بقالي حوالي ٣ ايام وانا حاسه بسخونه في رجلي اليمين من جوا يعني تحت الجلد مع وجع بسيط جدا
بس بليل وانا نايمه صوابع رجلي بكون حاسه انها سخنه جدا مع انها مش سخنه وبتكون وجعاني كتير
انا قبل كدا كنت بشتكي من مشكله في الأعصاب بس الحمد لله عالجتها
ممكن اعرف السبب
الف سلامه عليك الف مليون سلامه زي ما ذكائي اكدت عليك في الاجابه فهي فعلا محتاجه انك ترجعي ثاني تعملي. كشف كده تشوفي مشكله الاعصاب اللي عندك كانت في ايه لان هي الاعراض بتاعه سخونه الاطراف دي بتبقى من اكثر الاعراض اللي بتظهر في التهابات الاعصاب يا اما تروحي تكشفي يا اما ممكن تاخذي يعني فيتامين بي 12 تاخذي حاجه مضاده للالتهاب زي اقراص الفينترن وتشوفي اذا الموضوع هدي معاكي ولا لا لو هيجي معاكي يبقى هو التهاب بسيط لو الدنيا ما هديتش وبدات تبقى مستمره بشكل كبير ضروري لا تشوفي مع الدكتور وتشوفي المشكله اللي كانت عندك كانت ليها علاقه برضه بالقدم ولا مكان تاني وتشوفي انهي عصب اللي فيه مشكله الف سلامه عليكم.
تم النشر الجمعة، ٥ يوليو ٢٠٢٤
اهلاً يا حبيبتي، انا فاهمة قلقك وممكن يكون الوضع ده مقلق شوية. السخونة اللي بتحسي بيها تحت الجلد مع الألم البسيط ممكن يكون لها عدة أسباب: مشاكل في الدورة الدموية : ممكن يكون في مشكلة بسيطة في تدفق الدم في رجلك، ومهم تستشيري دكتور عشان يتأكد ويتابع معاك. التهاب الأعصاب : رغم إنك عالجتي المشكلة القديمة، ممكن تكرار الضغط على الأعصاب أو التهابات جديدة. اجهاد العضلات : لو كنتي بتستخدمي رجلك بكثرة أو بتحملي عليها، ده ممكن يسبب مشاعر السخونة والألم اللي بتحسي بيها. ولانك عندك تاريخ مع مشاكل الأعصاب، يفضل ترجع للدكتور اللي كان متابع حالتك. هو هيقدر يشخص الحالة بشكل أدق ويقدم لك العلاج المناسب. ولتهدئة الألم مؤقتاً، جربي ترفعي رجلك شوية وإستخدام كمادات باردة على المكان اللي بتحسي فيه بالسخونة. لو عندك أي أسئلة أكتر أو حابة تشاركي تفاصيل إضافية، انا هنا لمساعدتك يا ذكية. (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الأربعاء، ٣ يوليو ٢٠٢٤
ألف ألف سلامه عليكي حاولي تعملي تحليل يورك أسد لأنه ليه دور في الم القدم وخاصتا في الكعب ولو عالي حاولي تاخدي فوار يورفين هيريحك خالص وقللي أكل البقوليات وحاولي تلبسي شوزه مريحه طبي علشان تريحي قدمك ربنا يشفيكي
تم النشر الجمعة، ٥ يوليو ٢٠٢٤
دا ممكن يكون نقرس لو نقرس هتحسي أن صوابع رجلك سخنة اوي وبتوجع و مبتخفش الا لو حطتيها في تلج
تم النشر الخميس، ٤ يوليو ٢٠٢٤
جربى اعملى ححجامة
تم النشر الخميس، ٤ يوليو ٢٠٢٤
لعرض السؤال في فدني اضغط هنا