عندي سؤال الحقيقه اني مكنتش احب اسأل علي العلن بس حقيقي انا متضايقه اوي
انا بنت من مصر عندي ٢١ سنه وهكمل ٢٢ ان شاء الله
معنديش اخوات ( كان فيه مشاكل بين بابا وماما في طفولتي دايما بش خلاص بعد العمر ده اتعودت عليها ) يمكن طفولتي مكنتش قاسيه اوي بس بردو مكنتش سعيده سعاده مطلقه ، عندي مشكلتين اول مشكله هي احلام اليقظه المفرطه انا عايشه في عالم خاص بيا بحب اتقمص شخصيات الروايات والمسلسلات اللي بشوفها واتخيل باقي الشخصيات واتكلم معاهم بصوت مسموع حقيقي ببقي سعيده وبضحك من قلبي مكنتش واخده بالي ان ده مرض نفسي غير لما اتعرض عليا موضوع ارتباط حسيت ان الجواز ممكن يأثر علي العالم الخيالي في دماغي فرفضت ودخلت في اكتئاب اكتشفت ان حياتي كلها عباره عن وهم انا عايشه فيه كلها خيالات لشخصيات وهميه بتكلم معاها وبتخيل ردها انا حاسه اني مش طبيعيه ، بعد ما عملت بحث عن الموضوع ده عرفت ان فيه ناس كتير بتعاني منه وان فيه خطوات معينه لو عملتها احلام اليقظه هتقل وهبقي طبيعيه بس انا بصراحه بحبها اوي مش عايزه اوقفها دي هي اللي طلعتني من اكتئاب كنت هموت نفسي فيه زمان ( هنا المشكله التانيه ) انا واحده بتتأثر بأي حاجه بتسمعها لما سمعت عن البيدوفيليا جاتلي صدمه وحسيت ان انا وحشه زي الناس دي وبقي عندي تأنيب ضمير كإني زيهم مع اني معملتش حاجه خالص بس هي دماغي بتفكر كدا حتي الاطفال مكننش عايزه اشوفهم او العب معاهم ونفس الكلام لما سمعت عن الشوا.ذ حستني منهم ودماغي تقولي انتي زيهم ومعرفش هل ده حقيقي ولا ايه بس مش بحب اشوف واحده لابسه لبس مش كويس لانه بتجيلي ضلالات اني بتأثر بيها واني مش كويسه رغم اني بتعامل مع صحابي البنات عادي جدا مفيش حاجه تخليني اخاف لكن الأفكار في دماغي كدا قولت لماما وروحت لدكتوره نفسيه قالتلي انتي مؤدبه زياده عن اللزوم عشان كدا بتتصدمي وبتحسي بأحساسيس غريبه انا مش عارفه هل انا بضحك علي نفسي ولا ايه بس حقيقي انا بعاني دخلت في اكتئاب 3 شهور وبعدين بقيت كويسه ورجعت تاني في اكتئاب وكل ما يجيلي اكتئاب تجيلي الافكار دي اني وحشه واخلاقي مش كويسه والوان وده بيخليني اخس بطريقه مش طبيعيه رغم اني كنت معجبه بولد اصلا من فتره بس الاحساس ده مش بيفارقني هل انا فعلا الوان ووحشه ولا دي اوهام انا الحمدلله بصلي وبصوم وبقرأ قرآن وملتزمه دينيا الي نوعا ما ليه يحصلي كدا ؟؟!!
يا حبيبتي انا كمان مثلك عندي هذا الوساويس بس انا عندي مرض اني بحب ادخل لغرفه لحالي بوضع سماعات الاذن وبوضع الموسيقى واندمج في احلام اليقظه هلا الحمد لله صار لي 13 يوم ما سمعت موسيقى وان شاء الله اني اشفى من هذا المرض لهيك انت شوفي شو الشيء اللي يخليك تعيشي في احلام اليقظه هاي والله انه شخصيتك زيي كمان انا كمان عندي وساويس واي كلمه صغيره تؤثر فيا وبفكر فيها طول عمري وبيضيق صدري وما بعرف شو اعمل لهيك اسمعي رقيه رقيه شرعيه اسمعيها بتشوفي انها بتاثر فيك وحاولي انك تدخلي اليوتيوب وتبحثي في هذا الشيء الامور النفسيه وهيك يعني وشوفي كيف يمكن تعالجيها واعملي شيء يخليك واثقه من حالك مثلا تعلمي الانجليزيه تعلم اللغات ادرسي تعلمي اي شيء
تم النشر السبت، ٢٥ مايو ٢٠٢٤
جربي تصلي استخاره كذا مره في كذا وقت وادعي ربنا يدلك علي طريق يفيدك لعلاج سواء كان ديني او نفسي او روحي
تم النشر السبت، ٢٥ مايو ٢٠٢٤
السلام عليكم ورحمه الله وبركاته. ست البنات الجميله المؤدبه الملتزمه ان شاء الله الفتره اللي انت عشتيها كان فيها مشاكل كتير ما بين ماما وبابا يعني مش هتكون مقصره قوي ولكن جزء منها ممكن كطفله ممكن تكوني زعلانه من اللي حصل. فزعلك من اللي حصل ده وجهتيه في ناحيه اللي هي خاصه بالتخيلات انك ما عبرتيش عن زعلك ده. طيب تعالي نقول تعملي ايه اولا في موضوع التخيلات ده ده قرار زي ما انت قلت كده انا عارفه ان في خطوات لو اتعملت موضوع التحولات ده هيقف بس انا اللي مش عايزه اعملها فالموضوع متوقف متوقف على قرارك وما فيش حاجه تانيه تتقال في الموضوع انت عارفه ايه اللي يتعمل امتى تقرري انك تسيبي لما تقرري انك تختاري الواقع حتى لو الواقع في حاجات سيئه وتعالي كده نفكر ليه نختار الواقع رغم من الواقع في حاجات سيئه ونسيب الحياه. هو مين اللي هيسيب اثر الواقع ولا الخيال ولما بصحى من النوم لو حد جاب لي هديه في الحلم بلاقي هديه في ايدي حتى لو انبسطت في الحلم الحقي قلق. طيب لما؟ بحلم ان في حد زعلني في الحلم بزعل في الحلم طب ولما بقوم بلاقي نفسي. قدامي الشخص ده فعلا عمل حاجه وزعلني والمفروض اخد منه موقف طبعا لا ما اقدرش ان انا اخد رد فعل لانه ما فيش حاجه حصلت في الواقع. الخيالات زي دي بالظبط فانا دلوقتي بتعامل مع حاجات كلها مش هتسيب اثر حقيقي في حياتي اذا انا بختار ان بعد ما اخلص الامتحان اخد صفر هو ده الخيال افضل اذاكر اذاكر في الخيال واحل كويس جدا وبعدين اصحى في الواقع الاقي نفسي درجاتي كلها صفر طب هو ايه اللي يخليني اقرر اجيب صفر. ازاي كده ازاي في حد ممكن يقرر يجيب صفر؟ صعبه شويه فكري فيها حبه. طيب نيجي للموضوع التاني موضوع ان انا بتاثر لما بسمع عن حاجه تعالي اقول لك ده بيحصل معاكي ليه ده بيحصل معك عشان انت تعلمتي ازاي تتقمسي شخصيات اتعلمتي ازاي تشوفي شخصيه وتاخدي كوبي من الشخصيه دي فبقى الموضوع بيحصل معك بشكل تلقائي من غير ما انت تكوني عايزه تعملي كده اصلا فتلاقي نفسك قدام. حاله تقومي تلاقيها بتعمل عليك كوبي من غير ما انت تختاري او تحبي ده فتتنقل لك نفس الفكره تحسي انه هي لبستك بالظبط كده يعني الموضوع ده برضو لما تتخلصي من الخالات هتلاقيه بيخف كتير لانك هتبقي تمسكتي بواقعك وبشخصيتك انت وهتبداي ترفضي اي شخصيه تانيه سواء شخصيه خياليه او حتى اي صفه جايه لك هي ما تمسكيش لان دلوقتي انا لو سالتك وكلمتك وقلت لك انت كلميني عن نفسك او قولي لي صفاتك. انت هتقولي الصفات اللي هم بيقولوها عنك زي ما قلت ان الدكتور قالت عليك انت بنت مؤدبه بزياده لكن انت مش شايفه ده انت مش شايفه ان هو ده انت محتاج ان انت تتعرفي على نفسك وتعرفي انت مين. كل ما هتكوني عارفه نفسك كويس وبتوصفي نفسك بصفات انت شايفه ان هي فعلا ده انا ومش حد تاني كل ما تقدري ترفضي اي حاجه جايه دخيله عليك وهي مش بتاعتك ومش شبهك لكن دلوقتي انت متعوده على متعوده على موضوع التقمص والتلبس وهو ده اللي بيخليك غصب عنك كل ما تقراي حاجه او تشوفي حاله معينه تحسي ان هي اتنقلت لك وان ده انت. لو حابه تعملي ده مع نفسك تقدري تقعدي. تكتبي بالورق او القلم الصفات اللي انت شايفاها في نفسك اللي تحبي الناس تقول دي فلانه لكن مش علشان هي صفات حلوه ولكن حاجات بتوصفك حتى وان كانت عيوب بس تكون حاجات حقيقيه.
تم النشر الجمعة، ٢٤ مايو ٢٠٢٤
أولاً يا حبيبتي لا تقلقي كثيرًا، الأفكار الغريبة والأحلام اليقظة المفرطة قد تكون عبارة عن طريقة لعقلك للاسترخاء والترفيه عن نفسه خاصة بعد تعرضك لظروف صعبة في الطفولة. إذا كانت لديك ثقة بنفسك وتقبلين نفسك كما أنت، فلا داعي للقلق بشأن الأفكار التي تتداولها عقلك. مهم جدًا تستشيري متخصص نفسي ليساعدك على تحليل وفهم الأفكار التي تشغلك وطريقة تعاملك معها. الاهتمام بالصلاة والصيام وقراءة القرآن مهم للسلام الداخلي، لكن الحالة النفسية تحتاج أيضًا إلى متابعة مع اختصاصي نفسي لتقييم الحالة بشكل أفضل وتقديم الدعم اللازم. لا تشعري بالذنب أو بالوحدة، فالكثير من الأشخاص يمرون بفترات تشعر فيها بالارتباك والقلق. كل شيء سيكون بخير، استمري في طريقك نحو الشفاء واستمتعي بحياتك بكل ايجابية وتفاؤل.
تم النشر الجمعة، ٢٤ مايو ٢٠٢٤
لعرض السؤال في فدني اضغط هنا