عندي شعور ملازمني من صغري اني عايش بلا فائدة و ماحدش بيحبني و اني فاشل في حياتي و شغلي بالرغم اني على الورق حياتي تمام بس ملازمني احساس بالتردد و الخيبة و الاكتئاب و الفشل ...
انا مش عارف مالي و علاجي فين الحقيقة و زهقت من نفسي و حاسس اني اوفر و معنديش طاقة و حساس و حياتي ضاعت في الكلام ده
السلام عليكم ورحمه الله وبركاته طب خلينا نقول بقى بما ان المفروض ان حياتنا على ورق الدنيا تمام ومفروض ان احنا يعني امورنا مستقره ليه احنا حاسين الاحساس ده؟ الاحساس ده بيكون لاحتمالات الاسباب كثير فانا هقول كم احتمال ولو لقيت واحد منهم قولي لو ما لقيتش وقربت من احتمال اخر ممكن برده تقول لي عشان احاول اساعدك ان شاء الله. في هنا احتمال انه انا مهما بعمل انا حاسس من بابايا ومامتي انه انا مش كفايه والنقطه دي لو موجوده من وانا صغير انه انا مهما اعمل هما بيقولوا لي دايما ان في احسن فانا بحس انه اللي انا عملته مش كفايه النقطه دي من واحنا صغيرين كفيله ان هي طول الوقت تحسسني ان انا مهما انجزت ومهما عملت فانا مش كفايه فمش بكون مبسوط بنفسي وبحس برده انه انا في شكل من أشكال الفشل، ده احتمال. في احتمال ثاني انه انا ممكن يكون في عندي شخص مهم الشخص المهم ده. انا دائما منتظر منه تقدير معين بشكل معين منتظر ان هو يكون فخور باللي انا بعمله او يكون مبسوط من اللي انا بحققه في الحياه لو الشخص ده حتى لو هو مش الاب والام لو الشخص ده ما ابداش لي التقدير ده او نظره الفخر دي فأنا بحس ان كل اللي انا بعمله ملهوش اي قيمه وانه كل اللي انا عملته في حياتي كاني ما عملتش اي حاجه واني محتاج اعمل حاجات ثانيه غير اللي انا بعملها. فيه احتمال كمان، فيه احتمال إنه أنا أكون بعمل حاجات مختلفة عن اللي حواليا ومبقدرش أتكلم عن اللي أنا بعمله بفخر زي ما هم بيتكلموا عن اللي هم بيعملوه بفخر ولمجرد إن أنا مختلف فأنا حاسس إنه لأ أنا كده مش كويس وإني لو عملت زيهم هيكون ده أفضل ودي حاجة هقدر أكون فخور بها. ففكر معايا إيه ممكن يكون الاحتمال من دول، إن دي من الحاجات اللي بتخلي الشخص حاسس إن حياته بدون إنجازات وإنه مش مبسوط.
تم النشر الاثنين، ١٠ مارس ٢٠٢٥
طب ما تقولي كدا شوية ايجابيات ومزايا عندك يعني من ١٠ ل٢٠ ميزة كدا لو لقيت مش عارف تكتب اسأل اللي حواليك، صحابك مثلا او أهلك.
تم النشر الاثنين، ١٠ مارس ٢٠٢٥
أخي العزيز، أشعر بعمق مشاعرك وما تعاني منه. من الواضح أنك تواجه تحديات كبيرة في حياتك، ومن المهم أن تعرف أن هذه المشاعر ليست عيباً فيك، بل هي جزء من تجربة إنسانية شائعة. أولاً، حاول أن تتذكر أن لكل شخص فترة من التحديات والصعوبات، وأن الشعور بعدم القيمة أو الفشل يمكن أن يكون نتيجة للضغوط المحيطة. ابدأ بتحديد مصادر الضغط أو القلق في حياتك، ربما تكون في العمل أو العلاقات، وحاول التحدث عنها مع شخص تثق به. قد يكون من المفيد أيضاً التفكير في إيجاد طرق لتطوير نفسك أو اكتساب مهارات جديدة تشعرك بالإنجاز والفخر. يمكنك البدء بممارسة هوايات تحبها أو الانخراط في أنشطة تطوعية، حيث يمكن أن يساعدك ذلك في اكتساب الطاقة الإيجابية والشعور بالتواصل مع الآخرين. وفي حال استمرت هذه المشاعر، من المهم أن تسعى للحصول على مساعدة مهنية. يمكن أن يكون الحديث مع معالج نفسي خطوة مفيدة لك، حيث يمكنهم مساعدتك في فهم مشاعرك وتقديم الدعم اللازم لك. تذكر، أنك لست وحدك في هذا، والأمل دائماً موجود. ابدأ بخطوة صغيرة نحو التغيير، فلا يخفى عليك أن الحياة مليئة بالفرص الجديدة.
تم النشر السبت، ٨ مارس ٢٠٢٥
تقرب الي الله
تم النشر الاثنين، ١٠ مارس ٢٠٢٥
دا من الشيطان يخويا وفيه بعض العادات المؤثره بتعمل كدا زى العاده اياها ومشاهده الافلام اياها برضو فالجيم هيكون حل كويس او ممارسة اى رياضه
تم النشر الأحد، ٩ مارس ٢٠٢٥
لعرض السؤال في فدني اضغط هنا