هل من العادى اذا تقدمت لمقابلة عمل وبعت cvبتاعى على واتساب ورد عليا HR واتفق على ميعاد المقابلة وبعدين الرقم ده بعت ايموجى ❤️على هيئة قلب .انا مش عارفة .ايه رايكم عادى كده وايه اصلا لازمته ؟ اروح المقابلة الغريبة ديه ولا مش عارفة ؟
أهلاً @Asma بما إني HR خليني أرد على نقطة وأؤكد على كام نقطة تركزي فيهم. الايموجي زي ما الأصدقاء جاوبوا ممكن تدخل تحت كذا سيناريو ومش ضروري يكون سئ أو له مدلول مريب. بس على الهامش خدي حذرك من النقط دي: ١. مفيش شركة محترمة هتقولك ابعتي CV على واتساب. ٢. لازم إعلان الوظيفة يتكتب فيه اسم الشركة. ٣. تبحثي عن الشركة سواء لها بيدج على فيسبوك أو لينكدإن أو موقع website. ٤. ابحثي عن عنوانها على Google Maps واتأكدي إنها موجودة مش مجهولة. ٥. اسألي عن الشركة على جروب زي Don't Work There على فيسبوك ممكن تلاقي حد أولريدي بيشتغل هناك. ٦. خلي ال CV من غير صورة أفضل، ده لو ضايفه صورتك. ٧. اعرفي من ال HR هتقابلي مين اسمه ووظيفته. وربنا يوفقك لما فيه الخير 🙏🏻
تم النشر الاثنين، ٥ يونيو ٢٠٢٣
خدي سكرينشوت من المحادثة والايموجي وابعتيه على ايميل الادارة بتاعت الشركة وقولي لهم انا متأسفة اني مش هاقدر اجي المقابلة اذا كان دة سلوك ال HR ولو هم شركة محترمة هيتصرفوا صح ولو مش محترمة فلا خير في العمل معهم
تم النشر السبت، ٣ يونيو ٢٠٢٣
روحي وخدي حد معاكي من باب الاحتياط بصراحه تصرف غير مهني من ال HR وطمنينا عليكي
تم النشر الخميس، ٦ يوليو ٢٠٢٣
هو الايموجى ده بقى يستخدم نفس استخدام اللايك يعنى ممكن تكون حاجة بالغلط .. لو انتى متأكده ان اللى بيرد ع الشات ولد ...لو بنت كمان فهى اتعاملت بتلقائية وممكن حد لسه متعين جديد وحصلت منه بدون وعى او فى وسط زحمه. عموما شوفى مكان الانترفيو فين لو مبنى شركة فالموضوع مفيهوش قلق ان شاءالله لو المقر نفسه يدعو للقلق فالافضل خدى حد معاكى او متروحيش .
تم النشر الأحد، ٤ يونيو ٢٠٢٣
لا روحي القلب دة متادول وحاجة عادية متضيعيش عل نفسك الفرصة للسبب ممكن يبقي مش موجود او مش منطقي
تم النشر الأحد، ٤ يونيو ٢٠٢٣
هو انا شايفه حاجه عاديه احنا في جروب الدفعه مفيش بينا اي تعامل سابق وبنبعت قلوب عادي من غير ما يكون في دماغنا حاجه ولا تفسير معين لانه قد يكون متعود عليه وكمان بما ان ده شغل فاكيد هو عامل في اعتباره ان الشخص اللي قدامه كبير في السن مش طفله ف فاهمه ومش بتاخد الامور لمنحني تاني
تم النشر الأحد، ٤ يونيو ٢٠٢٣
بصي انا انصحك متروحيش وقدمي علي عمل تاني احسنلك تجنب لي اي شئ ممكن يحصل او لو مفيش حاجه يبقي انتي كدا كدا اخدتي حزرك💙
تم النشر السبت، ٣ يونيو ٢٠٢٣
روحي بس لازم يكون معك مرافق يكون محرم لإنه مايجوز تخرجي بدون مايكون في واحد من أهلك معك
تم النشر السبت، ٣ يونيو ٢٠٢٣
عادي حبيبتي
تم النشر الأربعاء، ٧ يونيو ٢٠٢٣
لا روحي القلب دة متادول وحاجة عادية متضيعيش عل نفسك الفرصة للسبب ممكن يبقي مش موجود او مش منطقي
تم النشر الأحد، ٤ يونيو ٢٠٢٣
روحي يمكن دا باب خير ليكي بس خدي حد معاكي
تم النشر السبت، ٣ يونيو ٢٠٢٣
لعرض السؤال في فدني اضغط هنا