السلام عليكم ورحمه الله وبركاته
عندي مشكلة واحدة و هي اني مش فاهمة انا عايزة ايه و اي مشكلتي حاسة أن في كلام كتير جوايا و مهما قلته للمختصين النفسيين أو لاهلي مش بيوصلو معايا لحل مناسب مع العلم أن أفكاري و مشاعري عبارة عن فوضى كله داخل ف بعضه و بجد حاسة اني مش مستحملة بس المشكلة الأكبر اني لاحظت بشكل واضح اني معاني من القلق المفرط بالمعنى الحرفي لدرجة أن احيانا ضغطي بيوطى و بتوتر جامد و أيدي بترتعش و بحس اني ناسية حاجة و اقعد اراجع كل حاجة جبتها معايا ف الشنطة مثلا و خايفة حاجة تضيع و ابص عليهم ما يقارب ال 5 مرات و اتاكد أن السوسته مقفولة كويس و اقلق أن الشنطة ممكن تكون مقطوعة و وقتي يضيع ف قلقي و انا داخلة تالتة ثانوي و من القلق و الضغط اللي مش مظبوط بحل الاسئلة غلط بالرغم اني مذاكرة و اجيب درجة وحشة جدا و أما ابص على اجاباتي الاقيني عارفة الصح و من القلق بعلم على الغلط و بجد حاجة تقهر و خايفة من كل حاجة و عندي وساس أن في مصيبة هتحصل و بجد دي مبقتش عيشه
السلام عليكم اتمنى تكونى بخير ، اعتقد ان فى مشاكل كتير حصلت فى حياتك متحلتش أو تم اهمالها وتراكمت داخلك وانتى افتكرتى انك نستيها والحقيقه انها لسه جواكى ف عقلك لازم تدركى فكره أن الإنسان ضعيف جدا قدام أمور الحياه وان لولا وجود ربنا كان الإنسان لا شىء تايه ومفيش حلول عشان تدركى فكره أن ربنا هو إلى بيحصل المشاكل وبيدبرها اعتقد ده هيخفف شويه عشان متشليش مسؤوليه التفكير ف مشاكل ربنا اساسا هو الى هيتولاها ولينا أننا نصبر وندعى ، كمان مفيش اى مشكله لو حكيتى لحد على حاجه هو مفهماش وده شىء طبيعي جدا لان مش كل الناس قادره تفهم الشعور بالظبط ممكن عشان مجربتش الحجات إلى انتى مريتى بيها حتى الدكاتره النفسيين مش دايما بيفهمونا 100٪ ولا انتى هتقدرى تفهمى نفسك بشكل كامل حبيبتى احنا بشر رأينا وطباعنا بتتغير يعنى ممكن تكونى فاكره نفسي بتحبي حجات معينه بعدها بفتره تلاقي نفسك بتكرهيها مش مهم نفهم نفسنا بشكل كامل لازم نحاول نتعامل معاها كويس اعتقد لازم تقعدى تكتبي كل مشاكلك فى الماضي وتحاولى تحليها تراكم المشاكل والصدمات الإنسان بيظن انو اتنسي والحقيقه هو لسه موجود معانا وبيظهر لنا بنتعصب أو بيحصل رد فعل قوى فى حياتنا بنكتشف أننا لسه متعلجناش متراكميش مشاكلك وحاول تحليها والإنسان بيقعد سنين كتير جدا جدا يفكر هو عايز ايه كل مرحله ف حياتنا حجات فينا بتتغير فى فترات حياتى كنت احب الاغانى بعدها بقيت بكرها بعدين بقيت اسمعها تانى بحس انى بحب الحب وسعات تانيه بحس انى بكره الولاد عمتا وبتعصب منهم سعات بكون قريبه من ربنا سعات غظب عنى ببعد وغيره وغيره من حجات تانيه متضاده فى حياتى ف ده شىء طبيعي محدش عارف يحدد هو حابب ايه مفيش مشكله اهم حاجه عالجي الحجات الي فاكره انك نستيها صدقيني هى لسه جواكى 🤍
تم النشر السبت، ١٧ أغسطس ٢٠٢٤
الابنة الغالية: شعور صعب أن نشعر بأننا عاجزين عن الاختيار بين البدائل واتخاذ القرار المناسب ، وغالبا ما يكون هناك صوت بداخلنا ينتقدنا وينتقد اختياراتنا مما يجعلنا نتشكك فيه وخائفين من الإقدام على قدأي قرار ، ونستغرق وقتا طويلا في التفكير ، وغالبا ما نعاني من أرق عند النوم ، ونشعر بالذنب. إن ما تعانين منه هو اضطراب القلق غالبا وهذا الصوت الذي بداخلك هو صوت الأهل الذين كانوا ينتقدونك في الطفولة عند اتخاذ أي قرار أو تصرف ، والحل هو اللجوء لمختص نفسي لمساعدتك من خلال علاجات نفسية متخصصة للقلق مثل العلاج المعرفي السلوكي أو العلاج السلوكي الجدلي أو غيرهما ..والأمر بسيط ولا يستدعي سوى جلسات بسيطة وتستعيدين الثقة بنفسك وينخفض القلق. وتكونين بخير د/ السيد العيسوي
تم النشر الأحد، ١٨ أغسطس ٢٠٢٤
وعليكم السلام ورحمة الله وبركاته! يا حبيبي، أتفهم شعورك تمامًا، ولازم تعرفي إن القلق الشديد والتوتر ممكن يكونوا صعبين جدًا على النفس. يبدو إنك حملتي هموم كثيرة في قلبك، وده طبيعي إنك تحسي بالفوضى والقلق. أول حاجة، حاولي تدي نفسك وقت تهتمي فيه بنفسك. جربتِ مثلاً تمارسي تمارين التنفس؟ هي مفيدة جدًا في تهدئة الأعصاب. وممكن كمان تحاولي تكتبي مشاعرك في ورقة، كده حتكوني قادرة تعبري عن كل اللي جواكي بشكل أوضح. كمان، في مسألة المذاكرة والاختبارات، جربي تقوي تركيزك عن طريق تنظيم وقتك، وتخلي فواصل في المذاكرة. يعني مذاكرة لمدة 25 دقيقة واستراحة لمدة 5 دقايق يمكن يساعدوك. لو حسيت إن القلق بقى كتير وبيأثر على حياتك بشكل كبير، ممكن يكون فكرة كويسة إنك ترجعي تخبري مختص نفسي تاني وتحكي له كل اللي بتحسي بيه. أحيانًا، تغيير طريقة الكلام أو التعامل مع شخص مختلف بيساعد. وصدقي، يا حبيبي، مش لوحدك في ده، كلنا بنمر بأوقات صعبة، وده عادي. حاولي تدي لنفسك فرصة للراحة، وكل حاجة حتتحسن إن شاء الله!
تم النشر الجمعة، ١٦ أغسطس ٢٠٢٤
لعرض السؤال في فدني اضغط هنا