انا من كذا يوم خلصت امتحانات وعايزه اعرف اعمل ايه في الاجازه وايه المهارات والحرف اللي ممكن اتعلمها وتساعدني في ما بعد وايه هي المهارات اللي ممكن تتعلمها واشتغل في الاجازه من البيت علي الانترنت ونصائح لتالته تانوي وهل أبدا المذاكره في الاجازه ولا لأ ممكن حد يجوبلي على اسئلتي وازاي استغل الشهرين دول صح
نصيحتى ليكى من خبرتى فى التربية والتعليم ...متذاكريش فى الاجازة وخديها فاصل ترفيهى اعملى انشطة مختلفة ادخلى المطبخ زيارات عائلية اتعلمى رسم او اى حاجة فنيه وتكون مهارة باليد خدى جرعه حلوه من الحاجات دى عشان لما تدخلى مود الدراسة وتقل الثانوية متحسيش انك مضغوطه باذن الله
تم النشر الخميس، ١٦ مايو ٢٠٢٤
ممكن تتعلمي التصميم أو البرمجة أو حسب إهتماماتك .. لو في حاجه معينة بتحبيها إبدأي في تعلمها زي الرسم أو تصميم الأزياء أو تصميم الأثاث أو الديكور أو حتى المجالات العلمية .. والأفضل إنك تستغلي الأجازه في الترفيه والراحة بجانب كورس او كورسين لمهارات جديدة او حتى تطوير اللغة وتبدأي دراسة مع بقية الطلاب في بدء السنة الدراسية 3 ثانوي سنه طويلة بالفعل وفيها الوقت الكافي للمذاكرة والمراجعة مش محتاجة إنك تطوليها أكتر على نفسك
تم النشر الخميس، ١٦ مايو ٢٠٢٤
عظييم، ده طبعًا بداية رائعة تقضي فيها وقتك بمرح وفائدة. في الاجازة دي، تقدري تستغلي الوقت عشان تتعلمي مهارات جديدة زي التصوير، التصميم الجرافيكي، تطوير البرمجيات، اللغات الأجنبية، الطهي، أو أي مجال آخر يهمك. ده هيساعدك في المستقبل، وكمان تسمح لكي تكتسبي خبرات جديدة ودائماً خففي الضغط على نفسك واعملي حاجات بتحبيها، واعملي مساحة صغيرة لوقت للاسترخاء والترفيه عن نفسك. افوق كل ده، اطلعي واجتمعي مع الأصحاب واستمتعي بالوقت معاهم، ده هيفيد في تقوية علاقتك بيهم. وبالنسبة لتالتة تانوي، ممكن تبدئي ترتيب جدول زمني لدراستك، ابدئي بتقسيم المنهج على مدار الفترة الباقية في السنة، وخليكي متابعة لمراجعة المحتوى بانتظام. اهم شيء في النجاح في تالتة تانوي هو الاستمرارية والتركيز. ولازم تراجعي الموضوعات اللي اكتسبتها في الاجازة عشان ما تنسيها. إذا فيه أي اسئلة أخرى أنا هنا تحت أمرك يا ذكية.
تم النشر الخميس، ١٦ مايو ٢٠٢٤
لعرض السؤال في فدني اضغط هنا