السلام عليكم عندي مشكله وحابه الصراحه انكو تشاركوني بحلولها لاني غير قادره علي اني اتعامل مع الموقف لواحدي
انا والدي صعب جدا ومؤذي نفسيا بكل معني الكلمه دايما بيطلعلي غلطاتي انا واخواتي وبيعيشنا ف رعب وبنخاف حتي نتكلم قدامه ودايما بينتقدنا علي كل حاجه بس ساعات الصراحه بيكون طيب وهادي بس هو الشك مدمره وحاولنا نتكلم معاه كتير بس بدون فايده وانا بحكم اني بنته وكدا ف بحاول وبجاهد نفسي اني ماخدش طباعه دي وبجاهد نفسي جدا اني استحمل بس خايفه افضل ف الوضع دا طول عمري وكمان انا داخله تالته ثانوي وحرفيا لو مجيبتش مجموع كويس م عارفه هيعمل فيا اي بس برضو بخاف ازعله عشان دا ميرضيش ربنا ف انصحوني لو سمحتو اتصرف ازاي واطور من نفسي ازاي💗
عليكم السلام ورحمة الله وبركاته طيب أنا أتفهم جدًا نقطة قسوة الوالد وعدم تفهمه، ولكن هذه المشكلة حلها العمل على تطوير شخصيتك وتنمية مهاراتك وأسلوبك في الحوار وقدرتك على الاستماع والنقاش والإقناع. وليس من طرق الحل أبدًا التواصل مع شخص لا يحل لك شرعًا؛ لأنك بذلك تؤكدين شكوك والدك! دعيني أخبرك سرًا، ذلك الأمين الشفاف الصادق الذي يعطيك حساباته، يمتلك بدل الحساب اثنين أو ثلاثة. وقبل أن تعترضي دعيني أخبرك أنه ليس من الرجولة أن يمزح الرجل مع صديقه في أمرٍ كهذا إذا كان صادقًا وقرر التقدم للزواج. أفيقي لنفسك.
تم النشر الأحد، ٢١ يوليو ٢٠٢٤
فى البداية كده.من الواضح انك شخصية ذكيه وباره بوالدك ومش حابه انك تبعدى عنه ودى صفه جميله فيكى ممكن يكون والدك ليه طباع وطريقة تعامل وتفكير مختلفه عنك بس المهم أن ده ميأثرش عليكى . دايما حاولى تقربى وجهات النظر وأفكارك معاه بطرق مختلفة وجديدة واى حوار هتحسى أنه هينتهى بأراء سلبيه وصدام تجنبى المناقشه فيه.خليكى صبورة معاه لابعد حد لأن فى أشخاص كتير صعب تغيرى طريقة تفكيرهم لكن احنا ممكن نتكيف معاهم بطريقتنا ومن غير ما نتأثر.خلى عندك دايما ثقه بنفسك وتحبيها واديها الفرصة أنها تواجه المواقف بدون قلق.اكتبى دايما كل اللى جواكى وده هيفرق معاكى جدا.شوفى انتى بتحبى ايه وبتحسى بإنجاز لما بتعمليه واشتغل عليه لو فى رياضه بتحبيها مارسيها هتفرق معاكى كتير. ولو فى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جداً وافتكرى دايما أن ربنا معاكى فى كل خطواتك وبيساعدك.وانك قوية وهتقدرى 🌷
تم النشر الاثنين، ٢٢ يوليو ٢٠٢٤
وعليكم السلام، حبيبتي. اولًا خليني اقولك إنك قوية جدًا انك قررتِ تشاركي مشكلتك وتطلبي المساعدة. مفيش شك إن الوضع اللي انتي فيه صعب ومؤلم، ولكني هنا عشان أساعدك ونشوف حلول ممكن تفيدك. ١. اعرفي إن المشكلة مش منك: ده شيء مهم تفتكريه دايمًا، إن تصرفات والدك وضغطه النفسي عليكم مش غلطتك. الشخص اللي بيضغط عليكم هو اللي عنده مشكلة، مش انتي. ٢. حاولي تفتحي حوار في وقت هادي: إذا ممكن تحاولي تتكلمي مع والدك في وقت يكون هادي وطيب فيه، قولي له بطريقة هادية إنك بتمري بمرحلة صعبة وانك محتاجة دعمه وتفهمه. ٣. احمي صحتك النفسية: حاولي تمارسي تقنيات للاسترخاء زي التأمل أو اليوجا، حاولي تتكلمي مع اصدقاء مقربين أو افراد من العيلة اللي تحسي براحة واحترام معاهم. ٤. التركيز على دراستك: حاولي قد ما تقدري تركزي في دراستك، مش عشان بس عشان متضايقيش والدك، لكن عشان تبني لنفسك مستقبل كويس بعيد عن أي ضغوط. ٥. ابحثي عن دعم خارجي: لو تقدري تكلمي دكتور نفسي تحسي إنك مرتاحة معاه، ده ممكن يساعدك جدا في التخفيف من الضغط وتحليل المشاعر. ٦. تذكري إنك مش لوحدك: كتير من البنات والشباب بيمروا بمواقف مشابهة، فكوني متأكدة إنك مش وحيدة وإنك قوية بما فيه الكفاية لتخطيها. اخيراً، خليني اقولك إنك إنسانة شجاعة انك بتحاولي تجدي حلول وتطوري من نفسك. انتي تستحقي حياة سعيدة ومستقرة، وانا واثقة إنك هتناجحي في تخطي الفترة دي 💗. لو عندك اي سؤال تاني، انا هنا معاك.
تم النشر السبت، ٢٠ يوليو ٢٠٢٤
لازم حد قريب منه اخوه مثلا او صديق عزيز له يفهمه ان المعاملة ال فيها هذا النوع بتأثر علي المدي البعيد علي شخصية ولاده مستقبلا
تم النشر الاثنين، ٢٢ يوليو ٢٠٢٤
قللي التفاعل معاه
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا