انا لوحدى دايما لوحدى على طول ببقى نفسى حد يهتم بيا ويسأل عليا علشانى انا مش علشان مصلحة
دايما اخرج لوحدى واشترى لبس لوحدى لا بتصور ولا بعمل اى حاجة علشان محدش مهتم يشوف اصلا
حتى شغلى قاعدة فيه بالعافية علشان مصاريفى ، مفيش حل غير انى انتحر اصل هعيش ليه ولو فضلت كدة هيجيلى المرض من الزعل والعياط
المُستَجِيرُ بعمروٍ..كالمستجيرُ من الرَمضَاء بالنار. يعني انتي بتروحي للإنتحار (اللي ربنا بيعذب صاحبه) علشان تهربي من وحدتك؟! الناس أصبحت مهتمة جدًا بإن يكون لها صحاب من غير ما تغير طريقة حياتها طب إزاي؟ وطبيعي على فكرة احنا بنشتغل علشان الفلوس فقط انتي حياتك عادية مش بائسة ولا حاجة، متضايقة؟ اخرجي لوحدك، اتعرفي على بنات قدك في مواقع التواصل اقعدي فكري في مشروع أو هواية والله الحياة قدامك لكن القعدة مخلياكي بتفكري غلط مين قالك انك في الحياة علشان تبسطي الناس؟!
تم النشر الاثنين، ١٠ أبريل ٢٠٢٣
الانتحار مش حل انتي جميله وحياتك فيها حجات حلوه كتير تعيشيها معاكي انه صعب انك تعيشي لوحدك بس في حلول كتير نعملها عشان نحسن حياتنا وعشان منحسش الوحده دي وعشان يخفف عنك الزعل ارجوكي اطلبي المساعده من مختص هتحسي بفرق كبير وان طعم الدنيا اختلف بعد التجربه دي
تم النشر الثلاثاء، ١١ أبريل ٢٠٢٣
أهلاً بك، أنا هنا لمساعدتك. من الواضح أنك تعاني من الشعور بالوحدة والاهمال ، وهذا أمر صعب بالتأكيد. لكن هناك حلول أخرى عديدة يمكن أن تساعدك في التعامل مع هذه المشكلة. أولاً، يمكنك محاولة البحث عن نشاطات أو هوايات جديدة والانضمام إلى جمعيات أو أندية تجمع بين أشخاص يملكون نفس الاهتمامات التي لديك. قد تجد أشخاصًا جددًا هناك وتتشاركوا سويًا في نفس الأنشطة. ثانياً ، تحدث إلى بعض الأشخاص المقربين منك، وحاول توضيح مشاعرك لهم. ربما يمكن أن يكونوا غير على علم بمدى احتياجك إلى الاهتمام والدعم، وقد يتمادون بعد ذلك في الاقتراب منك. وفي النهاية ، لا تنسى أنه خطوة كبيرة وذكية بمجرد البحث عن الدعم المتخصص مثل المعالجة النفسية. يمكن أن يساعد مستشار أو معالج نفسي شخصيًا في التعامل مع المشاعر السلبية والتعامل بشكل أفضل مع مصادر الضغوط التي تواجهك.
تم النشر الاثنين، ١٠ أبريل ٢٠٢٣
ليه مفيش حل غير الانتحار؟ وهل الانتحار حل اصلا؟ فيه حلول كتيرة تقدري تعمليها .. الواحد عايش في الاخر علشان ينهي اختباره في الدنيا على خير، وانتي هتيجي في لحظة وتضيعي ده كله علشان ايه!! انتي تقدري تملي حياتك ... لو مش مرتاحة في الشغل اللي انتي فيه دوري على شغل تاني ايه المانع؟ لو حابه انه يون ليكي مثلا اصحاب .. انزلي انشطة تطوعية هتعملي علاقات كتير جدا، وهتتعلمي حاجات كتير وهتعملي خير. الانتحار اسهل حجة لاي حد .. حاولي ميبقاش اسلوب حياتك انك تستسهلي اي حاجه وتعملي السهل ...
تم النشر الثلاثاء، ١١ أبريل ٢٠٢٣
على العكس تمامًا الانتحار ليس حل، بل مشكلة ضخمة تقحمين ذاتك فيها، فالانتحار لا يعني بتاتًا الراحة بل هو بوابة للعالم الآخر، الذي لا تعرفين كيف سيكون حالك فيه سعيدة أم حزينة، منعمة أم معذبة. صديقتي دعيني أقول لكِ أني كنت مثلك تمامًا منذ سنوات، وما زال بي بعض أثر هذا حتى الآن، فكرت في الانتحار، إلا انني قررت أن أطرق آخر باب قبل الإقدام على هذه الخطوة لعل وعسى يكون فيه من الخير العظيم لي، لقد قررت دخول عالم العلاج النفسي، وزرت طبيبًا نفسيًا ليساعدني على فهم السبب الذي جعلني أفكر في الانتحار وبفضل الله وبعد عام ونصف من العلاج بدأت حالتي تتحسن تدريجيًا، وبدون أدوية كيميائية شديدة، فقط مجرد مهدئ خفيف ولفترة بسيطة، وأكملت رحلتي باستخدام علم النفس المعرفي السلوكي. لذا نصيحة مجرب اطرقِ هذا الباب، وإن كانت تكلفته عالية عليكِ فيمكنك التواصل مع مرسال يوفرون هذه الخدمة بتكلفة لا تزيد عن 100 ج للمقتدرين، ومجانًا لغير المقتدرين فرج الله كربك يا صديقتي
تم النشر الثلاثاء، ١١ أبريل ٢٠٢٣
الإنتحار مش حل، ولازم ميبقاش اختيار اصلا. هات ورقة وقلم واكتب النعم اللي في حياتك، افتكر اوقات ما كنت عيان وكان كل املك انك تخف. غير عقليتك وطريقة تفكيرك السلبية وفكر في حلول واقعية لمشاكلك. وربنا يوفقك للي فيه الخير
تم النشر الثلاثاء، ١١ أبريل ٢٠٢٣
الانتحار يعني بتعملي حاجه تغضب ربنا عليكي صدقيني اللي مع ربنا وقريب منه يبقي كسب العالم كله وكفي بالله قربي منه واشكيله همك هو السند والرحيم واحن عليك من اي صاحب او ام او اخ او اي حد
تم النشر السبت، ١٥ أبريل ٢٠٢٣
لعرض السؤال في فدني اضغط هنا