السلام عليكم ورحمة الله وبركاته
انا عندي مشكله كبيره جدا جدا مش لاقيه ليها حل اصلا
و ندمانه جدا جدا و انا بكتبلكم و بعيط انا ابويا كان بضربني جدا و بعنفني كل انواع التعنيف انا امي متوفيه بقالها ٧ سنوات و بابايا متجوز وحده تانيه و بقالها ٦ سنوات عايشه معانا انا م درستش جامعه و دخلت ف حاله بتاعت اكتئاب و روحت بسكه وحشه جدا لدرجه (فتحت نفسي) (بنت مش شريفه) و ادمنت العاده السريه و الجنس و الافلام حاولت ارجع لربنا بس كل م احاول ارجع بلاقي الشيطان بوسوسلي و يقولي ربنا مش هيقبل توبتك لانك زانيه و اصلا كده كده مفيش راجل هيتجوزك و لا هيقبل بيكي عيزه حل ارجوكم منكسره و ندمانه جدا و تايهه و مش عرفه اعمل ايه ارجوكم ساعدوني
بصي في ايه بتقول ان الله لا يغفر ان يشرك به ويغفر ما دون ذلك لمن يشاء بمعنى انه هيغفر اي ذنب مهما كان حتى ذنوب الكبائر الا الشرك فالايه دي تطمنك وعايزه اقول لك ان ربنا بيحب جدا جدا العبد اللي بيرجع له بعد اذنب والله بيحبه جدا يعني تخلصي ذنب وتقومي رايحه له على طول احنا ما لناش حد غير ربنا يقبلنا بالذنب بتاعنا قومي في قيام الليل اتوضي وصلي واقعدي كلمي ربنا ومش هيقطعك قولي له يا رب ساعدني وخلي بالك دي دنيا فاينه انتِ هدفك الاساسي ان ربنا يرضى عنك وتدخلي الجنه فانت كلميه وهو والله مش هيخذلك ابدا ولو حابه ناخد رقم بعض ونتكلم دائما
تم النشر الثلاثاء، ١٤ مايو ٢٠٢٤
انك تعالجي المشكله بتاعه ادمانك لاعاده زي دي تمام ما فيش مشكله هنتكلم فيه بس اول خطوه هتعمليها ما بينك وما بين نفسك هو انك مش هتحطي لنفسك عذر على الخطا ده بالشكل اللي انت كتبيه المشكله حتى انه انا يعني عندي مشكله دي وبعملها ووصلت لمرحله دي بسبب تعنيف ابويا لما بيكون الانسان دايما حاطط لنفسه مبرر للخطا فده بيكون نوع من انواع المسكنات اللي تخليه يبقى صعب عليه يتخلص من الخطا ده لان كل ما هيظهر المبرر ده هو هيبقى عنده سهوله في ان هو يرجع تاني يعمل نفس الحاجه دي اول نصيحه ودي اول خطوه انا غلطت غلطه نقطه بس انا في حاجه غلط ومستمره فيها ولازم اوقفها سواء بقى المبرر اللي عندي ده اللي انا يعني بسكت نفسي به فبكمل في الغلط لسه موجود او المبرر ده انتهى فانا هعمل حاجه واحده هي اني هاوقف الغلط عشان الغلط ما يفضلش مرتبط بالمبرر وتلاقي نفسك بتلفي الحلقه مفرغه.
تم النشر الأربعاء، ١٥ مايو ٢٠٢٤
شكرا بجد ليكم جدا مش عارفه اوصفلكم كميه الاطمئنان اللي انا حسيت بيها بعد كلامكم ده شكرا بحجم الكون 😭😭😭😭😭😭😭♥️
تم النشر الثلاثاء، ١٤ مايو ٢٠٢٤
كل دا بسبب انك بعيده عن ربنا حاولي ترجعي لربنا وتقومي بكل الصلوات وصلي قيام الليل وادعي ربنا كتير وبعدين اما حالتك النفسيه تتحسن حاولي تروحي مع حد من قرايبك خالتك او غيره عند دكتوره نسا تعرف انك لسه بنت ام لا وتحاولي تلحقي نفسك يعني قبل متتخطبي وبقا كل حاجه فالزمن الأخبر دا ليها حل يعني بعد الشر عنك لو مطلعتيش بنت ممكن تعملي عمليه ترجعي تاني وتعدي الموضوع دا وحاولي تشتغلي وتجمعي فلوس تصرفي بيها على الموضوع ده وكل حاجه ليها حل واول حل ترجعي لربنا ومتسيبيش سجاده الصلاه والسلام عليكم
تم النشر الثلاثاء، ١٤ مايو ٢٠٢٤
متخيله ان ربنا بيقولك (ان الله لا يغفر ان يشرك به ويغفر ما دون ذلك ) يعني بيقولك انا بغفر وبقبل التوبة وكمان ربنا بيقولك ( ولا تيأسوا من روح الله إنه لا ييأس من روح الله الا القوم الكافرون) وكمان بيقولك (قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم) كل دي علشان يقو ليكي انا مستنيكي وانتي تبقي مش عايزه تروحي له ؟ وخلينا ناخدها مراحل صغيره اول حاجه ندمك وزعلك علي وضعك بدايه كويسة ويقدر يخليكي تروحي طريقك الصح وتاني حاجه ما تقدريش تحكمي علي نفسك بان تم فض الغشاء او لا ومش بسهوله كدا تالت حاجه العاده السريه مش زنا ف متزقيش ف نفسك صفه الزنا رابع حاجه في برامج زي واعي تقدر تساعدك تبطلي ويكون ليكي منها اصدقاء وصحبه صالحه تساعدك تبعدي عن الطريق دا
تم النشر الثلاثاء، ١٤ مايو ٢٠٢٤
ابعدي عن الأفكار الشيطانية عشان متدمريش واسمعي خطب لشيوخ وشوفي كدا حالك هيتعدل بطلي تتفرجي على اي حاجه وحشه اسمعي قرآن حالك هيتغير وحاولي تتصالحي مع حياتك والله يابنتي منتي لوحدك بتتضربي من ابوكي ناس كتيره وبتضرب من غير سبب وفالشارع وقدام ناس حاولي تتعودي على حياتك لحد ما ربنا يعوضك بشخص كويس ويسعدك يارب ربنا يهديكي لنفسك وتحطي فبالك انك مش لوحدك.🤎🤎🦋
تم النشر الثلاثاء، ١٤ مايو ٢٠٢٤
ازيك يا جميلة..اولا مفيش حاجة اسمها ربنا مش بيغفر..ربنا كلامه كله حق فلما قال علي نفسه الغفار ده مش كلام ..باب التوبه مفتوح دايما..بس كل اللي مطلوب منك شوية جهاد نفس حتي ده هتاخد عليه ثواب و ربنا شايفك من جوالي اكتر مننا ..أما بالنسبة لموضوع محدش يجوزك ..احنا ملناش في نفسنا حاجة غير التضرع لربنا ده نصيب..ممكن ربنا يسخرلك حد من حيث لا تحتسبي و يكون عوضك في الدنيا ..ربنا من اسماءه الستار برضه و الجبار اللي بيجبر الخواطر...صلي و صومي و حاولي تحفظي قرآن و قيام الليل كله ده هيشغل وقتك اعمي علي تليفونك خاصية حجب المواقع ..مرة علي مرة ان شاءالله هينصلح حالك بإذن الله
تم النشر الثلاثاء، ١٤ مايو ٢٠٢٤
" لا تقنطوا من رحمة الله"، ربنا أن شاء بيغفر كل الذنوب إلا الشرك، متخليش الشيطان يضحك عليكِ أكتر من كدا، وتوبي لو في اليوم ألف مرة المهم متبقيش مصرة على المعصية، ومتفكريش في حوار راجل يقبل بكِ أو لا، المهم ربنا يرضى عنك، ولو من نصيبك أنك تتزوجي مفيش حاجة هتمنع عنك رزقك لأنه دا رزق والله أعلم أن كان مكتوب لكِ أو لا، لذلك متفكريش، المهم دلوقت تتوبي وتتقربي من ربنا وممكن تنضمي لحلقة حفظ قرآن، وتنزلي دروس دينية إن أمكن، غيري روتين حياتك وطوري من نفسك وتعلمي حاجات جديدة، طول ما لسة في نفس يبقى في فرصة للتوبة، وربنا يغفر لكِ ويهديكِ ويصلح حالك، ومع الدعاء كل الي نفسك فيه يتحقق بإذنه، ربنا يرزقك توبة نصوحة.
تم النشر الأربعاء، ١٥ مايو ٢٠٢٤
ارجعي الي ربنا انشاء الله هيغفرك بس اهم حاجه متستسلميش للشيطان وكوني دايما مع ربنا وهو الغفور
تم النشر الأربعاء، ١٥ مايو ٢٠٢٤
ونصحيه اقفلي كل منافز الشيطان وغيري من حياتك تمام اهتمي بحاجات مختلفه بناس مختلفه وغيري اميلاتك علي النت وارقامك كلها وصحابك
تم النشر الأربعاء، ١٥ مايو ٢٠٢٤
اكيد مفيش بينك وبين التوبه إلا النيه الصادقه فقط ومن الله القبول
تم النشر الأربعاء، ١٥ مايو ٢٠٢٤
لعرض السؤال في فدني اضغط هنا