزالين تشعرين ببعض الحيرة فلا تقلقي، فقد يستغرق العثور على شغفك وقتًا. بدلاً من ذلك، قمي بمتابعة ما تحبين القيام به قدر الامكان وتدريب نفسك كثيرًا في ذلك المجال لتصبحي متمكنة وتحققي النجاح.
تم النشر الأحد، ١٩ مارس ٢٠٢٣
لعرض السؤال في فدني اضغط هنا