السؤال ده من احد جلسات الكوتشينج ومحتاجة مساعدة منكم
احد الاباء مستغرب ان يكون اولاده مأثر فيهم الضرب لدرجة انهم مش عارفين يتخطوه بعد ما كبر سنهم وده مأثر على شخصيتهم وعلى علاقتهم بالاب .
السؤال هنا
كل واحد ياريت يقولنا هل اتضرب وهو صغير ولا لا ؟
ولو اتضربت هل ده سايب اثر على شخصيتك وانت كبير ؟ ولو حتى تخطيت الاثر ده تخطيته ازاى ؟
هل فعلا بنكره اهالينا بسبب ده ؟ ولا ممكن نعذرهم بسبب قلة وعيهم وانهم كانوا بيقلدوا اجدادنا مثلا ؟
هيا النقطة دي بالذات هيا اللي خلتني ما أنا عليه حالياً من سلبيات و ايجابيات لكن الصراحه مقدرش أنكر إن الموضوع لسا مأثر عليا و مخليني بيصعب عليا أى حد خصوصاً إن والدي و والدتي كانوا مقتنعين إني كده مش هعمل كده تاني لكن ده كان بيخليني أعاند لكن بشكل خوف اكتر ما هو عناد حتى ممكن أكون قاعد مع والدي أو والدتي فى الأيام ديه و بنتكلم عادي مخي يتخيل حدث ممكن يحصل فنتيجة لكده بيتحول طبعي فى اللحظة دي لشخصية باردة الطبع فى ردها علشان مبينش إني خايف أو أبين ضعفي و ده بيدايقني لأني بعمل كده بدون وعي و مبدركش نفسي غير لما بنفرد بنفسي و نتيجة لكده أنا ذات نفسي مبقتش أحب الأذى أو أشوف حد بيتأذى و بقيت بلجأ فى أى طريقة للحل المعنوي و السلمي ببعد خالص عن العواقب الجسدية لكن برضوا ببقى شايف إن فى أوقات لازم الطفل فيها يتعاقب جسدياً علشان يتعلم و ده فى حالت إنو مش مأثر فيه الكلام . وبس يعني أنا لو فضلت أتكلم فى الموضوع ده مش هسكت بس هكتفي بكده. بس.
تم النشر الأحد، ٩ يوليو ٢٠٢٣
انا كنت بتعجن حرفيا مش بتضرب ومش هانسى ان ابويا مره الله يرحمه نزل من السعوديه للقاهره عشان يضربنى ويرجع 😂 بس انا لما كبرت عذرتهم لاننا كلنا بنضغط وبنخرج عن شعورنا سواء مع صحابنا او فى الشغل ودماغنا وتفكيرنا بيقفو ومابنبقاش حاسيين بنعمل ايه هو مبدأ الضرب غلط بس الواحد بيبقى مضطر فى مرحله وظروف معينه عشان يوقف اللى قدامه عند حده انه يضربه والفارق فى الموضوع انهم ماكنوش بيضربو عشان فاضيين او افترى عليا لا هما اكيد نبهو مره واتنين والف ولما فاض بيهم وصلو لانهم يضربو يعنى ماكنوش بيضربو ع الفاضى والمليان ولما كبرت وشوفت محاولتهم فى انهم بيعملو كل حاجه حرفيا عشان نكون احسن ناس وان التربيه صعبه جدا والمجهود اللى عملوه معانه عشان نكبر يخلينى اغفرلهم اى حاجه واعذرهم طبعا وبقول تانى مبدأ الضرب غلط بس لو الواحد فكر بعقله هايلاقى انهم ماكنوش بيضربو افترى او من فراغ وغصب عنى لازم اعذرهم
تم النشر الاثنين، ١٠ يوليو ٢٠٢٣
كنت وانا صغيره ماما ضربتني قدام بنت عمتو كان فرق السن بينا قريب حسيت بالاهانه اوي حتى هي ضربتني قبل كدا كتير بس دا معلق معايا
تم النشر الخميس، ١٢ أكتوبر ٢٠٢٣
اكيد التربية الريفية لا تخلو من الضرب، وتعرضت كتير، وازعم أن دا خلق عندي حواجز مع اهلي وجفوة نوعاََ ما في مواقف كتيره ومشاكل مع نفسي ومشاعر عمال بدور على سببها زي التردد والشعور بالذنب الغير مبرر ولأمور طبيعية جدا زي الخروج والترويح عن النفس والشعور بالإهانة من أقل الأقوال والأفعال رغم علمي انها غير مقصودة، ومشاكل تاني وأشياء غير الضرب لكن كله متقبله وبحاول اصلحه واطلع ايجابيات منه ابسطها مثلا تعلمي أجزاء من القرآن والدين وانه سبب بشكل او بآخر في تكوين شخصيتي "نحن مسؤلون عن تعافينا" لكن فاكر موقفين بس مش قادر انساهم ولا القى ليهم مبرر اني اسامح والدتي عليهم أو مش اسامح يمكن اتقبل اصفو من ناحيتها مش عارف بالظبط واحد كان لسعه كل ما أنظر في يدي بتهون عليا نفسي والتاني كان فيه إهانة ليا رغم ان كل الضرب اهانة بس دا حسيت انه أهان ادميتي نوعا ما او حسسني بالعجز فاكرهم زي مشهد فديو بيتعاد ويتعاد رغم مرور اكثر من ١٤ سنه على أحدهم وأكثر من ١٠ على الآخر متأثر؟ ممكن لكن هل دا يكون سبب في عزيمه ونيه على هجر المنزل والبيت والهروب بعيد عنهم؟ مش عارف
تم النشر الاثنين، ١٠ يوليو ٢٠٢٣
أنا مش بكره ابويا بس ساعات مش بقدر احس بالحنان و أنا صغيرة كنت شايفة ازاي شخص يكون بالقسوة دي... اكون بعيط جامد و مش قادرة اتكلم ولا اوقف خالص..و هو ولا حاسس بيا .. وكمان ساعات بيكون أن السبب مالهوش اي قيمة خالص.. زي كسرت لعبة أو نمت ونسيت معاد الدرس .. مش قادرة اسامحه علي كده ابدا .. لاني متعلمتش اي حاجة غير الخوف منه و عدم الثقة و اني لايمكن اتكلم معاه في اي حاجة مضيقاني لانه مش هيتقبل كده.. و سبب تقليده لفكره الضرب هو اعتقاده أنه هو اتعلم كده و عرف الصح والغلط بالطريقة دي ..و كمان بيقول أنه ولا حاجة والنسبة أبوه ...وأنه اتغير كتير.
تم النشر الأحد، ٩ يوليو ٢٠٢٣
اتضربت من والدي مرتين تقريبا وانا لسه صغير ايام الحضانه تقريبا او اول الابتدائى بس من ايامها ومع المشاكل والزعيق ال بشوفهم بين الوالدين ال هو دا طبيعي في اي بيت طلع عندي احساس خوف من والدي لاي حاجه بس طبعا بحبهم ومفيش اي تأثير علي حبي واحترامي ليهم ، وتقريبا والدتي ضربتني اكتر من مره وانا صغير لما بعمل حاجه غلط وبكده معتش بعملها تاني .
تم النشر الأحد، ٩ يوليو ٢٠٢٣
انا محدش ضربي غير بابا ضربني مرتين ونا سبع تمن سنين كداا مره عشان سبيت الدين مره عشان ضربت زملي ف الدرس بس مأثرش فيه ولا كرهتهم
تم النشر الأحد، ٩ يوليو ٢٠٢٣
انا اتضربت كتير وكان في تمييز هما تربيتهم كدا بس انا كرهتهم وبكرههم ومازلت بضرب وعمري ١٩
تم النشر الجمعة، ١٥ ديسمبر ٢٠٢٣
هما صح ممكن يكونوا اتعاملو معانا بنفس الطريقه اللي اتعاملو بيه أجدادنا معاهم او كان بضربو في لحظه عصبيه لكن أن لو أجدادنا ضربوهم أكيد تعبوا ف ازي يخلونا نتعب نفس التعب ده وازي
تم النشر الخميس، ٣١ أغسطس ٢٠٢٣
مسمحاهم عشان هما ربونِي بالطريقةة الي هما عرفنها.
تم النشر الثلاثاء، ١١ يوليو ٢٠٢٣
Middle موضوع المعايرة ده من الضربات النفسية للاسف الصعبه وبتضرب الانسان فى عمق ثقته فى نفسه
تم النشر الأحد، ٩ يوليو ٢٠٢٣
انا اتضربت أكيد من والدي كتير بس اكتر حاجة خليتني متضايق جدا منه إلى الان وحاليا عمري ٣٦ سنة إنه كان بيعايرني بحاجة قدام الناس او حد من قرايبي ويشهده عليا في حاجات ده اللي مش قادر اسامحه فيه ابدا
تم النشر الأحد، ٩ يوليو ٢٠٢٣
التقليد ليس هو الحل اكيد هما في يوم من الايام محبوش انهم يتضربو فليه يعملو ال كانو بيكرهوه زمان ؟
تم النشر الأحد، ٩ يوليو ٢٠٢٣
التقليد بيحصل بشكل لاواعى مش بيكون قصد ...بيكونوا اتبرمجوا على ان هى دى الطريقة اللى تتعمل و( هذا ما وجدنا عليه اباؤنا )
تم النشر الأحد، ٩ يوليو ٢٠٢٣
لعرض السؤال في فدني اضغط هنا