خسرت شغلي وحلمي اللي كنت ببني فيه بقالي سنتين اجتهاد وتعب وارهاق والتزام كان كله يهون عشان اثبت نفسي بشهادة كل اللي حواليا اني استحق ابقي ف مكان اكبر وفجأة بدون اي مقدمات استغنوا عني من غير سابق انذار ولاقيت نفسي قاعدة ف البيت حالتي النفسيه بتسوء اكتر وفقدان الامل ف اني لسه هبتدي من اول وجديد بعد ما حققت اللي حققته بعد م كان كلي نشاط وحيويه حاسه اني كلي يأس وفقدت الشغف خلاص
لعل وعسى يكون خير ليكي.. احنا ديما بنبقى شايفين بس الجزء اللي حاصل دلوقتي ومش شايفين اي احداث مستخبية او اننا نعرف ايه الحكمة من كده. ولكن ع الاقل اعتبريه اختبار او ابتلاء من ربنا، عايز يشوفك هتتصرفي فيه ازاي؟ ما هو لو كل واحد خسر حاجه وقعد جمبها ومعملش اي شئ، صدقيني محدش هيقوم من مكانه ولا هيفكر يعمل اي حاجه .. قومي واحلمي من جديد .. احنا عايشين علشان كده. مضيعيش الحياة الوحيدة اللي احنا عايشنها علشان مش هتكرر تاني، بس الحلم ب ايدك تخلقي اكتر من واحد. بس الحياة هي واحدة، يلا مضيعيش وقت اكتر من اللي راح.
تم النشر الأربعاء، ١ نوفمبر ٢٠٢٣
دي من الاقدار اللي معظم الناس بتواجهها الفرق احنا استقبلناها ازاي وقررنا نتصرف ازاي بعدها انتي تقدري توصلي وتنجحي بدليل انك عملتي ده قبل كده تعبتي واجتهدتي ووصلتي ده معناه انك تقدري تحققي النجاح ده واكبر منه كمان لانك بقيتي اكتر خبره واصقلتي نفسك اكتر اللي فات ده مضاعش ولا خسرتيه انتي لما بدأتي اول مره بدأتي من الصفر النهارده هتبدئي بخبره سنتين وبنجاح سنتين حققتيه بالفعل وان شاء الله هتحققي نجاح اكبر بكتير من اللي فات استعيني بالله توكلي علي ربنا وخدي خبرتك وحققي النجاح الاكبر
تم النشر السبت، ٤ نوفمبر ٢٠٢٣
لعرض السؤال في فدني اضغط هنا