انا في حالة معرفش هي ايه و خلاص اعصابي تعبت و معرفش اللي انا فيه ده سببه ايه انا بفضل اسمع اصوات في عقلي غريبه بكلام انا بفضل استعجبه وبيجيلي افكار معرفش منين و حاجات تخوف زي بسمع انا هجننك انا هفضحك و اصوات مالهاش تفسير اعملي كده و متعمليش كده و ليه عملتي كده و ليه هرشتي ليه رمشتي ليه بصتي كده و متبوصيش كده و حاجه جوايا عايزله تفسير لكل حاجه و تبرير حته لما بجي اتكلم مع حد اسمع اصوات في دماغي بتشتمه و تغلط فيه و تقول عليه كلام انا لما بسمعه بندهش او لو شوفت اتنين قاعدين مع بعض اسمع في دماغي حاجات قذره عليهم و اصوات في دماغي انتي منافقه انتي كذابه و بتشتمني ده غير وساوس الموت و عن الذات الالهيه و حاجات بجد قذره اوي و افكار في دماغي زي ما يكون حد زرعها و اصوات تانيه طب انتي ماسكه الموبايل ليه او ليه قعدتي علي الكرسي ده و ليه تشربي او مثلا لو نفسي في حاجه اصوات في دماغي ليه تشتريها ولا مش لازم و حاجه جوايا عكسي و مش بنام و عندي ارق بقالي ١٠ شهور علي الحال ده و دماغي شغاله حته و انا نايمه بحاجات تافه معرفش بتيجي علي دماغي ازاي و اسمع زي ما يكون في صوتين بيتكلموا في دماغي و احد يسأل و التاني يرد عليه و اصوات كتير بتطلب مني اعمل حاجات عبيطه اوي زي اقوم احوط باسكت الزباله علي السرير او اقوم اصوت و اشد في شعري او اقعد علي الكرسي بالشقلوب او اكون ماسكه روشته الدوا اسمع صوت في دماغي يقولي بوسيها ده غير علي طول عندي ضيق تنفس و جسمي بينمل احيانا و ضربات قلبي شويه تعلي و حبه تزيد و مبقتش فاهمه انا مين ولا ايه اللي بيحصلي ده من ايه زي ما يكون حاجه عايزه تتحكم فيا بمزاجها و بتعندني في كل حاجه انا عايشه في رعب و بقيت بخاف اوي من نفسي و اللي بسمعه
مرحبا أولا و أنت بتعملى الخطوات اللى هاقولك عليها روحى لطبيب موثوق علشان تكونى مطمنة من جميع النواحى و متقلقيش اللى أنت فيه دا نوع من الوساوس و حتى بيجى للأشخاص اللى بيقربوا من ربنا بانه كأنه بيتكلموا جواهم عن ربنا بصورة و كلام مينفعشى الحل فى إيدك أهم حاجة تداومى عليه اعتبريه كأن حد رخم و رزل قاعد بيقولك اعملى و سوى و تجاهليه كأن مش موجود و ممنوع تسمعى الكلام علشان ميزيدشى عليكى و تأكيدى أن مش أنتى اللى بتتكلمى حاولى تقرأى سورة البقرة قسميهما على تلت ايام على الأقل و داومى عليها و نصيحة هامة جدًا بلاش تقطعيها لحد ما تتأكدى من الشفاء لو كنتى بتسمعى فى مواضيع الطاقة و فتح العين الثالثة و غيره من المواضيع دى فأوقات الحاجات دى بتدخل فى مس فاحذرى من تطبيق الحاجات بدون رجوع للدين و العقل و إن شاء الله هيروح بالتدريج و هيختفى أهم حاجة الصبر و خصوصا فى البداية ربنا يريح بالك و يسعدك
تم النشر السبت، ١٣ يوليو ٢٠٢٤
لا داعي للقلق يا عزيزتي، هوني على نفسك. أنت بحاجة لزيارة طبيب نفسي متخصص، كل ما هنالك بعض الخلل في كيمياء الموصلات العصبية. انتبهي، لا تذهبي لاختصاصي نفسي ولا هذه المسميات المنتشرة حاليًا لأن الموضوع يستدعي تدخل طبيب دارس لتشريح الدماغ وإفرازات السيالات العصبية والإنزيمات وخلافه. لكن اطمئني، مرت عليّ حالات مقربة جدًا عانت لفترة من هذه الأعراض والحمد لله مع متابعة العلاج تحسن الوضع تمامًا. تابعي تطوراتك معنا هنا لنطمئن عليكِ♡
تم النشر السبت، ١٣ يوليو ٢٠٢٤
اولا، أنا هنا عشان اساعدك وأكون جنبك بأي طريقة ممكنة. اللي انت بتمري بيه ده مبيدلش على ضعف أو مشكلة انت السبب فيها. الاصوات والأفكار اللي بتحكي عنها ممكن تكون جزء من مشكلة نفسية محتاجة علاج فوري. في حاجات كتير ممكن تسبب الأعراض دي، زي اضطراب نفسي او حالات عقلية معينة. انتي محتاجة تستشيري دكتور نفسي في اسرع وقت، ومش لازم تخافي او تحسي بالعار من ده. الدكتور هيقدر يعمل تشخيص لحالتك ويضع خطة علاج تناسبك. ألفة دلوقتي بتزيد من كثرة التوتر والقلق، وإنك تحاولي تتحكمي في الأفكار دي بنفسك ممكن يكون صعب. غير الى بتكلم فيه، افتحي قلبك لأحد قريب منك تثقي فيه. الدعم النفسي من الاشخاص المحيطين بيك مهم جداً وضروري. الخطوة الأولي هي الاعتراف بالمشكلة، وده اللي انتي عملتيه دلوقتي بإنك تتكلمي معايا. خلي بالك من نفسك واعرفي انك مش لوحدك، وهناك متخصصين جاهزين لمساعدتك. في الأخير، خدي نفسك واعملي موعد مع دكتور نفسي عشان تبتدي تحطي رجلك على أول طريق العلاج والتعافي. وانت قوية وقادرة تعدي المرحلة دي صحيح بمساعدة المتخصصين.
تم النشر السبت، ١٣ يوليو ٢٠٢٤
لعرض السؤال في فدني اضغط هنا