انا عندي١٣ سنه كان شخص احبه وهو ايضا كان عايز نرتبط وانا وفقت بعدها بي سنه انفصلنا هل هذا محرم؟
السلام عليكم، إذا بتسألي هل حرام إنك ارتطبتِ بشخص لمدة سنة فطبعا حرام في الإسلام. الحب نفسه مش حرام والمشاعر حاجة داخلنا مفيش لوم علينا لو حسينا بها لكن هيبقى حرام لو اتصرفنا غلط وارتبطنا من غير رابط شرعي. الإسلام وضع حدود بين الولد والبنت ومينفعش أي علاقة غير الزواج أو خطبة شرعية. المفروض دلوقتي تستغفري ربنا على اللي فات وتنوي التوبة إنك متدخليش في علاقات من دي تاني. وبعدين حبيبتي أنتِ لسه صغيرة قوي على الحب والكلام ده... المشاعر في سنك بتبقى متقلبة ومتغيرة ومع الوقت المشاعر دي بتروح وممكن تُعجبي بحد تاني. حافظي على قلبك ومشاعرك وخليكِ غالية زي ما الإسلام خلاكِ غالية ومحدش يقرب لك إلا اللي يستحقك وبالحلال. ركزي دلوقتي على دراستك وثقفي نفسكِ وطوريها ووقت ما ربنا يسهل وييجي الشخص المناسب هتعرفي تختاري صح وقتها. ربنا يوفقك ويكتب لك الخير.
تم النشر الخميس، ٣٠ يناير ٢٠٢٥
عزيزتي هبه، أولاً، أود أن أكّد لك أن مشاعر الحب والارتباط هي مشاعر طبيعية وجزء من فترة المراهقة. لكن من المهم أن نفهم بعض الأمور المتعلقة بالعلاقات في الإسلام. في حالة الارتباط بين شخصين، يجب أن يكون ذلك في إطار شرعي وواضح، مثل الزواج، حيث يُعتبر هو الشكل المناسب لتأسيس علاقة قائمة على الاحترام والمحبة. ينبغي أن تذكري نفسك أن العلاقات يجب أن تُبنى على أسس صحيحة ومبادئ تتوافق مع تعاليم ديننا. إذا شعرت بالحيرة أو الضياع بعد الانفصال، فإنه من الطبيعي أن تمرِّي بمشاعر مختلطة. حاول التركيز على نفسك وأهدافك المستقبلية، وابحثي عن الدعم من الأصدقاء والعائلة. أسأل الله أن يمنحك القوة والإرشاد في كل خطواتك.
تم النشر الخميس، ٣٠ يناير ٢٠٢٥
غلط جدا مش قصدي اضيقك بس ده سن تكوين شخصيتك وممكن في اي لحظه تشوفي أمور مختلفه وتغيير رائيك ركزي في مستقبلك والحب ده لسه قدام انتي معجبه بيه مش اكتر من كده
تم النشر الاثنين، ٣ فبراير ٢٠٢٥
توبي لربنا من العلاقه دي وحاولي تقربي من ربنا و تسمعي فيديوهات كتير عن اضرار العلاقات ولازم تعرفي انك صغيره اولا تانيا انتي غاليه واللي بيحب جدا بيخاف عليه من اي حاجه تضره يعني مثل لو باباكي اكتشف مثلا مش كنتي هتتعرضي لمشكله هو مخفش عليكي تانيا مترتبطيش بأي حد اعرفي انك لسه بتتكوني في مشاعرك ممكن اللي كنتي بتحبيه دلوقتي مش يكون من مستواكي بعدين ❤
تم النشر الجمعة، ٣١ يناير ٢٠٢٥
كويس انك تعرفي مع نفسك أنه حرام و حاولي تكوني صادقه مع نفسك علشان تقدري متكرريش الأخطاء دي و لسه قدامك خطوات كتير الله معكم و يحفظكم
تم النشر الخميس، ٣٠ يناير ٢٠٢٥
حرام ولا مش حرام قولي استغفر الله وامشي في طريق حياتك
تم النشر الخميس، ٣٠ يناير ٢٠٢٥
ولامتخذات اخدان حرام مفيش صداقه بين الولد والبنت احفظي نفسك ي جميله انتي غاليه الله يرزقك بالزوج الصالح الي يجي لحد بيتك مترخصيش نفسك، انتي صغيره جدا جدا جدا يبنتي
تم النشر الخميس، ٣٠ يناير ٢٠٢٥
لعرض السؤال في فدني اضغط هنا