انا عندي 18 سنه مشكلتي انا حاسس اني تائه وعندي ميول غريبه مش زي الناس الطبيعية بحب العزله وده لأني مش بعرف اكون علاقات مع الناس
معنديش ثقه في نفسي علي طول مكتئب بيكون في فرق في التعامل بيني وبين اخواتي كل حاجه بعملها يبقا انا غلط على طول بفكر في الانتحار ومنتظر اليوم الي هموت فيه وده السبب الي مخليني مواظب الصلاه عشان عايز اموت بدري
اهلي شايفني شخص مش مسؤول واني انطوائي و عصبي وبنفعل بسرعه وعلى ما أظن الناس شايفاني كده وانا مش هكدبهم لأن الصفات ديه موجوده فيا .
بس هل انا كلي عيوب ؟ انا معرفش انا مش عارف ايه المميزات الي فيا نفسي اقابل حد يكون فعلا بيحبني زي ما بحبه انا عندي استعداد أضحي بحاجات كتيره عشان بس اقابل صديق أو زوجه ويكون بيحبني زي ما انا بعيوبي وانا هحاول اصلح العيوب
بس مشكلتي انا بخاف لما حد يحاول يعبر عن حبه ليا بخاف يعرف عيوبي وحبه ليا يبقا كره فببعد علي طول ومؤخرا بدأت احب أني اأذي نفسي بقيت بجيب السكينه واعور الأيدي زي ما في الصوره ديه صوره ايدي انا عارف ان ده غلط وحرام لأن الجسد امانه بس انا بحس براحه لما بشوف الدم نازل من ايدي حتي لما بتعور بالصدفه وينزل دم بحب اتفرج عليه وأحاول ازود في التعويرة رغم اني بحس بألم لكن بحب الإحساس بالوجع وانا عارف ان ده شئ غير طبيعي بس الشي ده عندي من وأنا في ابتدائي
كنت بحب الذع نفسي بمسدس الشمع بعد لما كبرت شويه بقيت بحب اجلد نفسي بحزام في ظهر لحد ما يسيب أثر وينزل دم ودلوقتي بدأت امسك سكاكين واعور في نفسي انا عارف ان ده حرام بس انا بحب كده وفي نفس الوقت انا عايز ابقا انسان طبيعي بيحب نفسه وبيخاف عليها مع العلم اني عمري ما حاولت إني ااأذي حيوان أو حتي انسان
انا بحب الناس كلها معنديش كراهيه لحد الحمد لله لكني بحب اأذي نفسي ومش عارف ابطل حاجه زي كده وبردوا انا بقيت بخاف كده من فكره الجواز هل في واحدة ممكن تحبني اصلا ولو حبتني هل هتتقبل عيوبي زي ما أنا عندي استعداد اتقبل عيوبها لذلك انا مش عايز اتجوز لأن عندي عقده من الجواز وخائف جدا من الفكره ديه
وانا أصلا عندي دوالي في الخصيه وموضوع زاد وبقالها عندي ٥ سنين وعارف اني ممكن يكون حصلي ضمور في خصيه اليسري لأن شكله تغيير ومبقتش احس بألم فيها زي ما كنت بحس في الأول واني المفروض اعمل العمليه ديه بس انا مش فارقة معيا لأني اصلا خايف اتجوز وخائف يكون عندي اولاد.
انا نفسي اموت انا عارف انا تمني الموت حرام بس انا فعلا مش بحب الدنيا .
وشكرا ليكم بجد لو كنتوا قرأتوا لحد هنا و جزاكم الله خيرا
السلام عليكم ورحمه الله وبركاته. تفاصيل مشكلتك كلها في احتماليه كبيره ان هي جايه من مشاكل اسريه كتير انك عندك عقدها من من المعامله برده اللي فيها عنف او انك اتعودت على انك تتالم ده اللي ممكن يكون بيخليك بتؤذي نفسك بايدك عشان انت شايف او خلاص اتبرمجت على انك تستاهل انك تتاذيه لان فيك عيوب طبعا دي كلها برمجه غلط كلها كلها افكار خاطئه اتزرعت جواك واا خلاص اتثبتت للاسف طيب ما لهاش حل كل الكلام ده ملوش حل اه طبعا ممكن يكون ليه دلوقتي احنا نحاسب على تصرفاتنا عشان احنا مدركينها احنا دلوقتي مش مش اطفال الطفل ما يحاسبش ما ما بتتسجلش غلطات وعند ربنا ولا بيتحاسب عليها لانه لسه ما وصلش للمرحله الادراكيه الكامله فاحنا هنا بقينا مدركين واحنا نقدر ان احنا نصلح كل الحاجات الخطا دي حتى لو ملناش يد فيها اه حتى لو النشاد فيها حتى مش احنا اللي عملناها اه حتى لو مش احنا اللي عملناها طيب هو احنا لما نصلح معناها ان احنا هنكون اشخاص بلا عيوب وفي الكلام ده اصلا ليه لانه هذه هي الطبيعه البشريه هذه هي النفس البشريه نفس البشريه نفس موجود بداخلها كل شيء موجود فيها صفات جيده وصفات سيئه ودائما النفس بتتارجح ما بين ده وده البني ادم السوي هو اللي دايما في التارجح ده دايما بيحاول يخلي الميل ناحيه الجيد هو الاكتر. الواقع بتاعنا. اللي حصل لنا في حياتنا مش بايدينا. اا لحد ما نكبر ونبقى مدركين ونقدر نكون مستقلين بافكارنا وبتصرفاتنا اول ما بنكون مستقلين بافكارنا وتصرفاتنا لذلك هنكون قدام ربنا بنحاسب.ظومه الزواج مساله الحب المشروط اللي انت بتوصفه ده انك شايف انه لما حد يعرف عيوبك هيبطل يحبك ومش هينفع يحبك لما يعرف عيوبك ده هنا الحب المشروط وده ممكن تكون شفته في تعامل اهلك كليك انه انت لما تغلط. او لما يبقى فيكبنعمل ده ازاي بان احنا بنتحمل مسؤوليه انفسنا نتحمل مسؤوليه انفسنا يعني لما اكون موجوع دلوقتي لازم اشوف العلاج فين وانا اللي اروح للعلاج منتظرش ان العلاج ده هيجيلي لوحده. حاجه وحشه خلاص انا دي مساله خطيره جدا ما ينفعش ان احنا نغفل عنها. انا حاسه قد ايه وانت اكيد تعرضت للحاجات كانت مؤلمه لكن ما ينفعش انت كمان تزود الكتاب بتاعك بالم انت بنفسك اللي بتقدمه لنفسك. كده مش بحبك اعمل كذا عشان احبك.
تم النشر الأحد، ٩ فبراير ٢٠٢٥
السلام عليكم و رحمه اللّٰه و بركاته ليه يا أبن آدم بتجيب الشقاء لنفسك أنتَ نسيت فإنَّ لِجَسَدِكَ عَلَيْكَ حَقًّا ليه بتعمل في نفسك كدا؟ انا اتألمت من الصوره قطعت قلبي انا نفسك صعبت عليا اكتر منك، و ليه ، ليه بجد بتعمل في نفسك كدا ، ليه بتحكم على نفسك إنك كلك عيوب و انت مجربتش تستكشف نفسك الإنطوائيه عمرها مكانت عيب ، انا انطوائية بس لو كنت بفكر زيك و إن كلي عيوب كان زماني محققتش حاجه و كارهه نفسي ذي م انت كارهها و مش عيب بردو إنك تكون عصبي بعد كل ده مستني إيه العزله و كرهه النفس و قله الثقه كل دا أثر في شخصيتك و خلاك عصبي ، عشان أنت مجربتش تحب نفسك و مجربتش تفهمها و مجربتش تثق فيها و تقرب من ربك أنت لو قربت من ربنا صدقني هتحس ب احساس تاني هتتغير نفسياً خالص هتحس ب راحه و انك مش لوحدك ، لو كنت بجد قريب من ربنا كنت هتخاف من كميه آيات العذاب و هتشيل فكره الإنتحار من بالك تماماً مفيش حاجه مستاهله أبدا انك تعمل في نفسك كدا ، حتى لو اهلك مش بيحبوك ولا الي حواليك أنتَ حب نفسك ، انت مستني كلهم يحبوك و انت اصلا مبتحبش نفسك ولا بتقدرها؟ و مين قال إن مفيش واحده هتقبل بيك هل أنتَ بتقرأ المستقبل و عقول الناس؟؟ بتحكم حكم مسبق على أي حاجه و بعدها بتتصرف على الأساس دا ليه؟ يحبيبي وقف تعمل كدا في نفسك و توكل على ربك في أمور حياتك عشان يشفيك و يعافيك و يرزقك الزوجه الصالحه و العيشه السليمه كل ده هتحاسب عليه و نفسك و الي بتعملو فيها هتتحاسب ، عارفه انك مدرك ده بس لازم تفوق إن الحساب مش هيبقا سهل أبداً! لو جربت تفهم نفسك و تحبها كل حاجه هتتحل جرب بالتدريج تدخل في روتين يومك حاجه جديده و كويسه لنفسيتك مش شرط عشان نفسيتك تتحسن يبقا عندك صديق بيحبك ،حتى لعزلتك ممكن تعمل فيها حاجات تحسن مِن نفسيتك سواء عزلتك في البيت او عزلتك خارج البيت ، حاجات لا تعد ولا تحصى تقدر تعملها بس أنت مجربتش تفكر او تشوف و دخلت ف عقلك فكره مغلوطه عن الإنطوائيه و اقتنعت بيها أسمع بودكاست لناس عانت زيك و شوف خرجوا من المحنه دي إزاي و أرجوك وقف تعمل كدا في نفسك ، الموضوع صعب مفهوش أي متعه ولا عمر كان طبيعي انك تشوفو ممتع لنفسيتك و أنت قادر تغير نفسك و تحسنها و عيوبك تخفيها ، معاك ان مفيش انسان مفهوش عيوب بس في ناس بتحاول تحسن من نفسها و تغير منها لحد معرفت تغيرها للأحسن ، انت مدتش فرصه لنفسك تتغير أبدا اقعد مع نفسك و أدرك السبب الحقيقي وراء الي بتعملو و ادرك سلبياتو ، الشيطان استحوذ عليك و عرف يوسولك عشان تكره نفسك و تبص للسلبيات الي في الدنيا بس عشان يخليك تفكر في الإنتحار كتير و تؤذي نفسك و أنتَ استجبت عشان إيمانك بربنا ضعيف لازم تقويه ، انت لو قويت إيمانك كلو هيتحل و الله يعلم ما في الصدور و عارف ضيق صدرك ، اشكي لربنا همك و توب و صلي و اقرأ قرآن هتلاقي ف دا راحه لنفسك و علاج ليها صدقني ، هسألك سؤال و هو استفدت ايه بعد معورت إيدك بالشكل ده؟ هل انجزت إنجاز مثلاً بالشكل ده؟ متضيعش شبابك و اتعالج و أعمل الي يغير من نفسك و ادي نفسك فرصه واحده على الأقل عشان تتغير و بإذن الله هتتغير للأحسن ، وفقك اللّٰه و هداك
تم النشر الأحد، ٩ فبراير ٢٠٢٥
عزيزي شكرا لطرحك لمشكلتك وبما ان حضرتك 18 سنة وتعاني من تلك الاعراض فهذا هو الاكتئاب الناتج عن اضطراب الشخصية ربما عانيت من مشكلات اسرية او ربما بسبب وجود تاريخ وراثي بالاسرة ومهم جدا التوجه لاقرب طبيب نفسي لتقييم حالتك ولا تكتفي بمجرد الاستشارة علي تطبيق اونلاين لان الافكار السلبية عندما تسيطر علينا لا نستطيع رؤية حقيقة انفسنا بالرغم من انك قد تكون مميزا في بعض الامور الا ان الالم النفسي الذي تعانيه يجعلك تفقد ثقتك بنفسك وتري الامور بنظرة سلبية فحاول الذهاب لاقرب مختص نفسي للتقييم والعلاج
تم النشر الأحد، ٩ فبراير ٢٠٢٥
السلام عليكم اولا احب أوضح ليك شئ بسيط الإنسان لديه عقل واعي وعقل لا واعي اي العقل الباطن ٩٠% من النشاط اليومي يقوم به العقل الباطن زي مثلا وانتا ماشي مروح للبيت لو انتا مشغول ذهنيا ومش مركز في الطريق بتفاجئ انك وصلت من الذي قام بتوجيك الي المنزل هوا عقلك البطن تمام يعني العقل الواعي يفكر والباطن يكرر فأنت الذي تشحن هذا العقل بالأفكار السلبيه وعليك تجاهل هذه الأفكار كل فكره علي حدا بمعنى مثلا انك منطوي دائما قول لنفسك انك اجتماعي وكرر ذلك لنفسك كثيرا ثم قوم بتكوين صداقات وتقرب إلى الله اكثر واطلب من الله العون وكلما تخطيت مشكله تتطرق إلى اخرى هذه الوساوس من الشيطان هذا ما يرده منا
تم النشر السبت، ٨ فبراير ٢٠٢٥
أخي العزيز، أولا، أشكرك على ثقتك في مشاركتك لمشاعرك وتجاربك الغير سهلة. من الواضح أنك تمر بحالة صعبة ومعقدة. أود أن أؤكد لك أن مشاعر مثل التشتت والاكتئاب والميول إلى إيذاء النفس هي مشاعر خطيرة وتحتاج إلى اهتمام جدي ومساعدة. من المهم أن تعرف أن لديك قيمة كبيرة وأن وجودك في هذا العالم ليس عبثياً. لا يجب على المرء أن يقيم نفسه بناءً على عيوبه فقط، فكل إنسان لديه نقاط ضعفه وقوته. في هذه اللحظة، قد تشعر أنك محاصر بالعواطف السلبية، لكن التغيير ممكن. لديك رغبة في التواصل مع الآخرين، وهذا شيء إيجابي. من الطبيعي أن تخاف من الانفتاح على الناس بسبب مخاوف من الرفض أو من اكتشاف عيوبك. لكن تذكر أن حقيقة العلاقات الإنسانية تعكس تقبلنا لبعضنا البعض بكل ما فينا. أوصيك بشدة بالتوجه إلى متخصص نفسي، يمكنه مساعدتك في التغلب على هذه الأفكار السوداوية وتقديم الدعم العاطفي والنفسي الذي تحتاجه. التحدث إلى شخص محترف يمكن أن يكون خطوة حاسمة نحو تحسين حالتك. أيضًا، حاول البحث عن الأنشطة التي تشغل تفكيرك وتجلب لك الفرح، مثل الهوايات أو المستويات التعليمية التي يمكن أن تساعدك على توجيه طاقتك نحو الإيجابية. أنا هنا لدعمك، وأتمنى لك كل الخير والتوفيق في رحلتك نحو الشفاء. إذا كانت لديك أي أسئلة أخرى أو تحتاج إلى مزيد من الدعم، لا تتردد في التواصل.
تم النشر السبت، ٨ فبراير ٢٠٢٥
انت حاسس انك مصاب بحاجة خد حد وشوف دكتور دغري ماتتاخرش على نفسك.. انت غالي قوي وربنا خلقك لهدف ، تعمير الارض بص بعيد الدنيا واسعة، شوفلك شغل ف محل بعد المدرسة تكسب بيه الناس وتحسن صورتك .. هتبقى تمام استعن بالله
تم النشر الأحد، ٩ فبراير ٢٠٢٥
القرأن اشغل نفسك به
تم النشر الأحد، ٩ فبراير ٢٠٢٥
أنت في وضع يتطلب زيارة طبيب نفسي فورا .. فرجاء فعل هذا بلا تأخير .. وإن كنت غير قادر ماديا على هذا فمرسال لديها الخدمة محانية لغير المقتدرين ..
تم النشر الأحد، ٩ فبراير ٢٠٢٥
واعرف مشكلتك دي بدأت منين، يعني امتى بدأت تإذي نفسك كنوع من الاستمتاع؟ أسأل نفسك امتى ده حصل وأول مره عملت كده كان امتى.. معرفتك بالمشكلة هتوصلك لحل، وممكن يكون ده بسبب حاجه فيك انت مش قابلها او فيك حاجات انت مش راضي عنها، اعرف ان كل الناس بعيوب ومشاكل ومحدش خالي من اي عيب او مشكلة.. حب نفسك لان ربنا اللي خلقها وكرمك يعني مجعلكش حيوان مثلا او اي شيء مهان لا هو كرمك وخلقك إنسان ودي من اجمل النعم عليك
تم النشر الأحد، ٩ فبراير ٢٠٢٥
لازم تروح للدكتور نفسيه الموضوع عندك في مرحله متاخره ولازم تتواصل مع حد تثق فيه واسمع قران بيجيب نتيجه جميله جدا جدا
تم النشر الأحد، ٩ فبراير ٢٠٢٥
انا مبرجحش ان حد يروح لأخصائي نفسي و كل نصايحي بتكون بعيدة عنهم بس انت محتاج استشارة اخصائي نفسي ، بس برضك هقولك حاجة انت ممكن متكونش مركز فيها اوي ،كلنا فينا عيوب و مميزات و للأسف عيننا مصممة على انها تشوف العيوب و متشوفش المميزات و قليلآ جدآ و نادرآ ان حد يتكلم عن مميزاتنا مع اننا بنحتاج اننا نسمع مجاملة او كلمة حلوة بس للأسف مبنسمعهاش ،فيه ناس كتير عصبية وانا اعرفهم بس كلهم قلبهم طيب و مبيرضوش حد يزعل منهم ، اذاك لنفسك و تمنيك الموت لا هيريحك ولا هيريح حد بلعكس انت هتتحاسب على كل ده ،بلاش تعور نفسك اكتر لأن الصيف جاي و مش هتعرف تخبي ايدك تاني و ممكن حجاب الستر يتشال من عليك وقتها ، صلي و ادعي ربك انه يهديك و يرحمك الهداية و الرحمة كنزان لايفنيان ابدآ ممكن متفهمش قيمتهم دلوقت بس هتفهمهم اكتر في المستقبل و ربنا يهديك ان شاء الله و يرحمك برحمته التي وسعت كل شئ ،و الموت هيجيلي و هيجيلك لوحده مش محتاجين نروحله ،بس هل انا وانت جاهزين اننا نقابله؟ هل تركنا شئ نشكر عليه؟ ام سنترك الم في قلوب احبائنا؟
تم النشر السبت، ٨ فبراير ٢٠٢٥
لازم تكشف الوضع بقي صعب ربنا يصلح حالك يارب العالمين
تم النشر الثلاثاء، ١١ فبراير ٢٠٢٥
دي مشكله الأهل
تم النشر الأحد، ٩ فبراير ٢٠٢٥
يإما بتدرس يا بتتعلم يا بتشتغل، وقت فراغك مع اهلك او قرايبك او زمايلك او صحابك
تم النشر الأحد، ٩ فبراير ٢٠٢٥
يبني انت راجل
تم النشر الأحد، ٩ فبراير ٢٠٢٥
يحبيبي
تم النشر الأحد، ٩ فبراير ٢٠٢٥
لعرض السؤال في فدني اضغط هنا