السلام عليكم.
منذ صغري لم يكن هناك أحد بجانبي إلا ظاهريا، وكنت أظنني مهمة ؛ لكن كان يحدث العكس وهو الرفض، كان يحدث معي الكثير من المواقف لكنني كنت اتجاهلها وكنت التمس العذر للجميع، كان هناك من يقللون مني: المهم انني الآن فاقدة للثقة في نفسي ، وهناك من أصبحوا بجانبي ويريدون أن يفعلوا لي اي شيء يجعلني جيدة وبالفعل يحاولون ذلك لكن دون جدوة، احيانا أفقد الثقة بهم ، وفي الغالب أظنني لا أعني شيئا لأحد وهناك ديققة مستمرة وشيء في داخلي لا استطيع وصفه، وأريد أن أخرج مما أنا فيه لكن لا استطيع ، كيف أفهم نفسي وأخرج من مما أنا فيه؟
اولا علينا ان نتفق وتأكدى بداخلك ان الحياة والعلاقات ضرورى ان تمر بمراحل وشخصيتك ايضا تمر بمراحل . كل الواثقين كانوا غير واثقين يوما ما ...او يأتى عليهم فترات من الشك ويعملون على استعادة الثقه اهم شىء ان يظل الايمان بالثقه والمنبع لها موجود كل شخص مننا يستقى ثقته من شىء ما ...اذا كانت ثقتك تأتى من كلمات الثناء من الاخرين فابحثى عنها اذا كنتى تاخدين ثقتك من شكل ملابسك فاهتمى بذلك ....ممكن ابسط الاشياء تكون هى منبع ثقتك الماضى صعوبة ارتباطك بيه هو بيكون خوف من تكرار الشعور اللى حستيه فى الماضى عشان كده لازم تراجعى المشاعر دى واهم من خوفك منها والهروب من تكرارها انك تشوفى ازاى تتعاملى معاها لو حصلت تانى عشان متأثرش عليكى وتبقى زى القنبلة اللى بتكسرك من جوه خدى نفس عميق واستقبلى كل اللى جايلك من حلو من اللى حواليك وبلاش يتغلف بغلاف الاشرار القدام
تم النشر الجمعة، ١٥ ديسمبر ٢٠٢٣
ابسطى نفسك بنفسك لانه محدش يسعدك قد مانتى هتقدرى تسعدى نفسك فمش فى حد هيتلم عليكى غير عشان يعرف غير ايه هى حالتك ومتخليش كلام اللي حوليكى يأثر فيكى طالما عارفه نفسك كويس ودا مجرد كلام لا هيأخر ولا هيقدم ولازم لازم نثق فربنا ونحاول نتقرب منه أكتر حتى لوكل مره بترجعى لورا وثقى فربنا انو هيعوض كل وحش
تم النشر الأربعاء، ١٣ ديسمبر ٢٠٢٣
وعليكم السلام ورحمة الله وبركاته ،،، طيب مش شايفة ان الغلطة اللي حصلت انك كونتي فكرة مسبقة عن الناس اللي حواليكي؟ يعني بتقولي انك ظنتي انك مهمه! طيب احنا بنظن او بنكون فكرة على اي اساس بالظبط؟ هي ديه النقطة .. اننا ممكن نكون فكرة او معتقد هو اساسا مش موجود، نبدأ نقتنع بيه، ونيجي ف الاخر والتوقع بتاعنا ده ينزل على الارض، بس ده بيكون بسببنا احنا. لانك قولتي كمان بعدها ان كان بيحصل معاكي مواقف كتير وانتي كنتي بتتجاهلي ده!! طيب ما هو انتي برضه لتاني مرة بتعملي كده ف نفسك! بيحصل قدامك الغلط، وتعدي، بيحصل تاني، وتعدي مرة تاني ... كثرة التجاهل، ممكن تخلي الغلط عادي، ولما تيجي تتكلمي، ممكن يتقالك، ما انتي ساكته؟ ما هو عادي؟ هو انتي بجد زعلانه؟ لانك ف الاساس متكلمتيش! مدافعتيش عن حقك! سكتي! وتخازلتي ولكن لنفسك ... وده ناتج طبيعي جدا .. ومنطقي ل اللي انتي بتمري بيه الآن .. ولكن .. التجربة او التجارب اللي مرتي بيها ديه طبعا انتي فكرتي فيها بتفكير مختلف .. لكن عايزاكي بس تعيدي النظر فيها تاني، بالطرح اللي كتبته. هتلاقي الدنيا اختلفت معاكي تماما، اتعلمي من اخطائك، مش مهم انك غلطتي ف حق نفسك، المهم انك تتعلمي من خطأك ده، واكيد ده حصل لحكمة من ربنا .. علشان تعرفي قيمة نفسك، تعرفي تتعاملي ازاي مع الناس، تعرفي كمان متتوقعيش حاجه من حد، وتتعاملي مع الناس كما هي. انتي بس محتاجه تعيدي النظر من تاني، ولكن بطريقة صح. وترتبي اوراقك مرة أخرى.
تم النشر السبت، ٩ ديسمبر ٢٠٢٣
بصي اهم حاجة انك تشوفي نفسك مهمة لكن الناس مش مهم
تم النشر الجمعة، ١٥ ديسمبر ٢٠٢٣
قربي من ربنا وتابعي ناس علي اليوتيوب وخصوصا بودكاست عن الثقه بالنفس هيساعدك جدا وبجد الناس مش مهمه مترتبطيش سعادتك بيهم ربنا يوفقك 🤍
تم النشر الأربعاء، ١٣ ديسمبر ٢٠٢٣
في مقوله هنديه بتقول أن المؤثرات الخارجيه للانسان لاتؤثر عليه ولكن تخرج ما بداخله يعني في حاجات حاوليكي معينه بتخاليكي تتعصبي لا الحاجات دي مش بتخاليكي تتعصبي لأن من جواك عصبي إذا في شخص كل ما بيحصل اي موقف بيحقد علي الناس وفي شخص آخر مليان حب وشخص مليان تسامح وشخص مليان ايمان وشخص مليان احترام كلنا في جوانا حاجات موجوده والمؤثرات اللي حوالينا هيلللي بتخالينانطلع كل اللي جوانا هو الكلام ده بيفيد في اي بيفيد لانه لزم تعرف اذا انت مثلا جبت برتقاله وجئت تعصرها البرتقاله هطلعلك اي في عصير البرتقال هطلع تفح مثلا استحاله يطلع غير برتقال كذلاك الإنسان الهي اللي بطلع الشخصيه اللي جوه
تم النشر السبت، ٩ ديسمبر ٢٠٢٣
معدان الناس مش وحده وحاولي انك تانسي اي حاجه حصلت لك في الماضي علي شان تقدري تعيش الحاضر متفتكريش اي حاجه فيه غير الشئ اللي اتعلميه منه أن صوابع ايدك مش ذي بعضها كذلك الناس حاولي تقومي ومتستنيش مساعده من اي حد
تم النشر السبت، ٩ ديسمبر ٢٠٢٣
بصى زمان كانو بيقولو حرص و لا تخونش يعنى صحبى ورحبى بس متديش الامان لحد والكل موجود علشان عايزك فى حياتو لو مش عايزك مش هتكونى موجوده شوفى دورك ايه فى حيات كل حد انتى ليكى اهميه كبيرة شوفى اهميتك ايه وخليهم كلهم بحاجتك وقتها محدش يقدر يستغنى
تم النشر الثلاثاء، ١٢ ديسمبر ٢٠٢٣
دلوقتى انت بتقولى حاسه بالوحده مش عندك ثقه ف نفسك فى غموض فى حياتك حاسه انك منبوذه من الجميع فى حجات جواكى مش بتعرفى توصفيها فكرتى قبل كدا اي ال خلاكى مش عندك ثقه ف نفسك عندك شك فى كل حاجه حتى لو حلوه؟ ليه مش بتدى نفسك فرصه انك تعملى صحاب تحكمى عقلك ومتبقيش انسانه جبانه خايفه انها تخوض تجاربها بنفسها تواجه مشاكلك ومتخافيش من حد كل ما تعترفى لنفسك بتخلق. دافع انك تتغيرى قربى من ربنا اكتر يمكن تكونى بعيده عنو وشوفى علاقتك بوالدتك ووالدك عامله ازاى حاولى تجربى حجات جديده لأننا بنتعلم كلنا من غلطنا ومش مشكله انك تغلطى المشكله انك متتعلميش من دا ادى نفسك فرصه تعيشى وتنبسطى بحياتك
تم النشر الاثنين، ١١ ديسمبر ٢٠٢٣
دا لانه من الاول مخلتيش نفسك أولوية سمحتي لغيرك أن يقلل منك وسكتي. دا لوحده كافي مع الوقت انه يفقدك ثقتك بنفسك. قوي نفسك بنفسك وحطي حدود لغيرك. وخلي عندك مبدأ دايماً انك تكوني عزيزة متسمحيش لحد يقلل منك أو يهينك او يلومك محدش من حقه يعمل كده وانتي اللي في ايدك تكوني قوية وتصديهم كلك🫶🌻
تم النشر السبت، ٩ ديسمبر ٢٠٢٣
لزم كل شخص يلاحظ نفسه هل ويشوف هل الحاجات اللي حواليك بتخرج منك اي وبتخليك تعمل اي هل الحاجات دي بتخاليكي تغار من ناس اللي حواليك أو تحقد عليهم أو احترامهم او تسمحهم ولا دائما حاجات سلبيه بالنسبه ليك لو كنت سلبي لزم تشتغل علي الحاجات بتعاتك اللي جواك لان مهما عملت الموضوع مش المؤثرات الخارجيه الموضوع أن الحاجات اللي بتحصل بتخاليكي تطلع حاجات انت مش عوزها وإذا في الحقيقه انت مين ومش عجبك لزم تشتغل عليها ومتلمش اللي حواليك انت لزم تاخد خطوه لجوه احسن بمليون مره بخطوه برا كل ماكان جواك انقي واحسن كل ما انت تقدر تعمل جذب لحياتك وتجربة لحياتك حاجات كثيره افضل
تم النشر السبت، ٩ ديسمبر ٢٠٢٣
شويه وهكتبلك كلام جميل يخليكي تتخلصي من الطاقه السلبيه اللي جواكي بس دلوقتي هقوم اجهز الغداء
تم النشر السبت، ٩ ديسمبر ٢٠٢٣
لعرض السؤال في فدني اضغط هنا