كيف يؤثر إدمان الإباحية على النفس والروح؟

Question

مش سؤال على قد ما هو تجربة بمر بيها فحابب أشاركها لعل حد يكون بيمر بأمر مشابه. الأمر بدأ من سن صغير جداً، ممكن نقول ما قبل المراهقة بدأت أطلع على صور و فيديوهات غريبة فتبادر في نفسي سؤال "ليه؟" ليه الناس دي بتعمل كده؟ مهمنيش أوي السؤال لكن الكنت متأكد منه إني كنت منغمس كلياً في التجربة دي مفصول تماماً عن الواقع كأني بالظبط في علاقة جنسية لكن مع شاشة الهاتف. الموضوع تطور وبدأ يكون ليه ظهور دائم في حياتي وكل مبكبر كل ما رغباتي بتختلف و البحث الدائم عن محتوى أكثر تطرفاً أصبح سمة أساسية في هذه العلاقة المدمرة. لفترة معينة أقنعت نفسي ان الموضوع عادي وطبيعي وادينا بنجرب ولو عايز أبطل هبطل، لكن للأسف مبطلتش وفضل الوحش ده ياكل في نفس وعقلي و يشوه الفطرة البشرية السوية لحد ميوصل لهدفه الأساسي أنه يجردك من انسانيتك ويسيبك مسخ غرقان في بركة من الفشل و الإحباط و الخوف و الخجل. تجربة الإباحية هي بوابتك للاكتئاب، لقطع أي صلة بينك وبين الناس و التمثيل بكرامتك وتهميش ثقتك بنفسك. أصبحت حالياً أرى جميع الأشياء بعدسة الجنس، بمعنى آخر "If it exists, there will be porn" أصبح المرأة عندي مجرد مادة ومرتبطة بتفريغ شهوة عابرة وانتهينا، و أصبح التواصل اليومي الطبيعي من المستحيلات عقلاً، أكتب هذه الرسالة البسيطة ليست طلباً للشفقة أو الدعم النفسي فأنا في خضم معاركة سنين من مثل هذا لكني أعلم أن هناك شباب مثلي و أصغر من ذلك وقعوا في هذا الفخ المقيت ويخافون أن يظهروا و يطلبوا المساعدة خوفاً من ردة الفعل فأنا أقول لمثل هؤلاء لا ترتكب خطيئتي ولا تترك نفسك بالسنين مع هذا السرطان. ساعد نفسك الآن واسعى لطلب هذه المساعدة ولا تغتر بنفسك، وأعلم أن مع العسر يسرا.

Accepted Answer

السلام عليكم او يعني انا بشكرك على انك شاركت تجربتك دي؟ وبيبقى حلو ان احنا نلاقي. محتاجين نتاكد انه هنلاقي حد يسمعنا وهنلاقي حد يشاركنا المشكله اللي عندنا فانت عملت ده بشكل جميل جدا. اهم حاجه ما فيش مشكله خالص انك تكون نفسك حد يحس بيك هو احساس انه يعني حد يشفق عليك ده معناها بيكون عند البني ادمين ان انا احس ان في حد حاسس بيا حاسس بنف احساسي او وصل له الاحساس لدرجه انه يعني احس قد ايه الاحساس ده حاجه متعبه. ما فيش مشكله انك تبقى نفسك حد يحس باللي انت حاسه وانت بتمر بفتره صعبه حتى لو بتطلب ان حد يدعمك لانه الدعم ممكن يكون بكلمه ممكن اقول لك انت هتقدر انا كده ده عندك مش شرط خالص يعني نعمل حاجه كبيره ومكلكعه يعني. انت ان شاء الله اللي انت عملته ده بدايه قويه جدا جدا جدا انك فعلا تقدر توقف اي حاجه انت عارف من جواك من نفسك ومن عقلك ومن كل جوارحك انه جماع الحاجه دي ما ينفعش تكمل قدراتنا اللي ربنا خلقها كبيره جدا جدا جدا ومش قليله فاستخدم القدرات الكبيره دي واوعى اي حاجه خارجيه تحسسك ان قدراتك اقل من انك تعمل ده ربنا يوفقك يا رب ويا رب تجربتك اللي انت شاركتها دي تفرق مع ناس تانيه وتشجعهم ان هم يعبروا عن خلاص رفضهم للي هم بيعملوه بشكل كبير يخليهم عندهم دافع انهم فعلا يعملوا افعال

Answer

يا اخي تقدر والله وناس كتير اتعافت انت ما زلت حي ما تستسلم وتقول خلاص دي النهايه انت تقدر تكتب النهايه اللي انتا عايزها الاباحيه مدمره وغير عقليه ابدا بتدمر مباد ئك ودينك واخلاقك ونفسك بتكرها وبتدمر جزء من عقلك مسئول عن المكافأه والتحفيز يعني حرفيا الحياه كلها اكتب كل السلبي والاجابي منها وانت تعرف كفايه انك كفرد واحد« بتساهم في نجاحهم وكسبهم التريليونات من الدولارات على حساب صحتك انت ويكفي انك كل يوم بتساهم في ان بنت جديده تعمل كدا وتتبهدل وتتهان عشان فلوس» المرحله دي اوعي تفكر انك لوحدك. كتير مننا عدى بيها وكتير ادمنها وكتير نجى منها فخد بالاسباب واعرف ان الامر تدريجي وحتما هتنسى حتما هتبطل في نهايه المشوار بس تدريجيا وعد الى الله غير حياتك ولو عدت استغفر ولو عدت تاني استغفر بورد اعلى ولو عدت تاني استغفر وسبح بورد اعلى سيذهب عنك اول محغز وهو الشيطان الذي يجلعلك تكسب من الموضوع حسنات فيكره ذالك فيرحل ثم استمر في معرفه ندوات عن الموضوع فانت كما قلت اصبحت المرأه عندك مجرد اداه دا لانك شوفت المرأه بتاعتهم المرأه الرخيصه لكن المرأه الطبيعيه ولا سيما المسلمه اكثر من كدا بكتيير هي انسانه واخلاق وتربيه وغاليه بحكم ربنا مش بحكمنا المرأه بس لواحد هو بس المسموح ليه ينظر اليها ويلمسها وهو زوجها غير كدا فلا فالمرأه بطبيعتها غاليه جدا يا اخي توب واعرف انك لما ترجع ان شاء الله كأنك زيك زي اللي ما شاف بورن بحياته« لان التائب من الذنب كمن لا ذنب له»

Answer

أصبت القول.. كلامك ده دليل على كرهك للإباحية،، خليها بدايه للتعافي.. اتمسك بربنا

كيف يؤثر إدمان الإباحية على النفس والروح؟

نفسية

اجتماعية

إدمان

منوع

تجارب

سؤال من احد أعضاء فدني

تم النشر السبت، ٢٢ يونيو ٢٠٢٤

5 إجابة

1 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك