مش فاهمة ليه دايما بنجذب للأشخاص الوحشة و التوكسيك
أنا واعية تماما و عارفة افرق بين الأشخاص السيئة و الكويسة و بقرأ في علم النفس كتير جدا فبقدر اعرف بسرعة اذا الشخص الي قدامي كويس او لا بس رغم كل ده و رغم إني بعرف احمي نفسي كويس من الأشخاص السامة إلا أني دايما بنجذب لا إراديا ليهم
يعني مثلا اتعرف على واحدة لأول مرة و انجذب ليها و أبقى عاوزاها تكون صاحبتي المقربة بس بعد كده اكتشف إنها واحدة سامة جدا و متنفعش تبقى في حياتي و مثلا انجذب لشخص و أعجب بيه بعد كده اكتشف إنه بتاع بنات و بيبص لطوب الارض أو إنه عامل فيها تقيل و إني ولا حاجة بالنسبة ليه و هكذا في كل علاقاتي بشوفهم في البداية كويسين اوي و كأنهم ملاك بعد كده اتصدم بشخصيتهم الحقيقية أو بمعنى أصح أنا إلي في البداية بحط فيلتر عليهم و بعد كده بستوعب إنهم وحشين و أن دي كانت توقعاتي و خيالي مش اكتر
و قرأت إنه ممكن يكون بسبب صدمات الطفولة و قلة الاستحقاق بالذات و إشتغلت على نفسي و ثقتي في نفسي زادت و استحقاقي بنفسي زاد بس برضو لحد دلوقت بنجذب غصب عني لأشخاص شخصيتهم سامة
يعني من غير وعي مني و بعد كده لما بستوعب إنهم سيئين ببعد بس ليه مش بنجذب لأشخاص كويسة نفسي اعرف ليه حظي في العلاقات بكل اشكالها وحش حتى أهلي كانوا سيئين
نفسي أتخلص من الحظ ده أو لو هي مشكلة فيا فنفسي اعالجها لان بجد الموضوع متعب ان كل مرة اكتشف ان الأشخاص الي وثقت فيهم و حبيتهم وحشين و بيحسدوني أو غيرانين مني او بيتلاعبوا بيا مش اكتر
مفيش مقياس حقيقي تقدري تشوفي بيه اللي جوا عقول و باطن اللي قدامك وتحددي إنها إنسانه مستقيمه أو إنه أنسان محترم و لا يفعل أي ذنوب في حياته .. كما أن ( معرفه شخص تظنينه جيد ثم تكتشفين انه يعرف بنات كتير غيرك و إنتِ ولا حاجة بالنسبة ليه ) دا مش مقياس ولا تقدري تقيمي العلاقه من البداية .. لكن تقدري تمنعي الوقوع مع الأشخاص دي زي إنك تحطي الله في جميع علاقاتك وتعاملاتك .. ربنا ميحبش علاقه زي دي بين ولد وبنت .. طب ليه ؟ لأنه زي ما بيكلمك هيكون بيكلم طوب الأرض زي ما قلتي .. وإنتِ بالنسباله هتكوني زي أي بنت وافقت تكلمه عادي .. إعرفي قيمه نفسك و العلاقه الوحيدة اللي تقبلي تدخليها هي إنه يتقدملك وتكون علاقه شرعية .. أما بخصوص الناس الوحشة عامتا والحسد والغيره فده موجود في جميع البشر ومن الوارد تكون صديقه جيدة لكنها حاسده أو غيورة أو أو .. مفيش إنسان كامل بلا عيوب لكن الحياه بتعلمنا نختار ناس نقدر نتعامل مع عيوبهم
تم النشر الأحد، ١٢ مايو ٢٠٢٤
لعرض السؤال في فدني اضغط هنا