مشكلتي حاسة نفسي فاشلة مش بعمل اى حاجه في حياتي غير الاكل والشرب بقيت اخاف اطلع ف الشارع أو حتى اكلم حد مضغوطة نفسيا وعصبيا وساعات بسال نفسي انا عايشة لية ومليش فائدة لما قررت اعمل حاجه جديدة انى اشتغل أو اعمل الماجستير بشوف احباط ناس بتموت سواء ف شغلها او غيرة برجع اقول لنفسى ما كدة كدة هموت هتعب نفسى لية لية اذاكر واتعب والنتيجة صفر وعملت اي بالشهادة اهى مركونة ف الدرج ملهاش تلاتين لأزمة بحاول أدى نفسى حاجه إيجابية انى احقق ال نفسي فية بس بقول ملهوش لزوم مصاريف ع. الفاضى بشوف ناس وااخدين الدكتوراة ومشغلنش بيها ف الجامعة اسم ع اللقب والنتيجة مش عارفه الحياة مجرد رقم وايام بنعشها مش اكتر مش عارفه أخد قرار اغير لية من نفسي بس ملقتش امل ف حياتى أو حتى نظرة إيجابية لنفسى وساعات بكرة نفسى من غير سبب وبقول لنفسي كدة وتقريبا دى حالة اكتئاب شديد
طيب مبدئيا اول حاجه كده مينفعش نقول اننا عندنا اكتئاب بدون تشخيص مختص. تاني شئ .. احنا كلنا هنموت، يعني ايه دخل الموت ف اننا نسعي في الحياة ونجتهد، هل خلقنا في الارض لنخلد فيها! اكيد لأ. ف احنا كلنا هنموت، بس محدش عارف هيموت امتى، هل بقى علشان المفروض هنموت يبقى منعملش حاجه؟ اكيد لأ. مشكلتك انك مش عارفه المفروض تعملي ايه؟ او عايزة ايه من نفسك او من الحياة! تايهه، مش عارفه طريقك، وعايزة تسلكي اي طريق علشان بس تششغلي وقتك او ترضي الجزء اللي جواكي بانك بتعملي حاجه، بس السؤال هنا هل الشئ اللي هتعمليه ده انتي عايزة تعمليه فعلا؟ هل فعلا عايزة تعملي ماستر؟ طيب لو هتعمليه عايزة تعمليه ليه؟ ما هو لازم يكون ليكي هدف من وراه، اكيد مش هتعمليه وخلاص! مش كده؟؟ ف حاليا حاولي تقعدي مع نفسك وتعرفي كويس انتي عايزة تعملي كذا علشان ايه بالظبط. ولكن من غير متدخلي ف موضوع الموت، لان كلنا هنموت والموضوع ملوش دعوة بيه، وانتي عارفه كده كويس.
تم النشر الخميس، ٢٨ سبتمبر ٢٠٢٣
{وَمَا خَلَقۡتُ ٱلۡجِنَّ وَٱلۡإِنسَ إِلَّا لِيَعۡبُدُونِ} الذَّاريَات : 56 حضرتك دا هدف وجودنا فى الدنيا ف بلاش تقولى مثلا مليش فايدة او حاجة زى كدا ودى وسوسة من الشيطان كل المطلوب من حضرتك تلتزمى بالصلاة ثم قراءة ورد يومي من القرآن يوميا وبإنتظام وحضرتك انا عامل قناة بنزل عليها وِرد يومي عبارة عن صفحتين من المصحف مع التفسير وحديث شريف كل يوم لو حضرتك محتاجة تقرأي بإذن االه أقدر ابعتلك اللينك هنا تم
تم النشر السبت، ٣٠ سبتمبر ٢٠٢٣
هى اي الاسئلة ال مفروض اسئلها لنفسي اعرف منها طريقى ماشي ازاى ، وازاى اكون رحيمة بنفسي اكتر من كدا بالمعنى الأصح انى اطبطب ع نفسي وقوليها متخافيش انت الاقوى
تم النشر الخميس، ٢٨ سبتمبر ٢٠٢٣
الاكتئاب دا بدا معاكي من امتا يعني امتا بداتي تفكري سلبيا كدا لانك بتقولي كان ممكن تعملي ماجستير وانك متفوقه في داستك معني كدا انك مكنتيش كدا أثناء الدراسه لان لو كان موجود كان هياثر علي دراستك بشكل كبير جدا ولو مكنشي موجود فحاولي ترجعي لحياتك القديمه تاني الحياه الطبيعيه اللي خلاتك توصلي للمرحله القويه في دراستك ولو كان موجود فعلا فاكيد في طرق او وسائل كنتي بتعمليها خلاتك تتغلبي عليه وتتفوقي في الدراسه بس اللي عاوزه اقولهولك ان اكتر حاجه ممكن تسببلك الاكتئاب دا هو عدم الثقه بالنفس وانتي قولتي كدا وعدم ثقتك بسبب اهتمامك براي الغير فيكي طب يعني رايه فيكي مش موضع اهتمام اصلا لان الناس مش بتبطل كلام ولو انتي اخدتي علي راي حد فيكي خاصه سلبي فدا هياثر عليكي نفسيا وجسديا حرفيا هياثر علي حياتك كلها حاولي تبتعدي عن الناس اللي ممكن تحبطك اتعرفي علي ناس جديده كوني علاقات حلوه مع ناس متفائلة وبتحب الحياه حطي هدفك قدام عينك ومتفكريش في عدم وصىولك دايما قولي انا هوصل وهحقق حلمي انا قدها انا قويه خلي كلامك مع نفسك بالايجاب مش بالسلبيه دي واهم حاجه تكوني قريبه من ربنا دا اكبر عامل هيساعدك علي انك تىوصلي للمرحله اللي بتتمنيه وهيخلي عندك ثقه بالنغس دايما
تم النشر الخميس، ٢٨ سبتمبر ٢٠٢٣
ليكي فايده طبعا في الدنيا ديه كلها انتي موجوده لسبب وليكي اهميه كبيره كفايه بس انك موجوده ده شئ كبير
تم النشر الخميس، ٢٨ سبتمبر ٢٠٢٣
مينفعش تحبطي نفسك وانتي مش بتتحركي انتي مطلوب منك السعي والنتيجه ديه مش عليكي انتي مطلوب منك أن اخر تقولي لنفسك انا عملت اللي عليا هتبقي اهون بكتير من انا كده كده مش هنجح مايمكن فعلا تنجحي وتبقي اعلي من اللي تتوقعيه
تم النشر الخميس، ٢٨ سبتمبر ٢٠٢٣
مفيش ضرر ان حسيتي ان محتاجه تروحي لجلسات فعلا وش لوش مع معالج ويشوف هل هو فعلا اكتئاب ولا مجرد نوبه وبس خلاص ولا فقدان شغف بس
تم النشر الخميس، ٢٨ سبتمبر ٢٠٢٣
زي مافي ناس واخدين دكتوراه ومش شغالين بيها في ناس واخدينها وشغالين
تم النشر الخميس، ٢٨ سبتمبر ٢٠٢٣
راجع علاقتك مع ربنا ، ومن أعرض عن ذكري فإن له معيشة ضنكا
تم النشر الجمعة، ٢٩ سبتمبر ٢٠٢٣
لعرض السؤال في فدني اضغط هنا