سلام عليكم، انا مش بعرف ابر أمي وجدتي وكل ما اتوب الاقي نفسي معنديش صدق ومبعرفش اجي علي نفسي يعني جدتي مش بعرف ابرها لأنه طبعها سيئ وده لكبر سنه وانا فاهم حاجة زي ده إن لما واحد يكبر في سنه بيعمل تصرفات متبقاش عاقلة والله مدرك وامي طيبة جدا بس ساعات بتعمل تصرفات بتستفزني وانا عارف اني غلطان ومفروض استحمل بس هي مشكلة دائما بتيجي من جدتي مش عارف أبرها وبكره فكرة ان جدتي تكون فاهمة اني ببرها عشان بحس بإستغلال أما مثلا ابويا وجدتي (ام ابويا) ببرهم عادي خالص عشان مش بحس بإستغلال أما أنا بكره اني ابر جدتي أو أمي وانا حاسس بإستغلال وصراحة جدتي طبعها بقا سيئ جدا ومش بتحترمني خالص في أسلوبها وده مخليني مش عارف اكلم عشان لو اكلمت هكلم بطريقة وحشة ووالله عارف اني غلطان ومفروض أنها ست كبيرة وتراعي سنها وساسيسها بس بكره لما اسايس احس باستغلال وكل ما اتوب الاقي نفسي مش صادق
وسؤال لو في موقف خت عليه ذنب وانا مش صادق اني مش هعمل الموقف ده تاني انا كده توبتي مش صحيحة يعني انا كده مينفعش اتوب ؟! انا مضايق بس عشان ذنب ده طلع كبير جدا وانا مش عايز اخسر نعمة الهداية لأني ابتليت بسبب الذنب ده في بلاء نزل عليا من فترة بسبب ذنب ده وانا متأكد بس دلوقتي مش موجود بس ما زلت بعمل ذنب
وعليكم السلام ورحمة الله وبركاته .. متقلقش اكبر دليل انك جواك فعلا شخص كويس وطيب بانك بتقول الكلام ده دلوقت. انت عارف وفاهم وكمان بتحاول تقنع نفسك بانها ست كبيرة وبتحاول تبرها .. ومقدرة جدا انك برضه زهقت من معاملتها. طيب هنقدر نعمل ايه؟ انت عارف كل ما السن ما يكبر بيبقى عقل الناس الكبيرة زي الاطفال الصغيرين، بيحبوا اللي يلبي لهم طلباتهم من غير اي نقاش. لو عندك اخ او اخت صغيرين هتلاقيهم كده مش واعين هما بيعاملوك ازاي، المهم ياخدوا اللي هما عاوزينه. تعالى على نفسك شوية وشوفها بالطريقة دي. واعمل ده ليهم دلوقت، علشان لما تكبر تلاقي اللي برضه يساندك ويستحملك في تعبك. واكيد اكيد .. ربنا هيجازيك خير.
تم النشر الاثنين، ١٥ أبريل ٢٠٢٤
لعرض السؤال في فدني اضغط هنا