من وانا صغير وانا بحب الكتابة منغير ما اعرف السبب ، كنت ساعات ألاقي نفسي بـ ألف حاجه او بكتب قصة أو اكتب شعر اي كلام كدا أو حتي امسك ورقة و قلم و اكتب اي حاجه جوايا ، ولكن مكنتش شغوف بالموضوع اوي ومكنتش مهتم اني أتعلم اكتر بالرغم من أني كنت حاسس اني موهوب جدا ساعتها بس يمكن عشان محدش شجعني أو قالي اعمل ايه بعدها .
المهم من فترة كدا لقيت نفسي حابب اكتب تاني و المرة دي جربت اكتب اسكريبتات لمواضيع معينة و لقيت الدنيا ماشية معايا و لقيت شغل كمان و الناس مبسوطة ،فـ انا حاليا حبيت الموضوع جدا و عندي شغف اني اتعلم و اطور من نفسي اكتر و ميبقاش الموضوع مقتصر علي كتابة الاسكريبتات بس ..
ولكن مش عارف ابدأ منين و مش عارف اعمل ايه ف ياريت لو حد يقدر يساعدني و يقولي ابدأ منين و اسمع أو اقرأ ايه و اجرب و اتعلم ازاي اصلا .. ياريت حد يساعدني و جزاكم الله كل خير ❤️
كتابة قوية جزلة مليئة بالمشاعر والتعبيرات والصور الجمالية = قراءة مستمرة وغزيرة لكل ما تقع عليه يدك. ولنكن أكثر وضوحًا عليك بقراءة أعمال الكتاب العظام كـ (المنفلوطي - نجيب محفوظ - العقاد - المازني - الرافعي .... الخ) اقرأ وسجل كل كلمة جديدة عليك في مفكرة صغيرة بحيث تتذكرها وتدخل في قاموسك. كلما قرأت أكثر كلما صار أسلوبك وفكرك أكثر ثراءً وعمقًا النقطة الثانية هي ممارسة الكتابة الحرة بشكل يومي لمدة لا تقل عن ربع ساعة، اكتب عن أحداث يومك، اكتب عن فكرة طرأت في بالك، شعور مررت به على مدار اليوم، اكتب أي شيء، المهم أن تمارس الكتابة يوميًا هذه الخطة تحتاج إلى ممارسة شهور طويلة حتى تؤتي ثمارها ... مع العلم أن حديثي هنا عن الكتابة بالعربية الفصحى، العامية لا تحتاج إلى تنمية أو ثراء وليس فيها أي شيء مما ذكرته بالأعلى وفقك الله لكل ما فيه خير لك
تم النشر الاثنين، ٨ مايو ٢٠٢٣
تابع نصائح دليلة رقاي واقرئي كتابها رحلة كاتب محتوى وأعتقد أنك ستبدأ الكتابة مباشرة بعد قرائته!
تم النشر الخميس، ٤ مايو ٢٠٢٣
الموضوع ده مهم جدا صراحه للماركتينج للتسويق والناس الشاطره فيه قليلين جدا وبيتطلبوا وبيكونوا دور كبير قوي في نجاح الشركات والنمو الشركات وتحقيق مبيعات كبيره جدا فيها سواء كنت بتتكلم على شركه خدميه او ايا كان النشاط بتاع الشركه في الوظيفه دي مطلوبه جدا في اي قسم تسويق جوه الشركه الوظيفه دي اسمها يعني كتابه محتوى فده له اصول وليه علم بيتدرس او له كورسات ممكن تدرسها وممكن تاخدها علشان خاطر تتاكد ان كتابه المحتوى بتتم طبقا على سبيل المثال المبادئ البحث في الانترنت فبالتالي فبيزود التفاعل وبيجيب فرص كثيره للبيزنس اللي انت بتشتغل فيه فده حاجه مهمه جدا حاجه اسمهاcontent creation تقدر تشوف فيديوهات لها كورسات ليها من ناس يكونوا خبره وان شاء الله تتعلمها .
تم النشر الخميس، ٤ مايو ٢٠٢٣
Content writing وظيفة هتخليك تبدع فى الكتابات حاليا وتكسب كمان
تم النشر الخميس، ٤ مايو ٢٠٢٣
من رأي الشخصي تقراء كتب كثير في الادب العربي وأصول اللغه
تم النشر الخميس، ٤ مايو ٢٠٢٣
لعرض السؤال في فدني اضغط هنا